كەڭەس وكىمەتىنىڭ كەزىندە تالاس اۋدانىنا قاراستى «ويىق» كەڭشارىنىڭ ەسەپ-قيساپ بولىمىندە جادىكباي ءىزباسوۆ دەگەن اعامىز قىزمەت ەتكەن بولاتىن. اۋىلدا جادىكباي اتتى ەكى ادام بولعان سوڭ جۇرت ونى «قارا جادىكباي» دەيتىن. الىپ دەنەلى, بىراق بالا مىنەزدى سول كوكەمىزدىڭ اۋزىنان شىققان ۋىتتى سوزدەردى اۋىل تۇرعىندارى جۇرگەن جەرلەرىندە ءبىر-بىرىنە قايتالاپ ايتىپ, قىران-توپان كۇلكىگە قارىق بوپ جاتاتىن...
كەڭەس وكىمەتىنىڭ كەزىندە تالاس اۋدانىنا قاراستى «ويىق» كەڭشارىنىڭ ەسەپ-قيساپ بولىمىندە جادىكباي ءىزباسوۆ دەگەن اعامىز قىزمەت ەتكەن بولاتىن. اۋىلدا جادىكباي اتتى ەكى ادام بولعان سوڭ جۇرت ونى «قارا جادىكباي» دەيتىن. الىپ دەنەلى, بىراق بالا مىنەزدى سول كوكەمىزدىڭ اۋزىنان شىققان ۋىتتى سوزدەردى اۋىل تۇرعىندارى جۇرگەن جەرلەرىندە ءبىر-بىرىنە قايتالاپ ايتىپ, قىران-توپان كۇلكىگە قارىق بوپ جاتاتىن...
«ەمشەكتەن شىعارعان بالادايجىلاپ-جىلاپ ءبىز دە قويامىز دا»
كەڭەس وكىمەتىنىڭ كەزىندە ميحايل گورباچەۆتىڭ ماسكۇنەمدىكپەن كۇرەس جونىندەگى اتىشۋلى قاۋلىسى شىعىپ, اراقتىڭ باعاسى كۇرت قىمباتتاپ, ونىمەن قويماي «اششى سۋدىڭ» ساتىلۋىنا دا توسقاۋىل قويىلعان كەزدە ءبىر قۇرداسى جادىكباي كوكەمە كەلىپ:
– وۋ, جاكە-اۋ, اراقتى قىمباتتاتقانىمەن قويماي, ونى دۇكەننىڭ سورەسىنەن الىپ تاستاعانى قيىن بولدى عوي. ەندى قايتەمىز؟ – دەيدى ۋايىمداپ.
سوندا جادىكباي كوكەم اۋزىن تولتىرىپ, اسىقپاي سويلەيتىن ادەتىمەن:
– ە-ە, قايتۋشى ەك, ەمشەكتەن شىعارعان بالاداي ءبىز دە ءبىر-ەكى اپتا «جىلاپ, جىلاپ» قوياتىن شىعارمىز, – دەگەن ەكەن تۇك بولماعانداي.
«قارا سۋدى قايتا-قايتا ىشكەن ادامداي«كوكقارىن» بولاتىن بولىپپىز عوي...»
جاڭالىقتى جۇرتتىڭ بارىنەن بۇرىن ەستيتىن الگى قۇرداسى ارادا ءبىراز ۋاقىت وتكەننەن كەيىن جادىكباي كوكەمە تاعى دا جەتىپ كەلىپ:
– وۋ, جاكە, اراقتىڭ باعاسىن ارزانداتىپ ساۋداعا قايتادان شىعاراتىن بولىپتى. بىراق بۇرىنعى «اقاڭداي» ەمەس, ونىڭ كۇشى بار بولعانى 30-اق گرادۋس ەكەن, – دەيدى.
سوندا اقىرىپ تۇرعان «اقاڭنىڭ» ءبىر بوتەلكەسىن تارتىپ جىبەرسە دە مىڭق دەمەي جۇرە بەرەتىن الىپ كوكەم:
– ا-ا, نە دەيت؟!. وندا قارا سۋدى قايتا-قايتا ىشە بەرگەن ادامداي «كوكقارىن» بولاتىن بولىپپىز عوي, – دەگەن ەكەن كادىمگىدەي قايعىرىپ.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.