جاڭا شىنايى جاعدايلارداعى قاۋىپسىز قادامدار

"رەلستەر مەن شپالدارداعى مودۋلدار" 

-قازاقستان تەمىرجولشىلارىن ارقاشاندا اسكەري دەيتىندەي جيناقىلىق, ءتارتىپ جانە ۇتقىرلىق ەرەكشەلەپ تۇرادى. ولار ءۇشىن قاۋىپسىزدىك ماسەلەسى – جۇمىستاعى باستى باعدار. ايتىڭىزشى, بۇل سالادا قانداي جاڭا مۇمكىندىكتەر مەن تاسىلدەر قولدانىلۋدا؟  

- ءبىزدىڭ بارلىق جۇرگىزىپ وتىرعان جۇمىسىمىزدىڭ نەگىزگى ماقساتى – تەمىرجولشىلاردى كورپوراتيۆتىك قاۋىپسىزدىك مادەنيەتىن قۇرۋعا تارتۋ. ءبىز قاۋىپسىزدىك مادەنيەتى قىزمەتكەرلەرىمىز ءۇشىن تەك تەرمين عانا ەمەس, ال كۇندەلىكتى جۇمىسىنىڭ اجىراماس بولىگى بولۋى تيىستىگىنە قول جەتكىزۋدەمىز.  

وتكەن جىلدىڭ سوڭىندا ءبىز العاش رەت وندىرىستىك قاۋىپسىزدىك جونىندەگى فورۋم وتكىزدىك, سوندا "قتج" ۇك" اق باسقارما توراعاسى ساۋات مىڭباەۆ قىزمەتكەرلەر دەنساۋلىعى مەن ەڭبەك قاۋىپسىزدىگى ماسەلەلەرىنە جەكە بەيىلدىلىگىن تاڭىتتى جانە دە "قاۋىپسىزدىكتىڭ مىنەز-ق ۇلىقتىق ديالوگى", "قاۋىپتى توقتات", "سالدارسىز وقيعالار" باعدارلامالارىن رەسمي ىسكە قوستى. سول كەزەندە كومپانيانىڭ بارلىق جوعارعى باسشىلىعى دەرلىك, ودان كەيىن قىزمەتكەرلەرى وندىرىستەگى جازاتايىم وقيعالاردىڭ الدىن الۋ ءۇشىن "قتج" ۇك" اق ارنايى ازىرلەگەن "قاۋىپسىزدىكتىڭ مىنەز-ق ۇلىقتىق ديالوگى" باعدارلاماسى بويىنشا وقىتىلدى. بۇگىندە بىزدە 70 مىڭنان استام قىزمەتكەر وقىتىلسا, سونىڭ ىشىندە ونلاين رەجيمدەگىسى – 17 مىڭنان استامى.

"وندىرىستىك قاۋىپسىزدىك" اۆتوماتتاندىرىلعان جۇيەسى – تسيفرلىق ءموبيلدى پلاتفورماسى بازاسىندا ەنگىزىلىپ جاتقان "قاۋىپسىزدىكتىڭ مىنەز-ق ۇلىقتىق ديالوگى" مودۋلى - سەرپىندى جوبالاردىڭ ءبىرى ەكەندىگىن ايتا كەتۋ كەرەك. ول جەكە قورعانىش قۇرالدارى مەن قاۋىپسىزدىك تەحنيكاسى نورمالارىن ەلەمەۋمەن بايلانىستى سالدارىن جويۋمەن ەمەس, ال جازاتايىم وقيعالار مەن جاراقاتتاردىڭ الدىن الۋعا باعىتتالعان. كومپانيانىڭ ءاربىر قىزمەتكەرى موبيلدىك قۇرىلعىلارىمەن جۇمىسقا نەمەسە دەنساۋلىعىنا تەرىس اسەر ەتەتىن جاعدايلار تۋرالى اقپاراتتارىمەن بولىسە الادى, كەز كەلگەن سالدارسىز وقيعانى, سونىڭ ىشىندە قاۋىپتى ءىس-ارەكەتتەر مەن شارتتاردى تىركەي الادى.

