نۇر-سۇلتاندا كوشە شامدارى (ناتري شامىمەن) زاماناۋي ەنەرگيا ۇنەمدەيتىن جارىقديودتى شامدارعا اۋىستىرىلۋدا. مامانداردىڭ ايتۋىنشا, ولار ۇزاق مەرزىمگە جارايدى جانە ەلەكتر ەنەرگياسىن ۇنەمدەۋگە مۇمكىندىك بەرەدى, - دەپ حابارلايدى Egemen.kz.
"اتالعان شامدار ەلەكتر ەنەرگياسىن ۇنەمدەۋگە مۇمكىندىك بەرىپ, قاراپايىم شامدارعا قاراعاندا الدەقايدا جارىق بولادى. ۇنەمدىلىگى – 35-40%. سونداي-اق ولار جولداردا, اسىرەسە تۇنگى ۋاقىتتا تيىمدىلىگى جوعارى جانە جولداردى اۆتوكولىك جۇرگىزۋشىلەرى ءۇشىن جارىق جانە قاۋىپسىز ەتەدى. بۇل جاياۋ جۇرگىنشىلەر ءۇشىن دە ىڭعايلى. قالادا 47 مىڭ جارىق نۇكتەسى بار, بيىل ءبىز 10 مىڭىن اۋىستىرۋدى جوسپارلاپ وتىرمىز. 3 جىل ىشىندە بۇكىل قالا بويىنشا وسى جۇمىستى اياقتاۋ جوسپارلانىپ وتىر", – دەپ اتاپ ءوتتى قالا اكىمىنىڭ ورىنباسارى التىنبەك قايساعاليەۆ.
مىسالى, ساتباەۆ كوشەسىندەگى كوشە شامدارى, مۇڭايتپاسوۆ پەن توقپانوۆ, شارل دە گولل, امانجولوۆ, يمانوۆ, تاشەنوۆ, باراەۆ تۇيىق كوشەلەرى, بوگەنباي باتىر داڭعىلى ء(بىر جاعى, جۇمىستار جالعاسۋدا), يانۋشكەۆيچ, پۋشكين جانە ت. ب. ەنەرگيا ۇنەمدەيتىن جارىقديودتى شامدارعا اۋىستىرىلدى.
سونداي-اق ەلوردادا اۋلالاردى, ءۇي اۋماقتارى مەن قوعامدىق ورىنداردى اباتتاندىرۋ بويىنشا بەلسەندى جۇمىستار جۇرگىزىلۋدە. بيىل 150 اۋلا مەن 50 قوعامدىق كەڭىستىك (ساياباقتار, سكۆەرلەر) اباتتاندىرىلادى.