جىل سايىن ورتەنەتىن قوقىس الاڭى تاعى دا تۇتىنگە وراندى. وتكەن تۇندە ساعات شامامەن 3:30-دا تۇتانعان جالىن قوقىس الاڭىنىڭ 100 شارشى مەتر اۋماعىن شارپىدى. «ارناۋلى اۆتوبازا» جشس-ءنىڭ ماماندارى ءورتتى بۇگىن تاڭعى ساعات 7:00-ءدىڭ شاماسىندا ءسوندىردى.
– ءورت تۋرالى قالالىق اكىمدىككە, توتەنشە جاعداي دەپارتامەنتىنە, تابيعات قورعاۋ پروكۋراتۋراسىنا حابارلاندى. سەرىكتەستىكتىڭ 15 جۇمىسشىسى ءورتتى سوندىرۋگە جۇمىلدىرىلدى. سونداي-اق, 6 ساموسۆال, 2 تيەگىش, 2 سۋ شاشاتىن تەحنيكا تارتىلدى. وسىلايشا, ءورت اۋىزدىقتالىپ, ۇلكەن اۋماققا تارالعان جوق, -دەپ حابارلادى «ارناۋلى اۆتوبازا» جشس-ءنىڭ ماماندارى.
اتىراۋ قالاسىنان بەس شاقىرىم قاشىقتا ورنالاسقان قوقىس الاڭىنا 1977 جىلدان بەرى ءتۇرلى قالدىق توگىلەدى. ونىڭ جالپى اۋماعى 35 گەكتاردى قۇرايدى.