ورتالىق سايلاۋ كوميسسياسىنىڭ قاۋلىسىنا سايكەس شىعىپ قالعاننىڭ ورنىنا پارلامەنت سەناتىنىڭ قوستاناي وبلىسى بويىنشا دەپۋتاتىن سايلاۋ اعىمداعى جىلدىڭ 23 ساۋىرىنە بەلگىلەنىپ وتىر. ورتسايلاۋكوم بەكىتكەن سايلاۋدى ازىرلەۋ مەن وتكىزۋ بويىنشا نەگىزگى شارالاردىڭ كۇنتىزبەلىك جوسپارىنا سايكەس 2 ءساۋىر كۇنى كانديداتتاردى تىركەۋ اياقتالدى.
سايلاۋ ناۋقانى بارىسىندا بارلىعى ەكى كانديدات ۇسىنىلدى: اسقار ارون ۇلى مۇراتوۆ – ءوزىن-ءوزى ۇسىنۋ تارتىبىمەن جانە جەڭىس ميراس ۇلى نۇرعاليەۆ – قوستاناي وبلىستىق ءماسليحاتى ۇسىنعان. ەكى كانديداتتى دا قوستاناي وبلىستىق سايلاۋ كوميسسياسى 1 ءساۋىر كۇنى تىركەدى.
كانديداتتاردىڭ سايلاۋالدى ۇگىتى 21 ءساۋىر كۇنگى 24.00 ساعاتقا دەيىن جۇرەدى.
سايلاۋ زاڭناماسىنا سايكەس, ءاربىر پارلامەنت سەناتى دەپۋتاتتىعىنا كانديداتقا سايلاۋالدى ۇگىت ءجۇرگىزۋگە, سونداي-اق كولىكتىك شىعىندارعا رەسپۋبليكالىق بيۋدجەتتەن قارجى بولىنگەن. ونان باسقا, ءاربىر كانديدات سايلاۋ قورىن قۇرا الادى.
2 ءساۋىر كۇنى ورتالىق سايلاۋ كوميسسياسى ءوز وتىرىسىندا “2010 جىلعى 23 ساۋىردەگى شىعىپ قالعاننىڭ ورنىنا پارلامەنت سەناتىنىڭ قوستاناي وبلىسى بويىنشا دەپۋتاتىن سايلاۋداعى سايلاۋ بيۋللەتەنى تۋرالى” قاۋلى قابىلدادى. بۇل قاۋلىمەن سايلاۋ بيۋللەتەنىنىڭ ءماتىنى بەكىتىلگەن, سونداي-اق قوستاناي وبلىستىق سايلاۋ كوميسسياسىنا سايلاۋ بيۋللەتەندەرىن جەتكىزۋ مەرزىمى انىقتالعان.
پارلامەنت سەناتى دەپۋتاتتارىن سايلاۋدى جاناما سايلاۋ قۇقىعى نەگىزىندە جاسىرىن داۋىس بەرۋ ارقىلى تاڭداۋشىلار – قوستاناي وبلىسى ءماسليحاتتارىنىڭ دەپۋتاتتارى وزدەرىنىڭ بىرلەسكەن وتىرىسىندا جۇزەگە اسىرادى.
پارلامەنت سەناتى دەپۋتاتتارىن سايلاۋ جونىندەگى تاڭداۋشىلار ءتىزىمى جەرگىلىكتى بۇقارالىق اقپارات قۇرالدارىندا 15 ساۋىردەن كەشىكتىرىلمەي جاريالاناتىن بولادى. داۋىس بەرۋدى, داۋىستاردى ساناۋدى جانە داۋىس بەرۋ ناتيجەلەرىن جاريالاۋدى قوستاناي وبلىستىق سايلاۋ كوميسسياسى ءبىر كۇن ىشىندە – 23 ساۋىردە جۇرگىزەدى.
ورتالىق سايلاۋ كوميسسياسى سايلاۋدىڭ تۇپكىلىكتى قورىتىندىلارىن 2010 جىلعى 29 ساۋىردەن كەشىكتىرمەي انىقتاۋى جانە 2 مامىردان كەشىكتىرمەي ولاردى باق-تا جاريالاۋى ءتيىس, دەپ حابارلادى ورتسايلاۋكومنىڭ ءباسپاسوز قىزمەتى.