بۇگىنگى دەرەك بويىنشا الماتى وبلىسىندا تاعى 6 ادامنىڭ ىندەت جۇقتىرعانى بەلگىلى بولدى. ىندەتكە شالدىققاندار تالدىقورعان قالاسى مەن ەسكەلدى جانە تالعار اۋداندارىنىڭ تۇرعىندارى ەكەن. ال وسى ساتكە دەيىن ايماقتاعى ناۋقاستار سانى 284 ادامعا جەتتى.
- الماتى وبلىسىندا كوروناۆيرۋس ينفەكتسياسىنىڭ تاعى 6 جاعدايى تىركەلدى. اتاپ ايتقاندا, تالدىقورعان قالاسى مەن ەسكەلدى جانە تالعار اۋداندارىنىڭ ارقايسىسىندا 2 جاعدايدان انىقتالدى.
انىقتالعان 6 پاتسيەنت تە وقشاۋلانىپ, ينفەكتسيالىق بولىمگە اۋىستىرىلدى. ونىڭ تورتەۋى بۇعان دەيىن كوروناۆيرۋسپەن اۋىرعاندارمەن بايلانىستا بولعاندار, ەكەۋىنىڭ سىرقاتى پروفيلاكتيكالىق تەكسەرىلۋى بارىسىندا بەلگىلى بولدى. جۇقتىرعاندار اراسىندا بيىل دۇنيەگە كەلگەن نارەستە دە بار, - دەپ حابارلايدى الماتى وبلىسى اكىمىنىڭ ءباسپاسوز قىزمەتى.