توتەنشە جاعداي, ىندەتتىڭ تارالۋى سالدارىنان حالىقارالىق تۋريستىك باعىتتاردىڭ ازايۋىنا وراي وسى جازدا ءوڭىرىمىز تۋريستەردى قابىلداۋعا دايىندالۋدا.
جالپى الدىن-الا ەسەپتەۋ بويىنشا, باياناۋىل ۇلتتىق پاركىنىڭ كۋرورتتىق ايماعىنا الداعى جازدا 300 مىڭعا جۋىق ءتۋريستى كۇتىپ وتىر.
وبلىس اكىمدىگىندە وتكەن جيىندا ءوڭىر باسشىسى باياناۋىلداعى جاسىباي, سابىندىكول جانە تورايعىر كولدەرىن ارالاپ كورگەنىن, بىراق تۋريستەر ءۇشىن قاراپايىم جاعداي دا جاسالماعانىن ايتتى.
- قازىر تۋريزم باسقارماسى, اۋدان باسشىلىعى جانە مەنىڭ تۋريزمگە جاۋاپتى ورىنباسارىم كۋرورتتىق ايماقتى دامىتۋ جوسپارىن دايىنداپ جاتىر, – دەپ اتاپ ءوتتى وبلىس اكىمى ابىلقايىر سقاقوۆ.
ياعني, الدىمەن بۇرىنعى ينفراقۇرىلىمنىڭ دايىندىعىن ساراپتامادان وتەدى.
ماقسات - تۋريستىك بيزنەس تاراپىنان مادەنيەت پەن سەرۆيستى ارتتىرۋ.
بيىلعى جىلى كۋرورتتىق ايماقتا 30 كيلومەترگە جۋىق جولعا اسفالت توسەلەدى, 13,5 شاقىرىم ەلەكتر جەلىسى جانە 52 كيلومەترگە جۋىق سۋ قۇبىرى سالىنادى.
جازعى ماۋسىمنىڭ اشىلۋىنا دەيىن باياناۋىلدا اۋليە بۇلاق پەن قوڭىر اۋليە ۇڭگىرى اۋماقتارىن اباتتاندىرۋ جۇمىستارى باستالدى.
سونداي-اق تورايعىر اۋىلىنان كول جاعاجايىنا جانە قوڭىر اۋليە ۇڭگىرىنە دەيىن جول سالىنۋدا.
سونىمەن قاتار باياناۋىلداعى شاعىن اۋەجاي ارنايى سەرتيفيكاتتاۋدان وتپەگەن سوڭ, ىسكە قوسىلمايدى.
ال, مارالدى كولى جاعاسىنداعى تۋريزم جوباسىن كولدى زەرتتەپ الماي باستاعاندىقتان, قازىر جابىلدى دەۋگە بولار.
پاۆلودار وبلىسى