قىلمىس الەمىندە «سارى الماز» دەگەن اتپەن ايگىلى بولعان نەسىپباي ناسەنوۆتىڭ باۋىرى اسقار ناسەنوۆكە ىزدەۋ جاريالاندى. بۇل تۋرالى «كتك» تەلەارناسى حابارلادى.
بيىل قىركۇيەكتە «قازاقستان تەمىر جولى» ۇق» اق-عا قاراستى «ترانستەلەكوم» كومپانياسىنىڭ بۇرىنعى ۆيتسە-پرەزيدەنتى مۇحتار ابدراحمانوۆقا مەملەكەت قازىناسىنىڭ 4 ملرد. تەڭگەسىن جىمقىردى دەگەن ايىپ تاعىلىپ, قۇقىق قورعاۋ قىزمەتكەرلەرىنىڭ قولىنا تۇسكەن بولاتىن. ەندى قارجى پوليتسياسى ونىڭ جالعىز ارەكەت ەتپەگەنىن انىقتاپ وتىر. مەملەكەت قارجىسىنا م. ءابدراحمانوۆتىڭ باستىعى بولعان اسقار ناسەنوۆ تە قول سۇققان ەكەن. ول 2002-2007 جىلدار ارالىعىندا اتالمىش كومپانياعا جەتەكشىلىك جاساپتى. قازىر وعان قۇقىق قورعاۋ ورگانى ىزدەۋ جاريالادى.
«استانا قالاسى بويىنشا قارجىلىق باقىلاۋ ينسپەكتسياسى مامانىنىڭ قورىتىندىسىنا سايكەس, “ترانستەلەكوم” اق مەن “كت&ت” جشس اراسىنداعى كەلىسىم-شارت جالعان مامىلە بولىپ تابىلعان. بۇل مەملەكەتتىڭ 4,1 ملرد. تەڭگەسىنىڭ نەگىزسىز تولەنۋىنە اكەلىپ سوقتى»,- دەيدى قارجى پوليتسياسىنىڭ رەسمي وكىلى مۇرات جۇمانباي.
باقىتبەك كەنەش ۇلى.