مودۋلدى ىسكە قوسۋ 120 مىڭنان اسا قىزمەتكەردى قامتي وتىرىپ, كەزەڭىمەن وتكىزىلەدى. موبيلدىك قوسىمشانى جۇكتەپ الۋ بويىنشا جۇمىستار كومپانيانىڭ ورتالىق اپپاراتىندا وسى جىلدىڭ 30 ناۋرىزىنان باستالىپ, اقتوبە وڭىرىندە اياقتالاتىن بولادى. قازىرگى كەزدە جۇيەدە 50مىڭنان استام ادام تىركەلگەن. العاشقى ناتيجەلەرى الىندى – 2400 استام مىنەز-ق ۇلىقتىق ديالوگ. ءبىز قازىردىڭ وزىندە قانداي جۇمىس تۇرلەرىنەن قاۋىپتەر كوپ تىركەلەتىنىڭ كورە الامىز.

- ياعني, قازىردىڭ وزىندە تسيفرلاندىرۋ تەمىر جولدارىمەن ادىمداپ ءجۇرىپ كەلەدى مە؟

- يا, ويتكەنى تسيفرلى موبيلدىك پلاتفورما بازاسىندا وزگە دە مودۋلدار ەنگىزىلۋدە. "قاۋىپسىزدىك مينۋتى" قوسىمشاسىن تەمىرجولشىلار ارىپتەستەرىمەن اڭگىمەلەسۋ, كەز كەلگەن كەزدەسۋ, تاۋەكەلى جوعارى جۇمىستاردى جۇرگىزۋ الدىنداقولدانا الادى. وسى جىلدىڭ مامىرىنان "ىشكى باقىلاۋ" موۋدلى جۇمىس ىستەۋدە. "ىشكى باقىلاۋ" پروتسەسىن تسيفرلاندىرۋ جاڭا دەڭگەيگە شىقتى.

جوبانىڭ ارتىقشىلىقتارى داۋسىز. دەرەكتەردى قولمەن ەنگىزۋ, قاعاز جازبالارى مەن فوتو (قۇجاتتىق ايعاقتار) باسقارۋ بولمايدى. اقپاراتتى ىزدەۋ مەن قايتا جونەلتۋگە كەتەتىن ەڭبەك شىعىندارى (اپتالاردىڭ ورنىنا ساناۋلى مينۋتتار) ايتارلىقتاي تومەندەيدى. بۇزۋشىلىقتار تۋرالى باستاپقى دەرەكتەر ساپاسى جاقسارادى, فيزيكالىق جازبالاردى جوعالتۋ تاۋەكەلدەرى جويىلىپ, مالىمەتتەردى قوستاپ ەنگىزۋ (قاعازدىق جانە ەلەكتروندىق تاسىمالداعىشتاردا) الىنىپ تاستالادى. وسىنداي جۇيە بۇزۋشىلىقتاردى جويۋدى باقىلاۋدىڭ جانە تاۋەكەلدەردى انىقتاۋدىڭ ايتارلىقتاي ساپاسىن قامتاماسىز ەتەدى. IT-شەشىمدەردى قولدانۋ سالاسىن كەڭەيتۋ ماقساتىندا مامانداردىڭ بىلىكتىلىگىن ارتتىرۋ ءۇشىن ءبىز "ىشكى باقىلاۋ", "قاۋىپسىزدىكتىڭ مىنەز-ق ۇلىقتىق ديالوگى" پروتسەستەرى بويىنشا مودۋلداردى دۇرىس تولتىرۋ, جۇيەدە تىركەۋ پروتسەستەرى بويىنشا بەينە-نۇسقاۋلىقتاردى دامىتۋدامىز.

