قازاقستان پرەزيدەنتى قاسىم-جومارت توقاەۆتىڭ حالىققا ارناعان جولداۋىمەن تانىستىرۋ ماقساتىندا س.جيەنباەۆ اتىنداعى وبلىستىق جاسوسپىرىمدەر كىتاپحاناسىندا «پرەزيدەنت جولداۋى - جاستاردىڭ جارقىن كەلەشەگى» اتتى وي-پىكىر ساعاتى وتكەن بولاتىن. وتكىزىلگەن شارانىڭ نەگىزگى ماقساتى: جاستاردى پاتريوتتىققا باۋلۋ, ەل تاريحىن بىلۋگە, ەلىمىزدى وركەندەتۋ ءۇشىن ءبىلىمدى ۇرپاق بولۋعا تاربيەلەۋ. وقىرمانداردىڭ بويىنداعى ۇلتجاندىلىق قاسيەتىن كوتەرۋ, قوعامدىق ءىس-شارالارعا تارتۋ.
پرەزيدەنتىمىز قاسىم-جومارت توقاەۆ ەل ەكونوميكاسىن, حالىقتىڭ جاعدايىن جاقسارتۋ ماقساتىندا مەملەكەت الدىندا تۇرعان اسقارالى مىندەتتەر تۋرالى ماسەلە قوزعاعان بولاتىن. جولداۋدا «مەن حالىققا بەرگەن ۋادەلەرىمدى مىندەتتى تۇردە ورىندايمىن. ءبىز ءوز جۇمىسىمىزدا ەلباسى ۇسىنعان بەس ينستيتۋتتىق رەفورما مەن ۇلت جوسپارىن تولىققاندى جۇزەگە اسىرۋ قاجەتتىگىن باستى نازاردا ۇستاۋىمىز كەرەك. ەلباسىمىزدىڭ باستاماسىمەن قۇرىلعان جاڭعىرتۋ جونىندەگى ۇلتتىق كوميسسيانىڭ جۇمىسىن قايتا جانداندىرۋ قاجەت», دەدى ەل پرەزيدەنتى.
مەملەكەت باسشىسىنىڭ حالىققا ارنالعان كەزەكتى جولداۋىنىڭ وزىندىك ەرەكشەلىكتەرى وتە كوپ بولدى. جولداۋدا مادەنيەت قىزمەتكەرلەرىن قولداۋ تۋرالى ماسەلە كوتەرىلىپ, كەلەسى جىلدان باستاپ مادەنيەت قىزمەتكەرلەرى ەڭبەكاقىسىنىڭ كوتەرىلۋى, جەڭىلدىگى بار تۇرعىن ءۇي باعدارلاماسىنا قاتىسا الاتىندىعىنا ءبىز سياقتى جاس كىتاپحاناشى مامانداردى قۋانتتى. مەملەكەت باسشىسى ەلىمىزدىڭ زەينەتاقى جۇيەسىن دامىتۋ سالاسىنا دا ەرەكشە توقتالىپ ءوتتى. سونىڭ ىشىندە زەينەتاقى جيناعىنىڭ ءبىر بولىگىن باسپانا ساتىپ الۋ, ءبىلىم الۋ ءۇشىن پايدالانۋعا بولاتىندىعى وقىرماندارىمىزعا ەرەكشە ۇنادى. پرەزيدەنتتىڭ جولداۋىندا الەۋمەتتىك-ەكونوميكالىق جاعدايلارعا جان-جاقتى تالداۋ جاسالىنىپ, بۇل جۇمىستاردى ارى قاراي دامىتىپ, وڭالدىرۋ ءۇشىن ناقتى مىندەتتەر قويىلدى. پرەزيدەنت تەك اۋديتوريا ىشىندە عانا ەمەس, جولداۋدى تىڭداپ وتىرعان بارلىق جۇرتشىلىقپەن ديالوگ ورناتقان بولاتىن. قازاقستاندىقتاردى تولعاندىرىپ جۇرگەن كوپتەگەن سۇراقتارعا جاۋاپتار بەرىلىپ, سونىڭ ىشىندە شەتەلدىكتەرگە جەر ساتىلمايتىندىعىن ناقتى ايتقان بولاتىن.
وسىلايشا, پرەزيدەنت جولداۋىنىڭ نەگىزگى باعىت-باعدارلارىن ايقىنداپ بەرگەن ەدى. ءسوز سوڭىندا مەملەكەت باسشىسى «باعىتىمىز – ايقىن, جولىمىز – اشىق» دەي كەلە, بارلىق قازاقستاندىقتارعا زور جەتىستىك, اماندىق, تابىس تىلەدى. پرەزيدەنتىمىزدىڭ جولداۋىن تىڭداپ قانا قويماي, وقىرماندار ءوز ۇلەستەرىن قوساتىندىعىن ايتىپ, قۋانىشتارىن جاسىرا المادى. سونىمەن قاتار بيىلعى جىل ۇستازدار ءۇشىن ءساتتى باستالدى. سەبەبى مۇعالىمدەرگە قاتىستى ەكى بىردەي قۇجاتقا قول قويىلىپ, مۇعالىمدەر مارتەبەسىنىڭ كوتەرىلۋىنە جول اشىلدى. 2021 جىلدان باستاپ مۇعالىمدەردىڭ جالاقىسى 25 پايىزعا ارتاتىن بولادى. كىتاپحانامىزدىڭ تىكەلەي ەفيرىندە قىزمەتشىلەرىمىز جولداۋدى كەڭىنەن تالدادى. ءبىلىم, سپورت, مادەنيەت, ەكونوميكا, اقپارات, دەنساۋلىق سالاسىنداعى وزگەرىستەر مەن تولىقتىرۋلاردى حالىققا جەتكىزدى.
گۇلنار مالىك,
ساعي جيەنباەۆ اتىنداعى وبلىستىق جاسوسپىرىمدەر كىتاپحاناسىنىڭ قىزمەتكەرى
اقتوبە