كوروناۆيرۋستىق ينفەكتسيا پاندەمياسىنا بايلانىستى قازاقستانداعى ەپيدەميولوگيالىق احۋالعا قاراماستان اقسۋ فەرروقورىتپا زاۋىتى ءىرى ينۆەستيتسيالىق جوبالاردى جۇزەگە اسىرۋدى جالعاستىرۋدا, دەپ حابارلادى يدم ءباسپاسوز قىزمەتى.
كاسىپورىندا №22 پەشكە كۇردەلى جوندەۋ جۇرگىزىلدى, وسىلايشا ونىڭ ونىمدىلىگى 5%-عا ارتپاق. جوندەۋ جۇمىستارىن ءتيىمدى ۇيىمداستىرۋ 90 كۇننىڭ ورنىنا 56 كۇننىڭ ىشىندە پەشتى جاڭارتۋعا مۇمكىندىك بەردى.
كۇردەلى جوندەۋ كەزىندە مەتاللۋرگيالىق اگرەگاتتىڭ بەرىكتىلىگىن ارتتىرۋعا باعىتتالعان جۇمىستار جۇرگىزىلدى. پەشتەگى تەحنولوگيالىق وپەراتسيالاردىڭ كوپشىلىگى قازىر اۆتوماتتى تۇردە جۇزەگە اسىرىلاتىن بولادى. قازىرگى زامانعى اۆتوماتتاندىرۋ جۇيەلەرى قۋاتتى ءتيىمدى پايدالانۋ جانە توق رەجيمىن ناقتى باقىلاۋ ەسەبىنەن قوسىمشا ەنەرگيا ۇنەمدەۋدى عانا ەمەس, سونىمەن قاتار مەتاللۋرگتەر ەڭبەگىنىڭ جوعارى قاۋىپسىزدىگىن قامتاماسىز ەتەدى. پەشكە ورناتىلعان قۋاتتى ترانسفورماتوردىڭ ارقاسىندا ونىڭ جىلدىق ءونىمى شامامەن 35 مىڭ مەتريكالىق توننا بولاتىن جوعارى كومىرتەكتى فەرروحرومدى قۇرايدى.
پاندەمياعا بايلانىستى قىسىلتاياڭ ۋاقىتتا كاسىپورىن شتاتتىق رەجيمدە جۇمىس ىستەيدى جانە بارلىق ءوندىرىس پروتسەسى ەشقانداي وزگەرىسسىز. جوندەۋ ناۋقاندارى دا كەستە بويىنشا جۇرگىزىلۋدە. كاسىپورىن ەلەكترمەن جابدىقتاۋدىڭ بەرىكتىلىگى مەن پەش اگرەگاتتارى, قوسالقى جابدىقتاردىڭ تۇراقتىلىعىن جاقسارتۋ ءۇشىن ۇنەمى جۇمىس ىستەيدى. جوندەۋ ۋاقىتىن وڭتايلاندىرۋ ارقىلى بۇل پەش قوسىمشا 3,4 مىڭ مەتريكالىق توننا فەرروحروم وندىرەدى.
اقسۋ فەرروقورىتپا زاۋىتى - ERG (ەۋرازيالىق توپ) قۇرامىنا كىرەتىن "قازحروم "تۇك" اق فيليالى, الەمدەگى ءىرى فەرروقورىتپا وندىرۋشىلەرىنىڭ ءبىرى بولىپ تابىلادى. مۇندا جىل سايىن 1 ملن.توننادان استام ءونىم شىعارىلادى, ونىڭ باسىم بولىگى الىس شەتەلدەرگە ەكسپورتتالادى. كاسىپورىننىڭ بىرەگەيلىگى-ءتۇرلى ماركالى بولاتتى بالقىتۋعا قاجەتتى حروم, كرەمني جانە مارگانەتس قورىتپالارىنىڭ ءىرى كولەمدى وندىرىستەرىن بىرىكتىرگەن.
كاسىپورىننىڭ باسەكەگە قابىلەتتىلىگى جوعارى تەحنيكالىق جەتىستىكتەرمەن جانە ISO9001:2015 ينتەگراتسيالانعان ساپا مەنەدجمەنتى جۇيەسىنىڭ بارلىق فيليالدارىندا ەنگىزىلگەن جانە قولدانىستاعى TUV CERT سەرتيفيكاتىمەن, ISO 14001:2015 قورشاعان ورتانى باسقارۋ, BS OHSAS 18001:2007 ەڭبەكتى قورعاۋ سالاسىنداعى مەنەدجمەنت جانە ISO 50001:2011 ەنەرگەتيكالىق مەنەدجمەنتىمەن راستالعان.
ءونىم ساپاسىنىڭ دەڭگەيىن ارتتىرۋ, ەڭبەكتى قورعاۋ جانە ونەركاسىپتىك قاۋىپسىزدىكتى قامتاماسىز ەتۋ, قورشاعان ورتانى قورعاۋ ءۇشىن زاۋىتتا قور ۇنەمدەيتىن جانە از قالدىقتى تەحنولوگيالار نەگىزىندە سالانىڭ وزىق جەتىستىكتەرىن پايدالانا وتىرىپ, ءوندىرىستى تۇراقتى جاڭعىرتۋ جۇزەگە اسىرىلادى.
ەكونوميكالىق جەتىستىكتەرمەن قاتار, كاسىپورىن قىزمەتكەرلەرىنىڭ الەۋمەتتىك قورعالۋى دا باعالى باسىمدىق بولىپ تابىلادى. مۇندا "قازحروم "تۇك" اق-نىڭ ۇجىمدىق شارتى ەنگىزىلگەن, ول قازاقستاننىڭ تاۋ-كەن مەتاللۋرگيا سالاسىنداعى ەڭ ۇزدىكتەردىڭ ءبىرى بولىپ سانالادى. الەۋمەتتىك باعدارلاما ءۇش باعىت بويىنشا جۇزەگە اسىرىلادى: ىندەتتى ساۋىقتىرۋ جانە الدىن الۋ, دەمالىس جاعدايىن جاقسارتۋ جانە سالاۋاتتى ءومىر سالتىن ناسيحاتتاۋ. زاۋىتتا 6 مىڭنان استام جۇمىسشى فەرروقورىتپا ءوندىرىسىن قامتاماسىز ەتەدى.زاۋىت قىزمەتكەرلەرى مەن ولاردىڭ بالالارى كاسىپورىن ەسەبىنەن وقۋعا, تۇرعىن ءۇي جاعدايىن جاقسارتۋعا, "ەۋرازيا" مەدورتالىعىنىڭ اقسۋ فيليالى دارىگەرلەرىنىڭ كومەگىمەن ءوز دەنساۋلىعىنا قامقورلىق جاساۋعا, دەمالىس ۇيلەرىندە, «فەرروسپلاۆششيك» مادەني-دەمالىس ورتالىعىنىڭ وبەكتىلەرىندە دەمالۋعا, قالانىڭ جانە زاۋىتتىڭ جاقسى دامىعان سپورت بازاسىندا سپورتپەن اينالىسۋعا مۇمكىندىكتەرى بار.