ەلباسى نۇرسۇلتان نازارباەۆتىڭ موناكو كنيازدىگىنە رەسمي ساپارى بارىسىندا مەملەكەتتەر باسشىلارى ەكىجاقتى كەلىسسوز جۇرگىزدى.
كەشە موناكو كنيازدىگىنە رەسمي ساپارمەن كەلگەن ەلباسى نۇرسۇلتان نازارباەۆتى كنيازدىك سارايىنىڭ الدىنداعى الاڭدا رەسمي قارسى الۋ ءراسىمى بولدى. كنيازدىكتىڭ وسىنداي شارالارعا ارنالعان ۇلكەن وركەسترى قازاقستان پرەزيدەنتىنە قۇرمەت كورسەتتى.
ەلباسى نۇرسۇلتان نازارباەۆتىڭ موناكو كنيازدىگىنە رەسمي ساپارى بارىسىندا مەملەكەتتەر باسشىلارى ەكىجاقتى كەلىسسوز جۇرگىزدى.
كەشە موناكو كنيازدىگىنە رەسمي ساپارمەن كەلگەن ەلباسى نۇرسۇلتان نازارباەۆتى كنيازدىك سارايىنىڭ الدىنداعى الاڭدا رەسمي قارسى الۋ ءراسىمى بولدى. كنيازدىكتىڭ وسىنداي شارالارعا ارنالعان ۇلكەن وركەسترى قازاقستان پرەزيدەنتىنە قۇرمەت كورسەتتى.
قارسى الۋ ءراسىمى اياقتالعان سوڭ پرەزيدەنت نۇرسۇلتان نازارباەۆ موناكو كنيازى البەر ءىى-مەن وڭاشا كەزدەسىپ, ەكىجاقتى كەلىسسوز جۇرگىزدى. ودان كەيىن ەكى ەلدىڭ باسشىلارى مەملەكەتتىك ناگرادالارمەن الماستى. قازاقستان پرەزيدەنتى نۇرسۇلتان نازارباەۆ ەكى ەلدىڭ ىنتىماقتاستىعىن دامىتۋعا سىڭىرگەن ەڭبەگى ءۇشىن اۋليە كارلدىڭ كرەست وردەنىمەن ماراپاتتالدى. بۇل وردەن – موناكونىڭ ەڭ جوعارى مەملەكەتتىك ناگراداسى. ال موناكو كنيازى البەر ءىى-گە ءى دارەجەلى «دوستىق» وردەنى تاپسىرىلدى. بۇل وردەننىڭ حالىقتار اراسىنداعى بەيبىتشىلىك پەن دوستىقتى جانە ىنتىماقتاستىقتى قالىپتاستىرۋدا جەتكەن ۇزدىك ەڭبەك ءۇشىن بەرىلەتىنى بەلگىلى.
موناكو – ەۋروپانىڭ ءوڭتۇستىگىندە, جەرورتا تەڭىزىنىڭ بويىندا فرانتسيامەن جاپسارلاسىپ جاتقان وتە شاعىن قالا-مەملەكەت. ونىڭ جەر كولەمى بار بولعانى 2,02 شارشى شاقىرىم. ول دۇنيە جۇزىندە جەر اۋماعى بويىنشا ۆاتيكاننان كەيىنگى ەكىنشى كىشكەنتاي مەملەكەت. بۇل قازاقستاننىڭ ەكسپو-2017 كورمەسىن وتكىزۋگە بولگەن جەرىنەن دە كىشى. بىراق, سوعان قاراماي, وزىندىك سالماعى بار, بارلىق ادامزات بالاسى ءبىر كورۋگە قۇمارتاتىن, دەمالىس ورىندارىنا بارعىسى كەلەتىن قىزعىلىقتى ەل.