پارالەلدى 90 استام, سونىڭ ىشىندە العاشقى مەديتسينالىق كومەك كورسەتۋگە وقىتۋدى دامىتا باستادىق. سونداي-اق ءبىز وزگە دە وسىنداي قۇرىلىمدىق بولىمشەلەردە جەدەل ءىس-ارەكەت ەتۋ ماقساتىندا جانە ارى قاراي تەكسەرىس اكتىسىن اۆتوماتتى گەنەراتسيالاۋ پروتسەسىندەگى بارلىق قادامداردى تىركەۋدە ورىن العان وقيعانى جاريا ەتەتىن, نايزاعايدى اۆتوماتتى تۇردە ىسكە قوساتىن,ورىن العان وقيعا تۋرالى باستاپقى حابارلاما جۇزەگە اسىرىلاتىن "وقيعالاردى باسقارۋ" پروتسەسىن اۆتوماتتاندىرۋعا كوشتىك. تەكسەرىستىڭ اياقتالۋى بويىنشا سونداي-اق جۇيەدە الىنعان ساباقتاردى تىركەۋ جانە ورىن العان وقيعا سەبەپ-سالدارىن اشاتىن بيۋللەتەن قالىپتاسادى.  

وسى جىلدىڭ سوڭىنا دەيىن جۇيەدە سونداي-اق "تج باسقارۋ جانە ەڭبەك جاعدايلارى بويىنشا وندىرىستىك نىساندارىن اتەستاتتاۋ" پروتسەستەرىن تسيفرلاندىرۋ بولادى. بيىلعى جىلدىڭ قاڭتارىنان وندىرىستىك قاۋىپسىزدىك بويىنشا نەگىزگى وقيعالار جاريا ەتىلەتىن اقپاراتتىق بيۋللەتەن اي سايىن شىعارىلادى. وندىرىستىك قاۋىپسىزدىك جانە نولدىك جاراقات جاعدايىنا جەتۋ جۇيەسىن جەتىلدىرۋ جونىندەگى جول كارتاسى شەڭبەرىندە جوعارى قاۋىپتى جۇمىستار بويىنشا جۇمىس توپتارى قۇرىلدى. بۇل قۇجاتتار مەن نۇسقاۋلىقتاردى ستاندارتتاۋدى جانە ۇيلەستىرۋدى قاراستىراتىن ءاربىرى جەكە جەكە شاعىن-جوبا.

"كارانتين جۇمىسقا كەدەرگى ەمەس"

- باتىر قۋانىش ۇلى, پاندەميا اقپاراتتىق تەحنولوگيانى ەنگىزۋدە كەدەرگى بولمادى ما؟

- جوق, بارشامىز ءۇشىن COVID-19 ىندەتى ەلەۋلى قاۋىپ تۋدىرسا دا, قالىپتاسقان جاعداي تسيفرلىق تەحنولوگيالاردى ەنگىزۋ بويىنشا بىرقاتار باعدارلامالاردى جۇزەگە اسىرۋدى جەدەلدەتكەنىن ايتا كەتكەن ءجون. ءبىز ءوز جۇمىس مودەلدەرىمىزدى وزگەرتۋگە, جوسپارلارىمىزدى تۇزەتۋگە ءماجبۇر بولدىق. "قتج" ۇك" اق جاڭا جاعدايلارعا ايتارلىقتاي پروبلەماسىز بەيىمدەلۋگە مۇمكىندىك بەرگەن بەلگىلى ءبىر تەحنيكالىق بازانىڭ بارلىعىيگىلىك ارينە.  

كارانتيندىك رەجيمنىڭ ءبىرىنشى كۇنىنەن ءبىز كۇندەلىكتى قاشىقتىقتان جۇمىس ىستەۋ فورماتىنا ءوتۋ بويىنشا, بۇل رەتتە ۇزدىكسىز تەحنولوگيالىق پروتسەستەردى قامتاماسىز ەتە وتىرىپ, تەحنيكالىق جانە ۇيىمداستىرۋشىلىق ءىس-شارالاردى وتكىزدىك. جۇمىستىڭ تيىمدىلىگىن قامتاماسىز ەتۋ ءۇشىن قاشىقتاعى جۇمىس ورنى ءپرينتسيپى بويىنشا قىزمەتكەرلەردىڭ جەكە كومپيۋتەرلەرىنە قوسىلۋى جەدەل ۇيىمداستىرىلدى.

