بۇل قالا تىرلىشىلىگىن ءتيىمدى قامتاماسىز ەتۋگە مۇمكىندىك بەرەدى, دەپ حابارلايدى ەلوردا اكىمدىگىنىڭ رەسمي سايتى.
قالانىڭ تىنىس-تىرشىلىگىن قامتاماسىز ەتۋ نىساندارىندا كوممۋنالدىق اپاتتاردىڭ بولۋ سەبەپتەرىنىڭ ءبىرى — يەسىز, قاراۋسىز قالعان جەلىلەر. سەبەبى ولارعا ءتيىستى كۇتىم جوق, ءارى ءىس جۇزىندە ەشبىر ەسەپكە الىنباعان, دەپ جازدى بۇگىن نۇر-سۇلتان قالاسىنىڭ اكىمى التاي كولگىنوۆ instagram پاراقشاسىندا.
"وتكەن جىلدان باستاپ يەسىز, قاراۋسىز قالعان جەلىلەر مەن نىسانداردى قالا بالانسىنا قابىلداۋ بويىنشا جۇيەلى جۇمىس جۇرگىزىپ جاتىرمىز. ەگەر وتكەن جىلى 680 جەلى انىقتالسا, قازىر ونىڭ 498-ءى يەلىككە الىندى. قالعاندارى بويىنشا جۇيەلى جۇمىس ءجۇرىپ جاتىر. يەسىز قالعان جەلىلەردىڭ اراسىندا ەلەكترمەن جابدىقتاۋ, سۋمەن جابدىقتاۋ, كارىز جانە ت.ب. جەلىلەرى بار", - دەپ جازدى ا.كولگىنوۆ.