قىرىمبەك كوشەرباەۆ قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ وتىرىسىن وتكىزدى, دەپ حابارلادى akorda.kz.
كەشە قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى ازاماتتىق ماسەلەلەرى جونىندەگى كوميسسيانىڭ كەزەكتى وتىرىسى ونلاين رەجىمدە ءوتتى.
وتىرىستا قازاقستان ازاماتتىعىن الۋعا جانە ودان شىعۋعا تىلەك بىلدىرگەن ادامداردىڭ وتىنىشتەرى قارالدى.
ودان بولەك, ىشكى ىستەر جانە سىرتقى ىستەر مينيسترلىكتەرىنىڭ ازاماتتىقتى وزگەرتۋ ماسەلەلەرى جونىندە 2020 جىلى اتقارعان جۇمىستارىنىڭ الدىن الا ناتيجەلەرى تالقىلاندى.
جيىن قورىتىندىسى بويىنشا كوميسسيا مەملەكەت باسشىسىنىڭ قاراۋىنا جاقىن جانە الىس شەتەلدەردەن كەلگەن ءارتۇرلى ۇلتتاردىڭ 1 037 وكىلىن ەلىمىزدىڭ ازاماتتىعىنا قابىلداۋ تۋرالى ۇسىنىس ەنگىزەدى.
كوميسسيا 300 ادامنىڭ قازاقستان ازاماتتىعىنان شىعۋ تۋرالى ءوتىنىشىن قاناعاتتاندىرۋدى دا ۇسىناتىن بولادى.