“قازاقستاننىڭ 100 جاڭا ەسىمى” جەڭىمپازدارىمەن ونلاين-كەزدەسۋ ءوتتى

“سىزدەر – وزىنە سەنەتىن, بىرنەشە ءتىلدى مەڭگەرگەن, جاھاندىق اقپاراتتىق قوعامداستىقتىڭ تەتىگىن يگەرگەن ءبىلىمدى, تالانتتى, كرەاتيۆتى قازاقستان جاستارىنىڭ وكىلىسىزدەر. مەن بولاشاق ۇرپاققا سىزدەردىڭ ۇلگى بولاتىندارىڭىزعا وتە قۋانىشتىمىن. ەلباسى كىتاپحاناسى جاس قازاقستاندىقتاردىڭ تاربيەسى مەن بىلىمىنە باسىم ءمان بەرىپ, وتاندىق جانە حالىقارالىق جوبالاردىڭ دامۋى مەن ورىستەۋىنە بەلسەندى ات سالىسادى. كىتاپحانانىڭ سايتىندا “ ۇلى دالا تارلاندارى” اقپاراتتىق جوباسى ىسكە قوسىلعان, وندا ءتۇرلى ماتەريالدار سونىڭ ىشىندە “قازاقستاننىڭ 100 جاڭا ەسىمى” جوباسىنىڭ فيناليستەرىمەن ۆيدەوكەزدەسۋلەر دە بار. ءوز تابىسىڭنىڭ قۇپياسىمەن ءبولىسۋ - بۇل وتە ماڭىزدى ءىس, جانە ءبىز جاس قازاقستاندىقتار اراسىندا اقىلدى, پەرسپەكتيۆتى, كرەاتيۆتى جانە ماقساتقا ۇمتىلعىش ليدەرلەردىڭ بارىنا وتە قۋانىشتىمىز”, دەدى ونلاين-كەزدەسۋ قاتىسۋشىلارىنا ايتقان العىسوزىندە ءامىرحان راحىمجانوۆ.

“قازاقستاننىڭ 100 جاڭا ەسىمى” جوباسىنىڭ قالاي دامىپ كەلە جاتقانىن جوبا كۋراتورى بيبىگۇل قۇلامان تارقاتتى. ول ەلباسى كىتاپحاناسىمەن ءتيىمدى سەرىكتەستىك تۋرالى ءسوز ەتىپ, قولداۋ ءۇشىن العىسىن ءبىلدىردى. 

“قازاقستاننىڭ 100 جاڭا ەسىمى” جوباسى پاندەمياعا قاراماستان جۇمىسىن جالعاستىرۋدا. ەلباسى كىتاپحاناسىنا “ ۇلى دالا تارلاندارى” جوباسى ءۇشىن العىس ايتقىمىز كەلەدى, سەبەبى ونىڭ جەڭىمپازدارىنىڭ ەسىمى جان-جاققا تارادى. ايتپاعىم, ەلباسىنىڭ باستاماسىمەن قۇرىلعان جوبا جاستاردىڭ باسىم كوبىنە قارقىندى مارە بولا الدى. ارقايسىسى قازاقستاندىق قوعامنىڭ دامۋىنا ۇلەس قوسا الاتىن سەلف-مەيد. ءبىزدىڭ جەڭىمپازدار قازاقستان اتىن بار الەمگە تانىتۋدا. يمانبەك زەيكەنوۆ, ايگەرىم بەرەكەشوۆا, ايجان ءجۇزباي جانە تاعى باسقالارى. ارقايسىسى ەڭبەگىمەن باعالى, قۇندى”, دەپ اتاپ ءوتتى ب.قۇلامان. 

تابيعاتى ەرەكشە بالالار اراسىندا قازىرگى ۋاقىتتا ينكليۋزيا مەن بىلىمگە دەگەن قارىم-قاتىناستىڭ قالاي وزگەرىپ جاتقانىن جوبا ءفيناليسى نۇرگۇل ۇلجەكوۆا ايتتى. 2016 جىلى مۇددەلەستەرمەن بىرگە ول “تەڭ مۇمكىندىكتەر الەمى” قوعامدىق بىرلەستىگىن قۇرعان ەدى. قازىرگى ۋاقىتتا نۇرگۇل ەرەكشە بالالاردى مەملەكەتتىك جۇيەلى قورعاۋدى ماقسات ەتەتىن زاڭنامالىق جۇمىسقا قاتىسۋدا. 

