مەملەكەتتىك كوميسسيانىڭ شۇعىل شتابى اقمولا وبلىسىندا تاعى 3 ادامنىڭ كوروناۆيرۋس جۇقتىرعانىن حابارلادى.
اقمولا وبلىسىنىڭ تسەلينوگراد اۋدانىندا كوروناۆيرۋس ينفەكتسياسىن جۇقتىرعان 1 ادام انىقتالدى. ول نۇر-سۇلتان قالاسىندا ۆيرۋستى جۇقتىرعان اداممەن جاقىن قارىم-قاتىناستا بولعان 1990 جىلعى ەر ادام.
قوناق شاقىرعاننىڭ سالدارىنان 2012 جىلعى قوناق بولىپ كەلگەن بالا كوروناۆيرۋستى جۇقتىرعان. ارشالى اۋدانىنىڭ جىبەك جولى اۋىلىنداعى پاتەر يەسىنىڭ قىزىنان دا COVID-19 ۆيرۋسى تابىلدى.
قازىرگى ۋاقىتتا ۇشەۋى دە جۇقپالى اۋرۋلار ستاتسيونارىنا جاتقىزىلعان.
تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ماماندارى ۆيرۋستى جۇقتىرعان ادامدارمەن بايلانىستا بولعان ادامداردى انىقتاۋ ءۇشىن سانيتارلىق-ەپيدەميولوگيالىق تەرگەۋ جۇمىستارى جۇرگىزىلىپ جاتىر. انىقتالعان اۋرۋ وشاقتارىندا ەپيدەمياعا قارسى شارالار جۇرگىزىلەدى.
وتكەن تاۋلىكتەگى جاعداي بويىنشا وبلىستا ۆيرۋستى جۇقتىرعان 145 ادام انىقتالعان, ولاردىڭ 127-ءسى تسەلينوگراد اۋدانىندا, قالعان ناۋقاستار كوكشەتاۋ قالاسىندا جانە اقكول, ارشالى, ەگىندىكول, شورتاندى اۋداندارىندا انىقتالعان.