نيۋ-دەليدە «The IIC Experience: Festival of Arts» اتتى حالىقارالىق ۇندىستاندىق ونەر فەستيۆالى اياقتالدى. وعان برازيليا, يندونەزيا, وڭتۇستىك كورەيا, فيليپپيندەر, ءۇندىستان جانە فەستيۆال تاريحىندا العاش رەت قازاقستان ۇجىمدارى قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
نيۋ-دەليدە «The IIC Experience: Festival of Arts» اتتى حالىقارالىق ۇندىستاندىق ونەر فەستيۆالى اياقتالدى. وعان برازيليا, يندونەزيا, وڭتۇستىك كورەيا, فيليپپيندەر, ءۇندىستان جانە فەستيۆال تاريحىندا العاش رەت قازاقستان ۇجىمدارى قاتىستى, دەپ حابارلادى قر ءسىم-ءىنىڭ ءباسپاسوز قىزمەتى.
فەستيۆال شەڭبەرىندەگى قازاقستان باعدارلاماسى ءۇندىستان حالىقارالىق ورتالىعىنىڭ ونەر گالەرەياسىندا «قۇلانشى» زاماناۋي ونەر ورتالىعىنىڭ گرافيكالىق جۇمىستارىنىڭ كورمەسىمەن رەسمي اشىلدى. وعان سۋرەتتەردىڭ اۆتورى ءلايلا ماحاتتىڭ ءوزى دە قاتىستى.
ءىس-شاراعا قاتىسۋشىلار الدىندا ءسوز سويلەگەن ءۇندىستاننىڭ قازاقستانداعى بۇرىنعى ەلشىسى – قازىرگى قاۋىمارالىق ۇيلەسىم قورىنىڭ جەتەكشىسى اشوك سادجانحار (Amb. Ashok Sajjanhar, Secretary, National Foundation for Communal Harmony) قازاقستانداعى جۇمىس جىلدارىن جىلىلىقپەن ەسكە الا وتىرىپ, ەكى حالىق مادەنيەتتەرىنىڭ ەرەكشە ۇقساستىعىن اتاپ ءوتتى.
ۇندىستاندىق كوركەم ونەر ساراپشىلارى كورەرمەندەرگە «ساقتار جەلى» تاقىرىبىنا ارنالعان 24 شىعارماسىن ۇسىنعان قازاقستاندىق سۋرەتشىنىڭ جوعارى شىعارماشىلىق الەۋەتىنە وڭ باعا بەردى.
حالىق ونەرىن سۇيەرلەر قازاقستاندىق «تۇران» ۇلتتىق-فولكلورلىق ءانسامبلىنىڭ مۋزىكالىق باعدارلاماسىن تاماشالاۋعا مۇمكىندىك الدى. قازاقستاندىق ۇجىم ۇلتتىق مۋزىكالىق اسپاپتاردا ويناۋدىڭ جوعارى شەبەرلىگىن كورسەتىپ, ءۇندى قاۋىمىنىڭ جۇرەكتەرىن جاۋلاپ الدى. قازاقستاننىڭ ۇندىستانداعى ەلشىلىگى ۇيىمداستىرعان مۋزىكالىق توپ نيۋ-دەليگە ساپارى بارىسىندا, سونداي-اق, قازاقستان-ءۇندىستان 8-ءشى تۋريستىك جارمەڭكەسىندە ءوز ونەرلەرىن ۇسىندى.
سونىمەن قاتار, فەستيۆال شەڭبەرىندە كانادا, اقش, يتاليا, گەرمانيا, نيدەرلاندى جانە ت.ب. ەلدەردىڭ فيلمدەرى كورسەتىلدى. قازاقستاندىق كينەماتوگرافتان جاننا يساباەۆانىڭ «تالعات» دراماسى دا ۇسىنىلعان فيلمدەر تىزىمىنە ەندى.