مۇندا باقۋاتتى ادامدار قىزىقتايتىن ورىنداردىڭ قىزمەت كورسەتۋ ساپاسى ەڭ جوعارى دەڭگەيگە جەتكىزىلگەن. سونىڭ ىشىندە مونتە-كارلو قالاسىنداعى كازينونىڭ اتاعى الىس شەتەلدەرگە ءمالىم. فورمۋلا-1 اۆتوجارىسىنىڭ «موناكو گران-ءپريى» دەگەن كەزەڭى دە وسىندا ءوتىپ, ەلدىڭ اتاعىن الىسقا جايعان. مادەني ومىردە دە موناكونىڭ اتاعى الىسقا كەتكەن. ونىڭ ەڭ باي اۋدانى – مونتە-كارلوداعى فيلارمونيالىق وركەستر مەن وپەرانىڭ دا اتاعى بارشا الەمگە تانىمال. مۇنىڭ ساحناسىندا ەنريكو كارۋزو, فەدور شالياپين, پلاسيدو دومينگو, لۋچانو پاۆاروتتي سەكىلدى ايتۋلى شەبەرلەر ءان شىرقاعان.
سونداي-اق مۇندا اتاعى جەر جاراتىن مۇحيتتانۋ مۋزەيى دە بار. ونىڭ ديرەكتورى بولىپ ءبىراز جىلدار اتى اڭىزعا اينالعان مۇحيتتانۋشى عالىم جاك-يف كۋستو قىزمەت ەتكەن. موناكونىڭ اتاعىن الىسقا جاياتىن شارالاردىڭ قاتارىنا جىل سايىن وتكىزىلەتىن حالىقارالىق تەلە جانە تسيرك فەستيۆالدەرىن جاتقىزۋعا دا بولادى. مونتە-كارلونىڭ تاعى ءبىر قىزىعى – ونىڭ تەمىر جول ۆوكزالى بيىك تاۋعا ورنالاسقان. وسى ستانسادان ەلدىڭ تاريحي-كۋرورتتى ايماعى مەن كازينوعا بىردەن جەتۋگە بولادى.
موناكو حالقىنىڭ سانى 36 مىڭنان ءسال عانا اسادى. بۇل دا قازاقستاننىڭ ءبىر اۋدانىنىڭ حالقىنداي عانا. ال ءىجو-ءنىڭ جان باسىنا شاققانداعى كولەمى 50 مىڭ دوللار شاماسىندا. ەلدەگى نەگىزگى تابىس تۋريزمنەن تۇسەدى. جىلىنا موناكوعا 7 ميلليونعا جۋىق تۋريست كەلەتىن كورىنەدى. ءبىز بولعان كەزدە دە موناكو كوشەلەرىندە شەتەلدىك تۋريستەر قاپتاپ ءجۇردى. سوعان قاراي, قوناقۇي باعالارى دا ۋداي قىمبات. وسى سەبەپتى قازاقستاندىق جۋرناليستەر موناكودان 25 شاقىرىم جەردەگى فرانتسيانىڭ نيتستسا قالاسىنا ورنالاستىرىلدى.
سونداي-اق مۇندا بانك جۇمىسى (جالپى تابىستىڭ 17 پايىزى), قۇرىلىس (10 پايىز), ونەركاسىپ (9 پايىز) جانە اقپاراتتى-كوممۋنيكاتسيالىق تەحنولوگيا (8 پايىز) دامىعان.
ەل حالقىنىڭ نەگىزگى بولىگى فرانتسۋزدار, مەملەكەتتىك ءتىلى دە فرانتسۋز ءتىلى. سونىمەن بىرگە, جەرگىلىكتى حالىقتىڭ مونەگاس ءتىلى دە ساقتالعان. مۇنى كونە يتاليان ءتىلىنىڭ سولتۇستىك ديالەكتىلەرىنىڭ ءبىرى دەپ تانۋشىلار كوپ.
موناكونىڭ اقشاسى – ەۋرو. الايدا ول ەۋرووداققا مۇشە ەمەس. بىراق ەو-مەن فرانتسيامەن اراداعى كەدەن وداعى ارقىلى تىعىز بايلانىسقان. موناكو بىرنەشە حالىقارالىق ۇيىم داردىڭ مۇشەسى بولىپ تابىلادى. سونىڭ ىشىندە بۇۇ (1993 جىلدان), ەقىۇ, ەۋروپا كەڭەسى, ينتەرپول, يۋنەسكو, بسۇ جانە باسقالارعا مۇشە. حالىقارالىق گيدروگرافيا ۇيىمىنىڭ باس كەڭسەسى دە وسى ەلدە ورنالاسقان. موناكو الەمنىڭ 45 ەلىنىڭ 106 قالاسىندا ءوزىنىڭ قۇرمەتتى كونسۋلدىعىن اشقان. سونىڭ ىشىندە قازاقستان استاناسى دا بار.
