بۇدان بۇرىن ءۇرجار اۋدانىندا 8 مەكتەپتىڭ قۇرىلىسى اياقتالىپ قالعانىنان وقىرمانداردى حاباردار ەتكەنبىز. ونىڭ ۇشەۋى بيىل پايدالانۋعا بەرىلسە, جاقىندا قايىڭدى اۋىلىنداعى ەكى قاباتتى جاڭا مەكتەپ ءۇيى دە ۇستازدار مەن وقۋشىلارعا ەسىگىن ايقارا اشتى.
بۇدان بۇرىن ءۇرجار اۋدانىندا 8 مەكتەپتىڭ قۇرىلىسى اياقتالىپ قالعانىنان وقىرمانداردى حاباردار ەتكەنبىز. ونىڭ ۇشەۋى بيىل پايدالانۋعا بەرىلسە, جاقىندا قايىڭدى اۋىلىنداعى ەكى قاباتتى جاڭا مەكتەپ ءۇيى دە ۇستازدار مەن وقۋشىلارعا ەسىگىن ايقارا اشتى.
وسى وقيعاعا وراي اۋىلعا ارنايى اتباسىن بۇرعان اۋدان اكىمى سەرىك زاينۋلدين قايىڭدىلىقتاردى قۋانىشتارىمەن قۇتتىقتادى. ال اۋىل تۇرعىندارى مەكتەپتى ساپالى ەتىپ سالىپ بەرگەن «ءزاۋلىم-زاڭعار» مەكەمەسى باسشىلارى مەن قۇرىلىسشىلارىنا ريزاشىلىقتارىن ءبىلدىردى.
اۋىلداعى مەكتەپتىڭ الدىنا سۋبۇرقاق, گۇلزارلار ورناتىلسا, ىشىندە اسحانا, شەبەرحانا مەن سپورت زالى جارقىراپ كوز تارتادى. ءجۇز ورىندىق مەكتەپ كوپشىلىكتىڭ كوڭىلىنەن شىقتى. كەلەر جىلى ءۇرجار اۋدانىندا تاعى ءتورت مەكتەپ ىسكە قوسىلماق.
وڭداسىن ەلۋباي,
«ەگەمەن قازاقستان».
شىعىس قازاقستان وبلىسى,
ءۇرجار اۋدانى.