- كۇردەلى ەپيدەميولوگيالىق جاعدايمەن بايلانىستى تەمىر جولدا قانداي الدىن الۋ شارالارى قابىلدانۋدا؟

- قابىلدانىپ جاتقان شارالار وزىنە سانيتارلىق تالاپتاردى ساقتاۋدى, الەۋمەتتىك اراقاشىقتىقتى قامتاماسىز ەتۋدى, كوپشىلىك ءىس-شارالاردى توقتاتۋدى, قىزمەتكەرلەردى اقپاراتتاندىرۋدى قامتيدى. ءتۇسىندىرۋ جۇمىستارىنا ۇلكەن ءمان بەرەمىز.

قتج اقپاراتتىق پورتالىندا COVID-19-عا كۇدىكتى جاعدايلاردى انىقتاۋ كەزىندە پەرسونالدىڭ ءىس-ارەكەت ەتۋ الگوريتمى, جەكە قورعانىش قۇرالدارىن پايدالانۋ مەن كادەگە جاراتۋ بويىنشا نۇسقاۋلىقتارى, كارانتين كەزىندە جانە كارانتيننەن كەيىنگى كەزەندەگى مىنەز-ق ۇلىقتىق ەرەجەلەرى, بايلانىسسىز امانداسۋ تاسىلدەرى, جەكە تازالىقتى ساقتاۋ ءىس-ارەكەتتەرى, العاشقى بەلگىلەرى مەن الدىن الۋ شارالارى تۋرالى پوستەرلەردى ورنالاستىرامىز. وسىعان ۇقساس اۋديواقپاراتتار سونداي-اق كومپانيا نىساندارىندا دا تاراتىلادى.

ۆيرۋستىڭ تارالۋىنا قارسى ارەكەت ەتۋ شارالارىنىڭ ءبىرى - اكىمشىلىكتىك-باسقارۋشىلىق پەرسونالدى قاشىقتىقتان جۇمىس ىستەۋگە (كارانتين كەزەڭىندە – 100% دەيىن, قازىرگى ۋاقىتتا – 50%) اۋىستىرۋ. الەۋمەتتىك قاشىقتىقتى ساقتاۋ مۇمكىندىگىن قامتاماسىز ەتۋگە نازار اۋدارىلۋدا. بارلىق كەڭەستەر, قىزمەتكەرلەردى وقىتۋ ونلاين-رەجيمدە وتكىزىلىپ, بۇقارالىق ءىس-شارالار توقتاتىلدى. پەرسونالمەن 100% ماسكالىق رەجيمنىڭ ساقتالۋى, جولاۋشىلارمەن/كليەنتتەرمەن تىكەلەي بايلانىستا بولاتىن قىزمەتكەرلەردىڭ جەكە قورعانىشتىق قۇرالدارمەن (ماسكالارمەن, قولعاپتارمەن) قامتاماسىز ەتىلۋى, كومپانيا نىساندارىندا سانيتايزەرلەردى ورناتۋ, زارارسىزداندىرۋ رەجيمىن ء(جيى قول تيەتىن جەرلەردى تازارتۋ, ىلعالدى تازارتۋ جۇرگىزۋ جيىلىگىن ارتتىرۋ) كۇشەيتۋ ۇيىمداستىرىلدى.

قىزمەتكەرلەر دەنساۋلىعى جاعدايىنا, سونىڭ ىشىندە وندىرىستىك پەرسونالدىڭ اۋىسىمالدى مەديتسينالىق تەكسەرىلۋىنە جانە وفيسكە كىرەر كەزدە بايلانىسسىز تەرمومەتريا وتكىزىلۋىنە  مونيتورينگ جۇرگىزىلەدى. اتالعان ءىس-شارالار كومپانيادا 2020 جىلدىڭ 22 قاڭتارىنان وتكىزىلە باستادى.  

الدىن الۋ ءىس-شارالارى ەلىمىزدە توتەنشە جاعداي جاريالانعان ۋاقىتتا كۇشەيتىلدى, سونداي-اق قازىرگى كەزدە دە جالعاسىن تابۋدا. اعىمداعى كۇردەلى جاعدايمەن بايلانىستى جۇمىس جاعدايىن قامتاماسىز ەتۋ مەن ۇجىمداردى قورعاۋمەن بايلانىستى بارلىق ماسەلەلەر ەرەكشە باقىلاۋدا بولادى.

اسەل تولەگەنوۆا