«سامۇرىق-ەنەرگو» اق-نىڭ اعىمداعى شىعىستارى مەن كۇردەلى سيپاتتاعى شىعىستارى 2020 جىلى 18,5 ملرد تەڭگەگە قىسقارتىلدى. قىسقارتۋ شارالارى «سامۇرىق-قازىنا» ۇاق» اق باسقارما توراعاسى احمەتجان ەسىموۆتىڭ «سامۇرىق-قازىنا» اق جەدەل شتابى وتىرىسىندا بەرگەن تاپسىرمالارىن ورىنداۋ اياسىندا ىسكە اسىرىلۋدا.
ەسكە سالا كەتەيىك, «سامۇرىق-قازىنانىڭ» قۇرامىنا كىرەتىن كومپانيالاردىڭ الدىنا كەڭ اۋقىمدى مىندەتتەر قويىلىپ, ناقتى تاپسىرمالار بەرىلگەن بولاتىن, سولاردىڭ قاتارىندا وزدەرىنىڭ وندىرىستىك قىزمەتىنە تىكەلەي اسەر ەتپەيتىن شىعىستاردى قىسقارتۋ, كومپانيالارداعى باسشىلىق لاۋازىمدار مەن ۆاكانسيالاردى قىسقارتۋ تۇرعىسىنان ۇيىمدىق قۇرىلىمدارىن قايتا قاراۋ جانە ت.ب. جۇمىستار قولعا الىندى.
2020 جىلعا جوسپارلانعان شىعىستاردى تالداۋ قورىتىندىسى بويىنشا «سامۇرىق-ەنەرگو» اق كونسۋلتاتسيالىق, اۋديتورلىق جانە زاڭگەرلىك قىزمەتتەرمەن, باعدارلامالىق جاساقتامانى سۇيەمەلدەۋمەن جانە جاڭارتۋمەن, رەزەرۆ جاساۋ جانە اۆتوكولىكتى ۇستاۋ شىعىندارىمەن بايلانىستى جانە وزگە دە اعىمداعى شىعىستارىن قىسقارتتى. وپەراتسيالىق شىعىستارىمەن قاتار, كومپانيا كۇردەلى سيپاتتاعى شىعىستارىن دا قايتا قارادى, بۇل بويىنشا وڭتايلاندىرۋ 15,8 ملرد تەڭگەنى نەمەسە جالپى ينۆەستيتسيالىق شىعىستاردىڭ 13%-ىن قۇرادى.
ەلىمىزدىڭ اسا ءىرى ەلەكتر ەنەرگەتيكالىق حولدينگى كۇردەلى ەپيدەميالىق احۋال كەزىندە ءوزىنىڭ قىزمەتكەرلەرىن قولداۋ ءۇشىن قاجەتتى شارالاردى قولعا الدى. كارانتين كەزەڭىندە كومپانيانىڭ ەلەكتر ستانسالارى مەن كاسىپورىندارىندا جۇمىس ورىندارىن قىسقارتۋعا, جالاقىنى كەشىكتىرۋگە جول بەرىلمەدى, سونداي-اق ەڭبەك زاڭناماسىندا جانە ۇجىمدىق شارتتاردا بەلگىلەنگەن وتەماقىلار تولەنىپ, جەڭىلدىكتەر قاراستىرىلدى.
«سامۇرىق-ەنەرگو» اق ەلەكتر ەنەرگەتيكاسى جانە كومىر ءوندىرۋ سالالارىنداعى جۇمىسى شتاتتىق رەجىمدە ىسكە اسىرىلۋدا.
جىلدىڭ قورىتىندىسى بويىنشا ەلەكتر ەنەرگياسىن ءوندىرۋ كولەمى 30,5 ملرد كۆت ساع دەڭگەيىندە, 2019 جىلمەن سالىستىرعاندا ءوسىم 0,3 ملرد كۆت ساع بولادى دەگەن بولجام جاسالۋدا (2019 جىلى ءوندىرۋ كولەمى 30,2 ملرد كۆت ساعاتتى قۇرادى).