بايقاۋشىلاردى وقىتادى

بايقاۋشىلار مەكتەبىندە تاجىريبەلى ساراپشىلار قازاقستان رەسپۋبليكاسى پارلامەنت ءماجىلىسى مەن ءماسليحاتتارى دەپۋتاتتارىنىڭ 2021 جىلعى سايلاۋى اشىق جانە ايقىن ءوتۋى ءۇشىن ءوز جۇمىستارىن ساۋاتتى جانە ادال ورىنداۋعا ۇيرەتەتىن بولادى. بايقاۋشىلار ءۇشىن سايلاۋ قۇقىعى جانە سايلاۋشىلاردىڭ ميسسياسى, قۇقىقتارى مەن مىندەتتەرى, ەلدىڭ سايلاۋ زاڭناماسىنىڭ بارلىق نورمالارىن ساقتاۋ بويىنشا سەمينارلار ۇيىمداستىرىلادى, ولار بارلىق سانيتارلىق نورمالاردى ساقتاي وتىرىپ, ونلاين جانە وفلاين رەجىمىندە وتەدى. ولار سونداي-اق ەتيكا نورمالارىنا, سونداي-اق بۇقارالىق اقپارات قۇرالدارىمەن ءوزارا ءىس-قيمىل ماسەلەلەرىنە وقىتادى.

– قازاقستان رەسپۋبليكاسى كاسىپ­وداق­تار فەدەراتسياسى 2021 جىلعى سايلاۋعا قاتىساتىنىن اشىق مالىمدەدى, – دەيدى قركف ەڭبەك زاڭناماسى بويىنشا ساراپشى, پرەزيدەنت جانىنداعى قازاقستان حالقى اسسامبلەياسىنىڭ عىلىمي-ساراپشىلىق كەڭەسىنىڭ مۇشەسى اينۇر ءنادىروۆا.  – فەدەراتسيانىڭ جۇمىس ىستەيتىن باستى قاعيداتى – بىرلىك, ادىلدىك, دامۋ. سايلاۋ الدىندا جانە ودان كەيىن الماتى كاسىپوداقتارىنىڭ 1014 وكىلى قاتىسادى, ولار قالانىڭ 507 سايلاۋ ۋچاسكەسىندە جۇمىس ىستەيتىن بولادى. ءبىزدىڭ ارىپتەستەرىمىز سايلاۋ تۋرالى كونستي­تۋتسيالىق زاڭعا تۇسىنىكتەمە بەرىپ قانا قويماي, سايلاۋ ەركىندىگى, وڭشىل ساي­لاۋ قۇقىعى دەگەن نە ەكەنىن تۇسىنۋگە كومەك­تەسەدى. بايقاۋشى جۇمىسىنىڭ نەگىزى – ءبىلىم. سايلاۋ ەلىمىزدىڭ زاڭناماسىنا سايكەس ساۋاتتى ءوتۋى ماڭىزدى. بايقاۋشىلار ازاماتتىق جانە قىلمىستىق كودەكستەردى زەرتتەپ قانا قويماي, ەتيكالىق نورمالاردى ساقتاۋدى ۇيرەنۋى كەرەك. ءبىز Instagram جانە  Facebook الەۋمەتتىك جەلىلەرىندە كومەك كورسەتۋگە دايىنبىز.

ا.ءنادىروۆا كاسىپوداقتار مەكتەبىنىڭ اۋماقتىق كاسىپوداقتار بىرلەستىگىنەن باي­قاۋشىلاردى وقىتۋ بويىنشا تاجىريبەسى بار ەكەنىنە, «الماتى قالاسىنىڭ كاسىپوداق ورتالىعى» ەلىمىزدىڭ باسقا وڭىرلەرىنە ۇلگى بولاتىنىنا سەنىم ءبىلدىردى.