COVID-19-دىڭ تارالۋىنا جول بەرمەۋ جونىندەگى ۆەدومستۆوارالىق كوميتەت شىعىس قازاقستان وبلىسىندا تاعى 2 ادامنىڭ كوروناۆيرۋس جۇقتىرعانىن حابارلادى.
ۆيرۋستى جۇقتىرعانداردىڭ ءبىرى وڭىرگە سىرتتان كەلگەن. ول 2000 جىلعى ستۋدەنت, رەسەي فەدەراتسياسىنان كەلگەن. نوۆوسيبيرسك قالاسىنان تۇرعىلىقتى مەكەنجايى الماتى وبلىسىنا «اۋىل» سكپ ارقىلى قايتقان. جۇقتىرۋ جاعدايى كارانتيندەۋ جانە تەكسەرۋ ورنى بويىنشا اياگوز اۋدانىنا جاتقىزىلدى. بۇل ازاماتپەن قارىم-قاتىناستا بولعاندار انىقتالىپ, وقشاۋلاندى.
ەكىنشى جەرگىلىكتى جاعداي سەمەي قالاسىندا تىركەلگەن. 1963 جىلعى ەر ادامدا پتر دياگنوستيكالىق زەرتتەۋ ناتيجەلەرى COVID-19 دياگنوزىن راستادى. ناۋقاستان 38-جاعدايدىڭ كارانتين مەرزىمىنىڭ اياقتالۋىنا بايلانىستى جاقىن قارىم-قاتىناستا بولعان تۇلعا رەتىندە پتر اناليزدەرى الىنعان بولاتىن, دەنساۋلىعىنا شاعىمى جوق.
الدىن الا جۇرگىزىلگەن ەپيدەميولوگيالىق تەرگەۋ بويىنشا 6 بايلانىس جاساعان ادامى بار 1 وشاق انىقتالدى.
ەپيدەميولوگيالىق تەرگەۋ جانە ەپيدەمياعا قارسى شارالار قولعا الىنعان.
وتكەن تاۋلىكتەگى جاعداي بويىنشا وبلىستا كوروناۆيرۋستى جۇقتىرعان 62 ادام تىركەلدى.