ەۋرازيالىق ەكونوميكالىق كەڭەستىڭ وتىرىسىندا قانداي ماسەلە تالقىلانادى

كۇن تارتىبىنە 28 ماسەلە ەنگىزىلگەن. ەۋرازيالىق ەكونوميكالىق وداقتىڭ مەملەكەت باسشىلارىنا ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ قايتا قارالعان جوباسى ۇسىنىلادى.

2020 جىلدىڭ مامىر ايىندا جوعارى ەۋرازيالىق ەكونوميكالىق كەڭەس قۇجاتتى تۇتاسىمەن ماقۇلدادى, سودان كەيىن ول تاراپتاردىڭ ۇسىنىستارىن ەسكەرە وتىرىپ پىسىقتالدى. 

سونىمەن قاتار جوعارى ەۋرازيالىق ەكونوميكالىق كەڭەستىڭ وتىرىسىندا وزبەكستان مەن كۋباعا ەاەو-دا باقىلاۋشى مەملەكەت مارتەبەسىن بەرۋ جوسپارلانىپ وتىر.

كۇن تارتىبىنە وداقتىڭ 2021 جىلعا ارنالعان حالىقارالىق قىزمەتىنىڭ نەگىزگى باعىتتارى, ەاەو مەن يران اراسىندا ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمنىڭ 1.3-بابىن ورىنداۋ ماسەلەسى كىرەدى.

سونداي-اق, ەۋرازيالىق ەكونوميكالىق وداقتىڭ ورتاق گاز نارىعىن قالىپتاستىرۋدىڭ ەكىنشى كەزەڭىنە ءوتۋ, وداق مەملەكەتتەرىنىڭ مۇناي سالاسىنداعى زاڭناماسىن ۇيلەستىرۋ بويىنشا ءىس-شارالار جوسپارى («جول كارتاسى») تالقىلانادى.

"ەەك رەگلامەنتىنە تۇزەتۋلەر (ەەك كەڭەسىنىڭ ماقۇلداۋىنا وكىلەتتىك بەرەدى) مەملەكەتتىك (مۋنيتسيپالدىق) ساتىپ الۋ ماقساتىندا تاۋارلاردىڭ جەكەلەگەن تۇرلەرىنىڭ شىققان ەلىن انىقتاۋ ەرەجەلەرى, ەەك القاسىنا ەاەو مۇشە مەملەكەتتەرىنىڭ ونەركاسىپتىك تاۋارلارىنىڭ ەۋرازيالىق تىزىلىمىندەگى وسىنداي تاۋارلار مەن ولاردى وندىرۋشىلەر تۋرالى جازبالاردىڭ كۇشىن جويۋ تۋرالى شەشىم قابىلداۋعا وكىلەتتىك بەرۋ), وداقتىڭ 2021 جىلعا ارنالعان بيۋدجەتى تالقىلانادى", - دەلىنگەن كەڭەس تاراتقان اقپاراتتا.

سونىمەن قاتار وتىرىس بارىسىندا تالقىلانادى:

- ەاەو شەڭبەرىندە جەكە قىزمەت كورسەتۋ سالالارىن ىرىقتاندىرۋ جوسپارلارىن جۇزەگە اسىرۋ,

- م ۇلىكتى باعالاۋ بويىنشا قىزمەتتەر سالاسى بويىنشا ەاەو شەڭبەرىندە قىزمەتتەردىڭ بىرىڭعاي نارىعى جۇمىس ىستەيتىن قىزمەتتەردىڭ سەكتورلارىنىڭ (كىشى) تىزبەسىنە وزگەرىستەر ەنگىزۋ;

- ەاەو سوتىنىڭ توراعاسى مەن ونىڭ ورىنباسارىنىڭ كەلىسىمى,

- ەاەو ورگاندارىنداعى توراعالىق جانە باسقا ماسەلەلەر.

ايتا كەتەيىك, كەڭەستىڭ وتىرىسى بەينەكونفەرەنتسيا ارقىلى وتەدى.