ءوزارا ىنتىماقتاستىق تۋرالى مەموراندۋم "رۋحاني جاڭعىرۋ" باعدارلاماسىنىڭ الەۋمەتتىك جوبالارىن ىسكە اسىرۋ, سونداي-اق ايەلدەر اراسىنداعى كاسىپكەرلىكتى قولداۋ ماقساتىندا جاسالدى, دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
سونداي-اق, ءىس-شارا بارىسىندا ونلاين رەجيمدە جىل سايىنعى "Business lady Kazakhstan" بايقاۋىنىڭ قورىتىندى دوڭگەلەك ۇستەلى ۇيىمداستىرىلدى. وندا كونكۋرستىڭ ناتيجەلەرى انىقتالىپ, قاتىسۋشىلار ماراپاتتالدى.
ءىس-شاراعا نۇر-سۇلتان قالاسى بويىنشا "رۋحاني جاڭعىرۋ" جوبالىق كەڭسەسىنىڭ ديرەكتورى اقەركە جۇمانباەۆا, "Business lady Kazakhstan" قوعامدىق بىرلەستىگىنىڭ توراعاسى ساۋلە قايسار جانە باسقا دا قوعام قايراتكەرلەرى مەن ۇكىمەتتىك ەمەس ۇيىمداردىڭ وكىلدەرى قاتىستى.
"مەموراندۋم اياسىندا مۇمكىندىگى شەكتەۋلى جانداردىڭ الەۋمەتتىك بەلسەندىلىگىن ارتتىرۋ جانە قولداۋ بويىنشا جوبالار قاراستىرىلعان. قازىرگى ۋاقىتتا ايەلدەر اراسىنداعى الەۋمەتتىك جوبالارعا ەرەكشە كوڭىل بولىنۋدە, وسى سالاعا بايلانىستى ءتۇرلى جوبالار ازىرلەنىپ جاتىر", - دەپ اتاپ ءوتتى نۇر-سۇلتان قالاسى بويىنشا "رۋحاني جاڭعىرۋ" جوبالىق كەڭسەسىنىڭ ديرەكتورى اقەركە جۇمانباەۆا.
ءداستۇرلى بايقاۋعا نەگىزىنەن اۋىلدىق جەرلەردەن 200-گە جۋىق ايەل ونلاين جانە وفلاين رەجيمىندە قاتىستى. كاسىپكەر ايەلدەر ءۇشىن شەبەرلىك سىنىپتارى مەن وقىتۋ وتكىزىلدى. وندا ولار بيزنەستەگى ءوز داعدىلارىن كورسەتىپ, شىعارماشىلىق الەۋەتىن ارتتىردى.