ءىىم كوشى-قون قىزمەتى كوميتەتىنە شىعىس قازاقستان وبلىسىنىڭ تۇرعىنى مەملەكەتتىك ۇيىمداردا (مەكەمەلەردە) – سوتتا, اكىمدىكتە, پروكۋراتۋرا جانە ت.ب. پاسپورتتى ۇسىنۋ ماسەلەسىن ءتۇسىندىرۋ ءۇشىن جۇگىنگەن. سەبەبى وعان پاسپورت بويىنشا سوتتا قاتىسۋعا باس تارتىلعان, دەپ حابارلايدى Egemen.kz
وسى ماسەلە بويىنشا ازاماتقا قولدانىستاعى زاڭناماعا تۇسىنىكتەمە بەرىلدى, ياعني قر "جەكە باستى كۋالاندىراتىن قۇجاتتار تۋرالى" زاڭىنىڭ 8-بابىنا سايكەس, قازاقستان رەسپۋبليكاسى ازاماتىنىڭ پاسپورتى ازاماتتارعا جاسىنا قاراماستان, ولاردىڭ قالاۋى بويىنشا بەرىلەدى جانە قازاقستان رەسپۋبليكاسىنىڭ اۋماعىندا جانە ودان تىس جەرلەردە قازاقستان رەسپۋبليكاسى ازاماتىنىڭ جەكە باسىن كۋالاندىرادى.
وسىلايشا, قر ازاماتىنىڭ پاسپورتى جەكە باسىن قر شەگىنەن تىس جەرلەردە عانا راستايتىنىن تۋرالى مالىمدەمە دۇرىس ەمەس.
ايتا كەتەيىك, قازاقستان رەسپۋبليكاسىنىڭ بارلىق ازاماتتارى (16 جاسقا تولعان) ونىڭ اۋماعىندا تۇراقتى تۇراتىنداردا جەكە كۋالىگى بولۋى شارت.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ۇشىن Telegram جەلىسىندە بىزگە جازىلىڭىز.