جاڭا پورتال تانىستىرىلدى

التىن كۇننىڭ استىندا ورتاق مۇددە جولىنا ۇيىسىپ, قايماعى بۇزىلماعان قادىرلى جۇرتىمىز وردا تىككەن وتىز جىلدى وتكەرىپ, بولاشاققا باتىل بەت الىپ بارادى. جوعالعانىمىز تابىلىپ, وشكەنىمىز جانىپ, كەم-كەتىگىمىز تولىسىپ, ۇلتتىق قۇندىلىقتار ۇلىقتالۋدا. تانىستىرىلىمنىڭ تيەك اعىتار ءسوزى وسىلاي باستالدى. ءتىل ساياساتى كوميتەتىنىڭ تو­راعاسى ادىلبەك قابا شارا ما­ڭى­زىنا توقتالدى: «مەملەكەت باس­شىسىنىڭ ۇلى ابايدىڭ 175 جىلدىعىن جوعارى دەڭگەيدە مەرەكەلەۋ تۋرالى ارنايى جار­لى­عى حالقىمىزدىڭ تاريحي جا­دى مەن رۋحاني ومىرىنە سونى سەرپىلىس اكەلگەن تاريحي وقيعا بولدى. قازاقستان رەسپۋبليكاسى مادەنيەت جانە سپورت مينيسترلىگى تاراپىنان وسى باعىتتا قولعا العان شارۋانىڭ شوقتىعى بيىگى – وسى «اباي ينستيتۋتى» اشىق ءبىلىم بەرۋ جوباسى. بۇل شارا­نىڭ قاينار كوزى «قازاقستان رەس­پۋبليكاسىنداعى ءتىل ساياساتىن ىسكە اسىرۋدىڭ 2020-2025 جىل­دارعا ارنالعان مەملەكەتتىك باع­دارلاماسىنان» باستاۋ الادى. قازىرگى تاڭدا «وتانداستار» قورىمەن بىرلەسىپ, بەس مەملەكەتتە: تۇركيا, يران, رەسەي, بەلگيا جانە اقش ەلدەرىندە قازاق ءتىلىن وقىتۋ كۋرستارىن باستادىق».

شايسۇلتان شاياحمەتوۆ اتىن­­داعى ء«تىل-قازىنا» ۇلت­تىق عىلى­مي-پراكتيكالىق ورتا­لى­عى ديرەكتورىنىڭ ورىنباسارى ايدوس ابدىحالىق پورتال تۋرالى جان-جاقتى اڭگىمەلەپ بەرسە, جازۋ­شى, فيلولوگيا عى­لىم­دارىنىڭ دوكتورى, ابايتا­نۋ­شى تۇرسىن جۇرتباي ىسكە قوسىلىپ جاتقان جوبادان ۇلكەن ءۇمىت كۇتەتىنىن جاسىرمادى.

ء«بىزدىڭ بۋىن بالانىڭ ويىنى دەپ ساناپ كەلگەن عالامتور بۇگىندە زامان ءتىلى رەتىندە تانىلىپ, ءتىپتى مەملەكەتتەردىڭ ساياساتىن ايقىنداپ بەرەتىن قۇرال دەڭ­گەيىنە كوتەرىلدى. سوندىقتان قازاق ءتىلىن بىلگىسى كەلەتىن شەتەل­دىك­تەرگە بۇل جوبا ۇلكەن كومەك بولادى دەپ ويلايمىن. ءوز باسىم وسىن­داي ەۋروپالىقتارعا كۋا بولىپ, قىتاي عالىمىنىڭ اباي قاراسوزىنىڭ اۋدارماسىنا: «مۇنى نەعىپ بۇرىن بىلمەگەنمىن», – دەپ تاڭعالعانىن كوردىم. ەندى كوركەمدىك دەڭگەيىن كوتەرىپ, وسى پورتالعا جاريالاسا, قانشالىقتى كومەك بولار ەدى», دەدى ول.

قازاقستان رەسپۋبليكاسى سىرت­­قى ىستەر مينيسترلىگى دياس­پو­را­لارمەن جۇمىس جونىندەگى باس­قار­ما باسشىسى مۇقتار كارىباي, قازاقستان رەسپۋبليكاسى اقپا­رات جانە قوعامدىق دامۋ مينيس­ترلىگى «وتانداستار قورى» پرەزي­دەن­تىنىڭ كەڭەسشىسى ديدار بولات اقجولتاي تىلەك ءبىلدىردى.

ىسكە قوسىلىپ وتىرعان www.abai.institute ۆەب-پورتالىنىڭ جۇ­­­مىسى تۋرالى شايسۇلتان شاياح­­مەتوۆ اتىنداعى ء«تىل-قا­زى­نا» ۇلتتىق عىلىمي-پراك­تي­كا­­لىق ورتالىعى ادىستەمە باس­قار­­ما­سىنىڭ باسشىسى سوفيا قا­جىاق­­­­پارقىزى جان-جاقتى تۇ­سى­­­نىك بەردى, ال «قازاق ءتىلىن وقى­تۋدا ينتەرنەت رەسۋرستارىن پاي­­دا­لانۋ تۋرالى» يران يسلام رەس­­­پۋبليكاسىنداعى قازاق ءتىلى وقى­­تۋ­شىسى اسقار قازاق اڭگى­مە­لەدى.

ونلاين شاراعا شەتەلدەردەگى قازاق­ستان رەسپۋبليكاسى ەلشى­لىك­تە­رىنىڭ جاۋاپتى ماماندارى, تۇركيا, يران, رەسەي, بەلگيا جانە اقش ەلدەرىندە قازاق ءتىلىن وقىتىپ جاتقان كۋراتورلار مەن برازيليا, فرانتسيا, گەرمانيا, قىتاي, وزبەكستان, موڭعوليادا تۇرىپ جاتقان باۋىرلارىمىز قاتىستى.

ەرلان توسباي ۇلى