مەملەكەتتىڭ موينىنداعى كوپ مىندەتتىڭ ىشىندە باسا نازار اۋداراتىن بىرەۋى بار. ول – مۇمكىندىگى شەكتەۋلى ادامداردىڭ الەۋمەتتىك جانە كولىك ينفراقۇرىلىمى نىساندارىنا كەدەرگىسىز قول جەتكىزۋىن قامتاماسىز ەتۋ.
ياعني ارباعا تاڭىلعان ازاماتتار كەز كەلگەن كولىك ءتۇرى مەن عيماراتتىڭ ىشىنە بوگەلمەي كىرىپ, قينالماي شىعۋى كەرەك. بۇل تۋراسىندا قازاقستان رەسپۋبليكاسىنىڭ «مۇگەدەكتەردi الەۋمەتتiك قورعاۋ تۋرالى» زاڭىنىڭ 25-بابىنىڭ 3-تارماعىندا «كاسiپكەرلiك قىزمەتتi جۇزەگە اسىراتىن جەكە تۇلعالار, سونداي-اق زاڭدى تۇلعالار مۇگەدەكتەرگە ورتاق پايدالانىلاتىن كولiك قۇرالدارىنا, تۇرعىن ۇيلەرگە, قوعامدىق جانە وندىرىستiك ۇيلەرگە, عيماراتتار مەن ءۇي-جايلارعا كەدەرگiسiز كiرiپ-شىعۋىنا, اۋەجايلاردا, تەمiر جول ۆوكزالدارىندا, اۆتوۆوكزالداردا, اۆتوستانتسيالاردا, تەڭiز جانە وزەن پورتتارىندا ەركiن باعدار ۇستانۋى مەن ءجۇرiپ-تۇرۋىنا ۇلتتىق ستاندارتتارعا سايكەس جاعداي جاساۋعا مiندەتتi», دەپ تايعا تاڭبا باسقانداي ەتىپ ايتىلعان دا.
كۇندەلىكتى ومىردە وسى تاقىرىپقا بايلانىستى ءىشىنارا ماسەلەلەردىڭ دە تۋىنداۋى مۇمكىن. ماسەلەن, ەگەر ەرتەرەكتە سالىنىپ قويىلعان الەۋمەتتىك ماڭىزى بار نىسانداردى قازىرگى قولدانىستاعى زاڭناماعا ساي بەيىمدەۋ مۇمكىن بولماعان جاعدايدا, وسى وبەكتىلەردىڭ مەنشىك يەلەرى مۇگەدەكتەردiڭ قىزمەتتەردى الۋ مۇمكىندىگىن قامتاماسىز ەتۋگە قاجەتتى ءىس-شارالاردىڭ ءبارىن جاساۋعا مىندەتتى بولادى.
قاراعاندى وبلىسىندا ەڭبەك, الەۋمەتتىك قورعاۋ جانە كوشى-قون كوميتەتىنە قاراستى جەرگىلىكتى دەپارتامەنت مۇمكىندىكتەرى شەكتەۋلى ادامداردىڭ قۇقىقتارى مەن بوستاندىقتارىن قورعاۋ ماقساتىندا سۋبەكتىلەرگە بارۋ ارقىلى پروفيلاكتيكالىق باقىلاۋ جانە جوسپاردان تىس تەكسەرىستەر جۇرگىزىپ تۇرادى. مۇنداي ءىس-شارالاردىڭ قاتاڭ تۇردە تەكسەرىس پاراقتارىنا سايكەس وتكىزىلەتىنىن دە ايتا كەتكەن ءلازىم.
جوعارىدا اتالعان تالاپتاردى ورىنداۋدان باس تارتقان جاعدايدا, «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 83-بابىنا سايكەس, لاۋازىمدى ادامدارعا – 50 ايلىق ەسەپتىك كورسەتكىش (اەك), شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا – 120 اەك, ورتا كاسىپكەرلىك سۋبەكتىلەرىنە – 200 اەك, ءىرى كاسىپكەرلىك سۋبەكتىلەرىنە 400 اەك مولشەرىندە اكىمشىلىك جاۋاپكەرشىلىك قاراستىرىلعان.