موناكونىڭ مەملەكەتتىك باسقارۋ جۇيەسى – كونستيتۋتسيالىق مونارحيا. قازىرگى مەملەكەت باسشىسى – كنياز البەر ءىى. وعان بيلىك مۇراگەرلىك جۇيە بويىنشا اكەسىنەن قالعان. 55 جاستاعى البەر ءىى تاققا 2005 جىلى وتىردى. ەگەر ەۋروپانىڭ باسقا ەلدەرىندەگى مونارحتار تەك سيمۆولدىق قانا وكىلەتتىككە يە بولسا, موناكونىڭ مونارحى بيلىكتىڭ بارلىق تىزگىنىن ءوزى ۇستاپ, مەملەكەتتى ءىس جۇزىندە جالعىز باسقارادى. اتاپ ايتار بولساق, ول بارلىق مەملەكەتتىك باسقارۋ جۇيەسىندەگى لاۋازىمدى تۇلعالاردى تاعايىندايدى, زاڭنامالىق قۇجاتتاردى دايىنداۋدا دا وتە كەڭەيتىلگەن وكىلەتتىككە يە, زاڭدارعا قول قويۋ مەن راتيفيكاتسيالاۋ قۇقىعى دا وزىندە, حالىقارالىق ارەنادا مەملەكەتتىڭ اتىنان سويلەيدى. كنيازدىڭ جانىندا جەتى ادامنان تۇراتىن كەڭەسشى ورگان بار. ونىڭ مۇشەلەرىن دە كنيازدىڭ ءوزى 3 جىل مەرزىمگە تاعايىندايدى. كونستيتۋتسيالىق باقىلاۋ قۇقىنا يە بولىپ تابىلاتىن مەملەكەتتىك كەڭەس دەگەن ورگان بار. ونىڭ مۇشەلەرىن كنياز ۇكىمەتپەن كەلىسىپ تاعايىندايدى.
زاڭ شىعارۋ بيلىگىندە 24 دەپۋتاتتان تۇراتىن ءبىر پالاتالى ۇلتتىق پارلامەنت جۇمىس ىستەيدى. الايدا, بارلىق زاڭنامالىق قۇجاتتار كنياز قول قويعاننان كەيىن عانا كۇشىنە ەنەدى.
اتقارۋشى بيلىك مەملەكەتتىك مينيستر (ۇكىمەت باسشىسى) باسقاراتىن ۇكىمەتتىك كەڭەستەن تۇرادى. ءبىر قىزىعى – مەملەكەتتىك مينيستر فرانتسيا ازاماتى, كنياز ونى فرانتسۋز وكىمەتىنىڭ ۇسىنىسىمەن 3 جىلعا تاعايىندايدى.
موناكونىڭ ءتارتىبىن 500-گە جۋىق پوليتسيا قىزمەتكەرى باقىلايدى. بارلىق جەرلەرگە بەينەباقىلاۋ ورناتىلعاندىقتان, ولاردىڭ جۇمىسى ءبىرشاما جەڭىل. موناكوعا كۇنىنە 40 مىڭعا جۋىق شەتەلدىك جۇمىسقا كەلەدى. مۇندا جۇمىسسىزدىق دەگەن مۇلدە جوق. موناكو قالاسىنىڭ ءوزى موناكو ۆيللە – ەسكى قالا, مونتە-كارلو – ويىن ۇيلەرىنىڭ اۋدانى, لا-كوندامين – پورت ماڭى, فونتۆيل – سۋدى قۇرعاتقاننان پايدا بولعان جاڭا جەر سياقتى ءتورت بولىككە بولىنگەن.
موناكو كازينوسى 1863 جىلى اشىلعان. اقىلدى كنياز ەلگە باقۋاتتى ادامداردىڭ تارتىمدىلىعىن ارتتىرۋ ءۇشىن ونى العاشقى بولىپ اشىپ جانە اتاعىن دۇنيە جۇزىنە تانىتقان. مۇندا سالىق كولەمى وتە شاعىن, سوندىقتان دا سالىقتان قاشقاندار قاراجات اتاۋلىسىن وسىندا ساقتاۋعا قۇمار. موناكونىڭ ءبىر سوزبەن ايتقانداعى سيپاتى – الەمنىڭ ۇلكەن بايلىعىن وزىندە توعىستىرعان شاعىن ەل.
