سوڭعى تاۋلىكتە جامبىل وبلىسىندا كوروناۆيرۋستىق ينفەكتسيانىڭ تاعى دا 9 جاعدايى تىركەلدى. اتاپ ايتساق, تاراز قالاسىندا 23 پەن 68 جاس ارالىعىنداعى تۇرعىندار اراسىندا 6 وقيعا انىقتالعان, - دەپ حابارلايدى Egemen.kz.
ونىڭ ىشىندە 23 جاستاعى جۇكتى ايەل بار. سونداي-اق, جامبىل, جۋالى, بايزاق اۋداندارىنىڭ 1961, 1961, 2004 جىلى تۋعان تۇرعىندارىنان ناۋقاس بەلگىلەرى تابىلعان.
جامبىل وبلىسى اكىمدىگىنىڭ مالىمەتىنشە, بارلىق ناۋقاستار ينفەكتسيالىق ستاتسيونارعا جەتكىزىلىپ, ولارمەن بايلانىستا بولعان ادامدار كارانتينگە وقشاۋلانعان. سونىمەن قاتار, وشاقتاردا قورىتىندى دەزينفەكتسيا جۇرگىزىلگەن. بۇگىنگى تاڭدا جامبىل وبلىسى اۋماعىندا كوروناۆيرۋستىق ينفەكتسيا جۇقتىرۋ دەرەگى 600-گە جەتتى. سونداي-اق, وتكەن تاۋلىكتە جالپى ستاتيستيكاعا كىرمەيتىن 56 سيمپتومسىز تاسىمالداۋشى تىركەلىپ, وڭىردە بارلىعى 288 سيمپتومسىز تاسىمالداۋشى انىقتالعان. قاۋىپتى ىندەتكە شالدىققانداردىڭ ىشىنەن 389 ادام ساۋىعىپ, دارىگەرلەردىڭ قاداعالاۋىنداعى ءۇي كارانتينىنە شىعارىلعان.
جامبىل وبلىسى