كەشە فۋتبولدان ۋەفا چەمپيوندار ليگاسىنىڭ 1/8 فينال ويىندارىنىڭ تاعى ەكى ماتچى ءوتتى. پورتۋگاليانىڭ «پورتۋ» كلۋبى ءوز الاڭىندا «يۋۆەنتۋستى» جەڭسە, «سەۆيليا» ءوز الاڭىندا وتكەن تارتىستى كەزدەسۋدە «بورۋسسيا د» كومانداسىنا ەسە جىبەردى.
يتاليا چەمپيوناتىنىڭ ەڭ كەيىنگى ويىنىندا «ناپوليدەن» جەڭىلگەن «يۋۆەنتۋستىڭ» بۇل جولى «پورتۋگە» ءالى كەلمەدى. ال «پورتۋ» ءتورت تەڭ ويىننان كەيىن ءبىرىنشى رەت جەڭىسكە جەتىپ وتىر. پورتۋگالياداعى «دراگاۋ» ستاديونىندا وتكەن ماتچتا الاڭ يەلەرى ەكى تايمنىڭ العاشقى مينۋتىندا جىلدام گول سوعىپ, ماڭىزدى جەڭىسىنە قول جەتكىزدى. اتاپ ايتار بولساق, 1-مينۋتتا مەحدي تارەمي, 46-مينۋتتا مۋسسا مارەگا مەرگەندىگىمەن كوزگە ءتۇستى. قوناقتاردان 82-مينۋتتا فەدەريكو كەزا ءبىر گولمەن جاۋاپ قاتتى.
قاتار وتكەن ەكىنشى ماتچتا «بورۋسسيا د» قوناقتا «سەۆيليا» كلۋبىنان 3:2 ەسەبىمەن باسىم ءتۇستى. دورتمۋندتىق كوماندادان ەرلينگ حولاند ءدۋبلدىڭ اۆتورى اتانسا, ماحمۋدا داۋدا كومانداسىنىڭ ءۇشىنشى گولىن سوقتى. يسپانيالىقتاردان سۋسو مەن ليۋك دە يونگ ءوز اتتارىن تابلوعا جازدىرتتى.