كىتاپتا ءيىس بولا ما؟ ەستىمەگەن ەلدە كوپ. بولادى ەكەن. MyBook كىتاپ ورتالىعى مەن ءيىسسۋ شىعاراتىن Demeter كومپانياسى كلاسسيكالىق شىعارمالاردىڭ جەلىسىمەن ءيىسسۋلار كوللەكتسياسىن جاساپ شىعاردى. حوش يىستەردىڭ بۇل توبى MyBook Perfumes دەپ اتالىپ وتىر, - دەپ حابارلايدى Egemen.kz.
اتالعان جوباعا 14 "پارفيۋمەرلىك توم" كىرگەن. ونىڭ جەتەۋى ورىس كلاسسيكاسىنا ارنالسا, قالعان جارتىسى شەتەل ادەبيەتى نەگىزىندە جاسالدى. مۇنداعى ءار ءيىسسۋ ءبىر كىتاپتىڭ كوڭىل كۇيىن بەرەدى. ماسەلەن, "القىزىل جەلكەندەر" (الەكساندر گرين) پوۆەسىنەن تەڭىز بەن سالقىن لەپتىڭ ءيىسى شىعادى. ال "داۋىل" (الەكساندر وستروۆسكي) پەساسىنان جەردىڭ سىزىن سەزىنەسىز. سونداي-اق "اليسا عاجايىپتار ەلىندە" (ليۋيس كەررولل) بىردەن اعىلشىن ءشايىن ەسكە تۇسىرەدى.
ۇيىمداستىرۋشىلاردىڭ سوزىنشە, ءيىسسۋ جاساۋدا ەڭ قيىنعا سوققان شىعارما – لەرمونتوۆتىڭ ء"بىزدىڭ زاماننىڭ قاھارمانى" بولىپتى. "بىزگە, ءبىر جاعى, وتە تانىمال ءيىس, ال ءبىر جاعىنان – پەچوريننىڭ حاراكتەرى سياقتى كۇردەلى ءارى قۇبىلمالى ءيىس كەرەك بولدى. ناتيجەسىندە, جۇپار سۋدىڭ حوش ءيىسىنىڭ قانىق كومپوزيتسياسى سەكىلدى وتكىر ءيىس شىعارا الدىق. بۇل پاتشا اسكەرىندەگى وفيتسەر وبرازدارىنان, سۇلۋلىق پەن قاۋىپتەن, درامالىق وقيعالاردان ءبىر ۇزىك سىر بەرە الاتىنداي", دەدى ولار.
اۆتورلىق يلليۋستراتسيالارى بار كىتاپ ءيىسسۋلارىنىڭ كوللەكتسياسى 27 ماۋسىمعا دەيىن ساتىلماق.