قازاقستاندا ماقتا جيناۋ ناۋقانى اياقتالۋدا, - دەپ حابارلايدى Egemen.kz اۋىل شارۋاشىلىعى مينيسترلىگىنىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا 316 مىڭ ءتوننا شيتتى ماقتا نەمەسە جوسپارلانعان كولەمنىڭ 95% جينالدى. ورتاشا ونىمدىلىك گەكتارىنا 24,3 تس قۇرادى, ءونىمنىڭ 84%-ى كومباينداردىڭ كومەگىمەن جينالدى.
ونىمدىلىك بويىنشا تۇركىستان وبلىسىنىڭ ورداباسى (30,2 تس/گا) جانە ماقتاارال (25,0 تس/گا) اۋداندارى كوش باستاپ تۇر.
شارۋالار وسىرىلگەن جانە جينالعان ءونىمدى 18 ماقتا وڭدەۋ زاۋىتىنىڭ 166 قابىلداۋ پۋنكتىنە وتكىزۋدە.
ايتا كەتۋ كەرەك, بيىل ارتاراپتاندىرۋعا بايلانىستى ماقتا داقىلدارىنا ارنالعان ەگىس القاپتارى 5,5 مىڭ گەكتارعا ازايتىلدى. ناتيجەسىندە 131,2-دەن 125,8 مىڭ گەكتارعا دەيىن قىسقاردى. بۇل باعانىڭ وسۋىنە ىقپال ەتتى. قازىر ءشيتتى ماقتا تونناسىنا ورتا ەسەپپەن 160-165 مىڭ تەڭگەدەن قابىلدانۋدا. وتكەن جىلمەن سالىستىرعاندا 25%-عا ءوستى. بىلتىر 130 مىڭ تەڭگەدەن باعالانعان بولاتىن.
باعانىڭ ءوسۋى ماقتا وسىرۋمەن اينالىساتىن 125 مىڭ قازاقستاندىقتىڭ الەۋمەتتىك-ەكونوميكالىق جاعدايىن جاقسارتۋعا مۇمكىندىك بەردى.
بۇرىن حابارلانعانداي, ماقتا شارۋاشىلىعىن قولداۋ ءۇشىن مەملەكەت اعىمداعى جىلى تومەندەتىلگەن باعامەن 76 مىڭ توننادان استام جانار-جاعارماي, سونداي-اق مىڭ توننا تۇقىم, 80 مىڭ تونناعا جۋىق مينەرالدى تىڭايتقىشتار, 183 مىڭ ليتر پەستيتسيدتەر جانە زيانكەستەرگە قارسى قولدانىلاتىن 207 مىڭ بىرلىك بيواگەنتتەر ءبولدى.
جالپى العاندا, 2020 جىلى قر ۇكىمەتى مەن اۋىل شارۋاشىلىعى مينيسترلىگى 30 مىڭ اۋىل شارۋاشىلىعى وندىرۋشىلەرىنە قولداۋ كورسەتتى. سونىمەن قاتار, جالپى قۇنى 6 ملرد تەڭگە بولاتىن 891 اۋىل شارۋاشىلىعى تەحنيكاسى ءۇشىن 1,2 ملرد تەڭگە ينۆەستيتسيالىق سۋبسيديا تولەندى.