قازاقستان مەن موناكو اراسىنداعى ديپلوماتيالىق بايلانىس 2009 جىلى ورناعان. قازاقستاننىڭ فرانتسياداعى توتەنشە جانە وكىلەتتى ەلشىسى ن.دانەنوۆ موناكودا دا ەلشى قىزمەتىن قوسا اتقارادى. استانادا موناكونىڭ قۇرمەتتى كونسۋلدىعى اشىلعان. ال موناكونىڭ قازاقستانداعى ەلشىسى قىزمەتىن ۇلىبريتانيانىڭ ەلشىسى ەۆەلين جانتا قوسا اتقارادى.
بىلتىرعى قاراشا ايىندا ەلباسى نۇرسۇلتان نازارباەۆتىڭ شاقىرۋىمەن موناكو كنيازى البەر ءىى قازاقستانعا العاش رەت رەسمي ساپارمەن كەلدى. ساپار بارىسىندا بىرلەسكەن مالىمدەمەگە قول قويىلعان بولاتىن. سونداي-اق ەكى ەلدىڭ ساۋدا-ونەركاسىپ پالاتالارى اراسىندا ىنتىماقتاستىق ورناتۋ تۋرالى كەلىسىمگە قول قويىلعان. وسى كەلىسىم شەڭبەرىندە قازاقستاندىق ەكسپورت جانە ينۆەستيتسيا جونىندەگى «كازنەكس ينۆەست» اگەنتتىگى مەن موناكونىڭ ەكونوميكالىق دامۋ پالاتاسى اراسىندا نيەتتەستىك مەموراندۋمىنا قول جەتكىزىلگەن.
ۇستىمىزدەگى جىلدىڭ ماۋسىم ايىندا قازاقستانعا ەلشى ە.جانتا باستاعان بيزنەس-دەلەگاتسيا كەلىپ, فورۋم وتكىزدى. وعان موناكو ەكونوميكاسىنىڭ ءارتۇرلى سەكتورىنان 23 كومپانيانىڭ باسشىلارى قاتىستى. ساپار بارىسىندا دەلەگاتسيا باسشىلارىن پرەمەر-ءمينيستردىڭ ورىنباسارى ءا.يسەكەشەۆ قابىلداپ, كەلىسسوز جۇرگىزدى. ەكى ەلدىڭ اراسىنداعى ساۋدا اينالىمى ازىرگە ماردىمسىز, 2012 جىلدىڭ قورىتىندىسى بويىنشا ول 211 مىڭ اقش دوللارىن عانا قۇرادى. دەگەنمەن, قارجى, قۇرىلىس, تۋريزم, جاڭا تەحنولوگيالار سالاسىنداعى ىنتىماقتاستىقتاردىڭ پەرسپەكتيۆاسى جوعارى سانالادى.
مادەني-گۋمانيتارلىق سالادا دا ىنتىماقتاستىق دامىپ كەلەدى. 2010 جىلى موناكودا بولعان 5-ءشى حالىقارالىق كينوفەستيۆالدە قازاقستاندىق رەجيسسەر ە.تۇرسىنوۆتىڭ «كەلىن» كارتيناسى گران-پري جۇلدەسىن جەڭىپ الدى. 2011 جىلى وسىندا وتكەن تسيرك ارتىستەرىنىڭ 35-ءشى فەستيۆالىنە قازاقستان تسيركى دە قاتىستى. 2012 جىلدىڭ قاراشا ايىندا استانانىڭ بەيبىتشىلىك جانە كەلىسىم سارايىندا «گرەيس كەلليدىڭ زامانى» اتتى كورمە بولىپ ءوتتى. ول قازىرگى كنيازدىڭ اناسىنا ارنالعان ەدى, كورمەنى پرەزيدەنت نۇرسۇلتان نازارباەۆ پەن سول كەزدە قازاقستاندا رەسمي ساپارمەن بولعان كنياز البەر ءىى-ءنىڭ ءوزى تاماشالادى.
