تۇركى الەمى ادامزاتتىڭ تاريحي-مادەني مۇراسىندا ماڭىزدى ورىن الادى. ول ادامزات رۋحانياتىنىڭ, وركەنيەتىنىڭ نەگىزى, ورتالىعى. تۇركىلەردىڭ وركەنيەتكە قوسقان ۇلەسى وراسان. سول سەبەپتى ىرگەلى زەرتتەۋ مەن ايرىقشا نازار اۋدارۋدى قاجەت ەتەدى. تۇركى وركەنيەتىنىڭ نەگىزگى يدەيالارى مەن جاھاندىق وركەنيەتتەگى, تاريحتاعى ءرولى نۇرسۇلتان نازارباەۆتىڭ « ۇلى دالا مۇراسى» كىتابىندا ەرەكشە اتالىپ وتكەن.
ۇلى دالانىڭ فيلوسوفياسى – جاھاندىق وركەنيەتتىڭ دامۋىنا اسەر ەتكەن ۇلتتىق مۇرانىڭ بولىگى ەكەنى ءسوزسىز. داستۇرگە, تاريحقا, مادەنيەتكە قۇرمەت رۋحاني نەگىز سانالىپ, ول ۇلتتىق قۇندىلىقتىڭ وزەگى بولىپ تابىلادى.
دالا – ەڭ الدىمەن رۋحاني كەڭىستىك, جاھاندىق تاريحتىڭ ورتالىعى. وسى تۇستا ەلباسىنىڭ يدەيالارى مەن زاماناۋي الەمنىڭ مودەرنيزاتسياسىنا قاتىستى فيلوسوفيالىق ويلارىن ەرەكشە اتاپ وتكىم كەلەدى.
ن.ءا.نازارباەۆتىڭ « ۇلى دالا مۇراسى» كىتابى بارىنەن بۇرىن جاھاندىق جاڭالىقتار اراسىنداعى تۇركى وركەنيەتىنىڭ جيىنتىعى. بۇگىنگى الەمنىڭ ورنى مەن ءرولىن تۇركىلىك بىرەگەيلىكسىز ترانسفورماتسيالاۋ قيىن. كوشپەندى وركەنيەتى – زاماناۋي الەمنىڭ نەگىزى مەن رۋحاني قاڭقاسى.
دالا پريزماسى ارقىلى باسقا وركەنيەتتىڭ بارىن بىلدىك. قازاق دالاسى ەرەكشە ادامي كود رەتىندە جاھاندىق وركەنيەتتىڭ بولىگىنە اينالدى. ۇلى دالا عارىش پەن ادامزاتتى بايلانىستىراتىن جەر شارىنىڭ كىندىگى سانالادى. ۇلى دالا مۇراسى تولىقتاي تۇركى حالىقتارىنىڭ رۋحانياتى بولۋ ارقىلى ادامزاتقا ورتاق قۇندىلىقتاردىڭ اجىراماس بولىگى.
نۇرسۇلتان نازارباەۆ ءوز كىتابىندا ۇلى دالاعا قاتىستى جۇيەلى كوزقاراستىڭ نەگىزگى يمپەراتيۆتەرىن قالىپتاستىرعان. وندا قازاقستان ۇلى دالا ەلى رەتىندە تانىستىرىلادى.
ەلباسى ەڭبەگىنىڭ نەگىزگى يدەياسى – ۇلى دالانىڭ جاھاندىق تاريحتاعى ورنىنا جاڭا كوزقاراس. نۇرسۇلتان نازارباەۆ كىتابىندا باسىمدىق بەرگەن ۇلى دالانىڭ جەتى قىرى ۇلى دالانىڭ تۇركى وركەنيەتىن قالىپتاستىرۋداعى تاريحي جانە رۋحاني ءرولىنىڭ ماڭىزدىلىعىن كورسەتەدى.
جاھاندىق كوشباسشىنىڭ ستراتەگيالىق كوزقاراسى, ويشىل-ساياساتكەردىڭ قاسيەتى ەلباسى نۇرسۇلتان نازارباەۆقا جاھاندىق اۋقىمداعى جاعدايلاردى كورۋگە مۇمكىندىك بەرەدى. اسىرەسە تۇركىلەردىڭ بىرتۇتاستىعى, تۇركى ەلدەرىنىڭ رۋحاني جاقىنداسۋى ۇلت كوشباسشىسىنىڭ تۇركى جاھاندانۋىن قانشالىقتى تەرەڭ كورەتىنىن تاعى ءبىر مارتە دالەلدەيدى.
ونىڭ ويىنشا, تۇركى الەمى ءححى عاسىردا جارقىن بولاشاققا يە بولۋعا بارلىق مۇمكىندىك پەن رەسۋرسقا يە. ءومىر شىندىعى مەن تۇركىتىلدەس ەلدەردىڭ ينتەگراتسيا ۇدەرىسى ەلباسىنىڭ ستراتەگيالىق دالدىگىن ءسوزسىز كورسەتىپ وتىر.
نازارباەۆ – جاھاندىق دەڭگەيدەگى كوشباسشى, تۇركى الەمىنىڭ مويىندالعان رۋحاني اكەسى سانالادى.
تۇرىك تىلىندە شىعارىلعان كىتاپ تاريحقا تۇركى الەمى مەن تۇركى ەرەكشەلىگى جايىنداعى نەگىزگى ءارى كولەمدى ەڭبەك رەتىندە كىرەدى. نازارباەۆتىڭ كىتابى – جاھاننىڭ زاماناۋي ماسەلەلەرى مەن گەوساياساتىنا جاڭا كوزقاراس.
ەلباسى بولمىسىنان, تۋمىسىنان باستاماشى, تۇركى رۋحانياتىنىڭ ءبىرتۋار ارحيتەكتورى.
سۇلتان راەۆ,
تۇركىتىلدەس مەملەكەتتەردىڭ ىنتىماقتاستىق كەڭەسى باس حاتشىسىنىڭ ورىنباسارى, قىرعىز رەسپۋبليكاسىنىڭ حالىق جازۋشىسى,
تمد مەملەكەتارالىق سىيلىعىنىڭ لاۋرەاتى