«قايران ءبىزدىڭ دۇراعا, سىزگە دە ۋاقىت كەلگەنى مە؟ وزىنەن كەيىنگىلەرگە بىلەتىن اقىلىن ايتۋدان جالىقپايتىن, جانى جايساڭ جان ەدى. پەيىلىندە قىلاۋداي كىرشىك جوق تازا ادام ەدى. بالاداي اڭعال دۇراعامەن «حالىق ءسوزى» گازەتىندە, سوسىن ەۇۋ-دا بىرگە قىزمەت ەتتىك. وتباسى مەن تۋىستارىنا, دوستارىنا كوڭىل ايتامىز. اللا الدىنان جارىلقاسىن!», دەپ جازدى جۋرناليست بەيبىت توقتارباي facebook پاراقشاسىندا.
ءدۇرالى دۇيسەباي – كوپشىلىكە تانىمال, قالامى قارىمدى جۋرناليست. «لەنينشىل جاس» (قازىرگى «جاس الاش») گازەتىندە ۇزاق جىل قىزمەت اتقارعان (1981-1996).
قاراپايىم تىلشىدەن باس رەداكتوردىڭ ورىنباسارىنا دەيىن كوتەرىلگەن. كەيىننەن قر مەملكەتتىك تەرگەۋ كوميتەتىنىڭ «قىلمىس پەن جازا – پرەستۋپلەنيە ي ناكازانيە» گازەتىنىڭ باس رەداكتورى بولعان. ۇقك-دە قىزمەت اتقارعان. «حالىق ءسوزى» گازەتىندە جۇمىس ىستەدى. «سپورت» گازەتىنىڭ باس رەداكتورى بولدى.