كەشە “نۇر وتان” حدپ استانا قالالىق فيليالىندا اتالعان فيليال مەن ەلوردا بويىنشا كەدەندىك باقىلاۋ دەپارتامەنتى, وليمپيادالىق الاۋ ەستافەتاسى جانە ءVىى قىسقى ازيا ويىندارىن ۇيىمداستىرۋ جونىندەگى قالالىق ديرەكتسيانىڭ ۇيىمداستىرۋىمەن ء“Vىى قىسقى ازيا ويىندارى: دايىندىق دارەجەسى جانە ىقپالداستىق باسىمدىقتارى” اتتى تاقىرىپتا دوڭگەلەك ۇستەل وتكىزىلدى. ونى “نۇر وتان” حدپ استانا قالالىق فيليالى توراعاسىنىڭ ءبىرىنشى ورىنباسارى ءامىرحان راقىمجانوۆ جۇرگىزىپ وتىردى.
وتىرىستا 2011 جىلعى ەلىمىزدىڭ قوس قالاسى استانا مەن الماتىدا جالاۋىن كوتەرگەلى وتىرعان ءVىى قىسقى ازيا ويىندارىنىڭ استانا قالاسىنداعى دايىندىق بارىسى جانە وعان قاتىستى وتكىزىلىپ جاتقان ءىس-شارالار جايى ءسوز بولدى. سونداي-اق كەدەندىك باقىلاۋ راسىمدەرىنىڭ جەڭىلدەتىلگەن جانە اتالمىش ءدۇبىرلى دوداعا ارنالعان كەدەندىك جۇكتەردى تىركەۋ ءتارتىبى دە نازاردان تىس قالمادى. جيىندا ءسوز العان استانا قالاسى كەدەندىك باقىلاۋ دەپارتامەنتىنىڭ ديرەكتورى نۇرجان اشيحانوۆ پەن وليمپيادالىق الاۋ ەستافەتاسى جانە ءVىى قىسقى ازيا ويىندارىن ۇيىمداستىرۋ بويىنشا قالالىق ديرەكتسيانىڭ ديرەكتورى نايل نۋروۆ قازىرگى تاڭدا ازياداعا بايلانىستى اتقارىلىپ جاتقان جۇمىستارعا توقتالدى.
دوڭگەلەك ۇستەل باعدارلاماسىنا سايكەس جيىنعا جينالعان جۇرتشىلىق پەن باق وكىلدەرى “اۋەجاي – استانا” كەدەندىك باقىلاۋ جانە استانا قالاسى بويىنشا كەدەندىك باقىلاۋ دەپارتامەنتىنىڭ كەدەندىك رەسىمدەۋ ورتالىعى كەدەن بەكەتتەرىندە بولىپ, ولاردىڭ ازياداعا قاتىستى جاساپ جاتقان جۇمىستارىمەن تانىستى.
ءابدىراحمان قىدىربەك.
استانا.