مادەنيەت جانە اقپارات مينيسترى م.قۇل-مۇحاممەد 2013 جىلدىڭ ناۋرىز ايىندا سول كەزدە قازاقستانعا كەلگەن موناكو ەلشىسى ە.جانتانى قابىلداپ, مونتە-كارلو بالەتىنىڭ استاناعا گاسترولمەن كەلۋى ماسەلەسىن تالقىلادى.
ەلباسى نۇرسۇلتان نازارباەۆ پەن كنياز البەر ءىى اراسىنداعى كەلىسسوز اياقتالعان سوڭ ەكىجاقتى قۇجاتتارعا قول قويىلدى. قازاقستان ۇكىمەتى مەن موناكو كنيازدىگى اراسىنداعى تۋريزم سالاسىنداعى ىنتىماقتاستىق تۋرالى بۇل قۇجاتقا قازاقستان جاعىنان ءا.يسەكەشەۆ, ال موناكو جاعىنان كنيازدىكتىڭ سىرتقى ىستەر ءمينيسترى ج.باديا قول قويدى.
قول قويۋ ءراسىمى اياقتالعان سوڭ پرەزيدەنت ن.نازارباەۆ پەن كنياز البەر ءىى سارايدىڭ بالكونىنا شىعىپ, تومەندە جينالعان قاۋىمعا قولدارىن بۇلعاپ, سالەم جولدادى. بۇل – كنيازدىكتىڭ وزىندىك ءداستۇرلى سالتى. شەتەلدىك مەملەكەت باسشىلارىمەن كەزدەسكەن سوڭ كنياز حالقىنا مارتەبەلى قوناقپەن بىرگە وسىلاي سالەم ەتەتىن كورىنەدى. ال تومەندە وركەستردىڭ سۇيەمەلدەۋىمەن كاسىبي انسامبل بي بيلەدى.
وسى كۇنى تاڭەرتەڭ ەلباسى نۇرسۇلتان نازارباەۆ «Swissport International» جانە «Flughafen zurich AG» كومپانيالارىنىڭ باسشىلارىمەن كەزدەستى. كەزدەسۋگە قازاقستان جاعىنان ۆيتسە-پرەمەر – يندۋستريا جانە جاڭا تەحنولوگيالار ءمينيسترى ءا.يسەكەشەۆ, «قازاقستان تەمىر جولى» اق باسشىسى ا.مامين, ال موناكو جاعىنان Swissport International كومپانياسىنىڭ پرەزيدەنتى, باسقارما توراعاسى پ.ۋتنەگارد پەن Flughafen Zurich AG كومپانياسىنىڭ قارجى ءجونىندەگى ۆيتسە-پرەزيدەنتى د.شمۋككي قاتىستى. اڭگىمەلەسۋ بارىسىندا ەۋرازيالىق كولىك ينفراقۇرىلىمى ماسەلەلەرى, سونداي-اق قازاقستان اۋەجايلارىن دامىتۋ جانە ولاردى حالىقارالىق ستاندارتتارعا ءسايكەستەندىرۋ سالاسىنداعى ىنتىماقتاستىقتىڭ كەلەشەگى تالقىلاندى.
كەزدەسۋ اياسىندا اۋەجايلار جەلىسىن باسقارۋ جونىندە بىرلەسكەن كاسىپورىن قۇرۋ جونىندە مەموراندۋمدارعا قول قويۋ تۋرالى كەلىسىمگە قول جەتكىزىلدى.
Swissport International – جەرۇستى قىزمەتىن ۇسىناتىن, 38 ەلدىڭ 192 اۋەجايىمەن بايلانىس جاسايتىن الەمدەگى جەتەكشى كومپانيا.
Flughafen Zurich AG – تسيۋريح قالاسى اۋەجايىنىڭ يەسى ءارى وپەراتورى, سونداي-اق بۇكىل الەمنىڭ وزگە دە 10 اۋەجايىن باسقارۋعا قاتىسادى.
