الماتى تۇرعىنى ساندۋعاش ورازوۆا ديماش قۇدايبەرگەننىڭ جانكۇيەرلەرىنە قازاق ءتىلىن تەگىن ۇيرەتەدى, دەپ حابارلايدى Egemen.kz.
مامىر ايىندا كانادادان كەلگەن ديماش قۇدايبەرگەننىڭ جانكۇيەرلەرىنىڭ ءبىرى Facebook پاراقشاسىندا قازاق ءتىلىنىڭ وقىتۋشىسىن ىزدەپ جاتقانىن جازعان. ساندۋعاش جاۋاپ بەرۋگە شەشىم قابىلداپ, سودان بەرى ول ساباق بەرىپ, ءتىپتى ۆيدەو ساباقتاردى جازادى. ولاردى ديماشتىڭ فانگرۋپپاسىنىڭ YouTube-كانالىندا جاريالايدى.
"ديماشتىڭ ارقاسىندا قازاق اندەرى مەن قازاق ءتىلى بۇكىل الەمدە تانىمال بولدى, مەن ونى ماقتان تۇتامىن. مەن دە شەتەلدىكتەر اراسىندا قازاق ءتىلىن جانە ەلىمىزدىڭ باي مادەني مۇراسىن تانىمال ەتۋگە ءوز ۇلەسىمدى قوسقىم كەلەدى. سوندىقتان مەن حابارلاندىرۋعا ءۇن قاتىپ, ولارعا قازاق ءتىلىن تەگىن ۇيرەتۋدى ۇسىندىم. ولاردىڭ ءوتىنىشى بويىنشا ءبىرىنشى ساباعىمىز ديماشتىڭ ورىنداۋىنداعى "دايديداۋ" ءانىنىڭ سوزدەرى", دەيدى ساندۋعاش.
بۇگىندە ونىڭ 40 ەلدەن 100-دەن استام ستۋدەنتى بار. ولاردىڭ اراسىندا ءتىپتى چيلي, گۆاتەمالا, كولۋمبيا, ارگەنتينا, فيليپپين جانە باسقا دا كوپتەگەن ەلدەردىڭ تۇرعىندارى بار.
ساندۋعاشتىڭ ءوزى دە ديماش شىعارماشىلىعىنىڭ جانكۇيەرى, ونىڭ كوپتەگەن كونتسەرتتەرىندە بولدى. "وسى ءساتتى پايدالانا وتىرىپ, ديماشقا بارشا قازاقستاندىقتاردىڭ اتىنان قازاقستاندى بۇكىل الەمگە تانىمال ەتۋدەگى باعا جەتپەس ەڭبەگى جانە ءوز وتانىنا دەگەن شەكسىز ماحابباتى ءۇشىن العىس ايتقىم كەلەدى", دەپ ءبولىستى ول.