بىلتىر, ياعني 2019 جىلى ەڭبەك, الەۋمەتتىك قورعاۋ جانە كوشى-قون كوميتەتىنىڭ قاراعاندى وبلىسى بويىنشا دەپارتامەنتى مۇگەدەكتەردىڭ الەۋمەتتىك جانە كولىك ينفراقۇرىلىمى نىساندارىنا قولجەتىمدىلىگى ماسەلەسى بويىنشا 50 تەكسەرىس ۇيىمداستىردى. ونىڭ ىشىندە 46 نىسانعا بارۋ ارقىلى پروفيلاكتيكالىق باقىلاۋ جانە جوسپاردان تىس ءتورت تەكسەرىس جۇرگىزىلدى. اتالعان تەكسەرىستەردىڭ ناتيجەلەرى بويىنشا انىقتالعان بۇزۋشىلىقتاردى جويۋ تۋرالى 49 ۇيعارىم شىعارىلىپ, ەكى اكىمشىلىك ايىپپۇل سالىندى. سونىمەن قاتار 2019 جىلدىڭ قىركۇيەك ايىندا قاراعاندى جانە جەزقازعان كولىك پروكۋراتۋرالارىمەن بىرلەسىپ, قاراعاندى قالاسىنداعى «سارىارقا» اۋەجايىنىڭ قوناقۇيى عيماراتىندا, جەزقازعانداعى اەروۆوكزال عيماراتىندا مۇگەدەكتەردىڭ كولىك ينفراقۇرىلىمى نىساندارىنا قولجەتىمدىلىگى ماسەلەسى بويىنشا ەكى تەكسەرىس جۇرگىزىلدى. ولاردىڭ ناتيجەلەرى بويىنشا, تيىسىنشە 505 مىڭ تەڭگە جانە 252500 تەڭگە مولشەرىندە اكىمشىلىك ايىپپۇلدار سالىندى.
بيىل ءبىرىنشى توقساندا 12 نىسانعا بارۋ ارقىلى پروفيلاكتيكالىق باقىلاۋ جۇرگىزىلىپ, ولاردىڭ ناتيجەلەرى بويىنشا انىقتالعان بۇزۋشىلىقتاردى جويۋ تۋرالى 12 ۇيعارىم شىعارىلدى.
ايتا كەتەتىن ءبىر جايت, الەۋمەتتىك جانە كولىك ينفراقۇرىلىمى نىساندارىنا حالىقتىڭ قيمىلى شەكتەۋلى توپتارىنىڭ قولجەتىمدىلىگىن قامتاماسىز ەتۋ تۇرعىسىنان جۇرگىزىلگەن تەكسەرۋلەر كەزىندە انىقتالعان بۇزۋشىلىقتاردى جويۋ ماسەلەسى وڭاي شەشىلە قويمايتىن پروبلەمالاردىڭ ءبىرى. ماسەلەن, كوپتەگەن جاعدايلاردا اتالعان بۇزۋشىلىقتاردى جويۋ بيۋدجەتتەن قارجىلاندىرىلاتىن ۇيىمدار ءۇشىن ۇزاق مەرزىمدى جانە اجەپتاۋىر قارجى شىعىنىن تالاپ ەتەدى. دەگەنمەن, سولاي ەكەن دەپ, مۇمكىندىگى شەكتەۋلى ادامداردىڭ ءومىرىن قيىنداتۋعا استە جول بەرىلمەۋى ءتيىس. بۇل – مەملەكەتتىڭ موينىنداعى ماڭىزدى مىندەتتىڭ ءبىرى. ياعني مىندەتتەر مۇلتىكسىز ورىندالسا – مۇمكىندىكتەر دە مولايا تۇسەدى.
قاراعاندى وبلىسى