ء“بىز قادامىمىزدى سەنىمدى باسىپ كەلەمىز. بۇگىندە بىرقاتار قالادا ەرەكشە بالالارعا ارناپ تەگىن بەيىمدەۋ سپورت سەكتسيالارى اشىلدى. بۇل سەكتسيالار بۇلدىرشىندەرگە ىشكى كەدەرگىلەردى جويۋعا كومەكتەسەدى. اركىم تەڭ مۇمكىندىكتەر الەمىندە ءومىر ءسۇرۋى ءتيىس. ءبىز بۇل تۇسىنىكتىڭ كەڭ ەتەك جايعانىن قالايمىز. سوندىقتان “قازاقستاننىڭ 100 جاڭا ەسىمى” جوباسىنا قاتىسۋ جۇمىسىمىزدىڭ تيىمدىلىگىن ارتتىرۋدا جانە ەرەكشە بالالاردىڭ ماسەلەلەرى تۋرالى قوعامعا  مەيلىنشە كەڭىرەك جەتكىزۋدە وتە ماڭىزدى كەزەڭ بولدى”, دەيدى ن.ۇلجەكوۆا. 

بەيبىتشىلىك پەن تىنىشتىق, قازاقستانداعى ۇلتارالىق تاتۋلىق مودەلى تاياۋ شىعىستاعى مەملەكەتتەر نەگىزىندە وسىناۋ نازىك ماسەلەنىڭ ۇلگىسى بولا العانىن اسكەري دارىگەر, پودپولكوۆنيك, “قازاقستاننىڭ 100 جاڭا ەسىمىنىڭ” ءفيناليسى ساۋلەت قالداشوۆ ايتتى. ول بۇۇ-نىڭ ليۆانداعى ميسسياسى قۇرامىنداعى اسكەري قاۋىرت كۇندەرىنىڭ ەستەلىگىمەن ءبولىسىپ, تۇڭعىش پرەزيدەنت ن.ءا.نازارباەۆتىڭ باستاماسىمەن جاساقتالعان جوبا - بۇل ءوز وتانىنىڭ ناعىز پاتريوتتارىنىڭ سينەنەرگياسى دەپ اتاپ ءوتتى. 

“قازاقستاننىڭ 100 جاڭا ەسىمى” جوباسى جەرىن, ەلىن شىن سۇيەتىن, ونىڭ يگىلىگى ءۇشىن ايانباي تەر توگىپ جۇرگەن جانداردىڭ ەسىمىن حالىققا پاش ەتتى. بۇل جاندار – قوعامنىڭ دامۋىنا ەڭبەك ءسىڭىرىپ جۇرگەن ۇلتتىڭ جاناشىرى, ناعىز پاتريوت ازاماتتار. بۇل جەتىستىكتەردى ساقتاپ قالىپ, جەرىمىزدى سىن-قاتەردەن قورعاۋىمىز شارت. قازاقستاننىڭ جارقىن دا بەيبىت كەلەشەگى ءبىزدىڭ قولىمىزدا”, دەپ مالىمدەدى س.قالداشوۆ. 

ونلاين-كەزدەسۋگە سونداي-اق جوبا فيناليستەرى ەلنارا باينازاروۆا, نازگۇل جاكەنوۆا,  ماليكا مۇحتاروۆا, دينا بايتاسوۆا, اسحات ءسادۋوۆ, رۇستەس ەرعالي, ايجان ءجۇزباي,  يلدار ياگياەۆ قاتىستى. 

كەزدەسۋ سوڭىندا ەلباسى كىتاپحاناسىنىڭ ديرەكتورى, ساياسي عىلىمداردىڭ دوكتورى, پروفەسسور ءامىرحان راحىمجانوۆ سۇحباتتاسۋشىلارعا قاتىسقاندارى ءۇشىن العىس ءبىلدىرىپ, جوبانىڭ ءار جەڭىمپازى تاجىريبەسى مەن تاريحى قازاقستاندىق جاستار ءۇشىن مىقتى موتيۆاتسيا بولا الاتىنىن العا تارتتى.