اقمولا وبلىسى جارقايىڭ اۋدانىنداعى بالالار باقشاسىنىڭ مەڭگەرۋشىسى بولعان ولگا لي وسىدان 5 جىل بۇرىن 1 ملن.نان استام تەڭگەنى جىمقىرىپ, قاشىپ كەتكەن بولاتىن. بۇل تۋرالى Munara.kz حابارلادى.
ول قۇزىرەتتى ورگانعا جالعان مالىمەتتەر ۇسىنىپ, تىزىمدە جوق قىزمەتكەرلەر ءۇشىن جالاقى الىپ وتىرعان. قۇقىق قورعاۋ قىزمەتكەرلەرىنىڭ تەكسەرۋى بارىسىندا ونىڭ 1 ملن.نان اسا تەڭگەنى جىمقىرعانى انىقتالدى. وسىعان بايلانىستى قارجى پوليتسياسىنىڭ قىزمەتكەرلەرى و. ءليدىڭ ۇستىنەن «سەنىپ تاپسىرىلعان م ۇلىكتى يەمدەنۋ جانە شىعىنداۋ», «قىزمەتىن اسىرا پايدالانۋ» بابىمەن قىلمىستىق ءىس قوزعاعان بولاتىن. ارتىنان ونىڭ قاشىپ كەتكەنى ءمالىم بولىپ, وعان حالىقارالىق ىزدەۋ جاريالاندى.
جاقىندا اتىشۋلى قىلمىسكەر پوليتسيانىڭ قولىنا ءتۇسىپتى. قازىر ول الماتى قالالىق ىشكى ىستەر دەپارتامەنتىنىڭ ۋاقىتشا وقشالاۋ يزولياتورىندا وتىر.
باقىتبەك كەنەش ۇلى.
دەرەككوز: Munara.kz