قىرعىزستان پارلامەنتىنىڭ ەكس-سپيكەرى كوروناۆيرۋستان قايتىس بولدى

م.چولپونباەۆ اۋرۋحاناعا 5 مامىردا تۇسكەن. جاعدايى كۇرت ناشارلاعان سوڭ 12 مامىردا جانساقتاۋ بولىمىنە اۋىستىرىلعان. وكىنىشكە قاراي, بۇگىن ساعات  12:10-دا قايتىس بولدى. 

«ەكس-سپيكەردىڭ ەكى جاقتى پنەۆمونيا, تىنىس الۋ جەتىسپەۋشىلىگى سياقتى بىرقاتار اسقىنۋى بولدى. سونداي-اق ونىڭ جۇرەك, بۇيرەك اۋرۋلارى بولعان», - دەلىنگەن حابارلامادا.

وتكەن تاۋلىكتەگى دەرەكتەر بويىنشا قىرعىزستاندا تاعى 38 ادام ىندەت جۇقتىردى. جالپى ەلدە 1403 ادام ۆيرۋس جۇقتىرعان. ونىڭ ىشىندە 275 ادام مەديتسينا قىزمەتكەرلەرى. 980 ادام ەمدەلىپ, اۋرۋحانادان شىقتى, 15 ادام قايتىس بولدى.