ەلباسى نۇرسۇلتان نازارباەۆتىڭ موناكوعا ساپارى اياسىندا قازاقستان مەن موناكو ىسكەر قاۋىمىنىڭ بيزنەس-فورۋمى دا بولىپ ءوتتى. ونى قازاقستاننىڭ يندۋستريا جانە جاڭا تەحنولوگيالار مينيسترلىگى, ساۋدا-ونەركاسىپتىك پالاتاسى موناكونىڭ قارجى جانە ەكونوميكا مينيسترلىگىمەن بىرلەسىپ ۇيىمداستىردى. فورۋمعا قاتىسۋشىلار جىلجىمايتىن م ۇلىك, تۋريزم, كولىك جانە لوگيستيكا, مۇناي-گاز, تاماق ونەركاسىبى مەن بانك سالاسىنداعى ءوزارا ىسكەرلىك پەرسپەكتيۆالارى تۋرالى پىكىر الماستى. فورۋمنىڭ ەڭ ۇلكەن تابىسى – بىرلەسكەن ىسكەرلىك كەڭەس قۇرۋعا قول جەتكىزىلدى. وعان ەكى جاقتىڭ ساۋدا-ونەركاسىپ پالاتالارىنىڭ باسشىلارى قول قويدى.
شىعىپ سويلەگەن قازاقستاندىق كومپانيالاردىڭ باسشىلارى وزدەرىنىڭ ءىس-ارەكەتى تۋرالى تولىق بايانداي وتىرىپ, موناكالىقتار اراسىندا ىسكەرلىك قىزىعۋشىلىق تۋا قالسا, زور ىنتا بولەتىنىن ايتىپ جاتتى. ءوز كەزەگىندە موناكالىقتار دا وسى باعىتتا سويلەدى. بۇلار ءوز ەلدەرىندەگى ىسكەرلىك تارتىمدىلىقتىڭ زور ەكەنىن ماقتانىشپەن باياندادى. سونىڭ ىشىندە, اسىرەسە, سالىقتىق جەڭىلدىكتىڭ, قارجىنىڭ ساقتالۋىنا كەپىلدىكتىڭ, ينۆەستيتسيالىق تارتىمدىلىقتىڭ زور ەكەنىن نەشە ءتۇرلى سلايدتار كورسەتە وتىرىپ جەتكىزدى.
فورۋم قورىتىندىسى بويىنشا موناكونىڭ «موناكو مەنەدجمەنت كونستراكشن» اتتى ۇلكەن كومپانياسى «كازنەكس ينۆەست» اق, «استانا ترەيد ينتەرناسيونال» جانە قىزىلوردا وبلىستىق اكىمدىگىمەن ىسكەرلىك بايلانىستار ورناتۋ جونىندەگى كەلىسىمگە قول قويدى. سونداي-اق, «كازنەكس ينۆەست» اق «گوۋ ون گروۋپ», ال قىزىلوردا وبلىستىق اكىمدىگى «حيدروكونسەپت سولار» كومپانيالارىمەن ىنتىماقتاستىق جونىندە كەلىسىم جاساستى.
بيزنەس-فورۋم جۇمىسىنا پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, موناكونىڭ قارجى جانە ەكونوميكا ءمينيسترى جان كاستەلليني قاتىسىپ, ءسوز سويلەدى.
قازاقستان پرەزيدەنتى رەسمي ساپار شەڭبەرىندە كنيازدىكتىڭ ۋربانيستيكالىق جانە قارجىلىق دامۋىنىڭ تۇساۋكەسەرىنە قاتىستى. تۇساۋكەسەر بارىسىندا مەملەكەتتىك مينيستر م.روجە, ەكونوميكالىق دامۋ جانە قارجى ءمينيسترى ج.كاستەلليني, الەۋمەتتىك ماسەلەلەر جانە دەنساۋلىق ساقتاۋ جونىندەگى مينيستر س.ۆالەري, قورشاعان ورتانى قورعاۋ جانە قالا قۇرىلىسى ءمينيسترى م.پ.گراماليا مەملەكەت باسشىسىنا ءتيىستى سالالاردىڭ جاعدايى مەن دامۋ پەرسپەكتيۆاسى تۋرالى, اتاپ ايتقاندا, گرەيس كنياگينيا ەمحاناسى قۇرىلىسىنىڭ جوسپارى, شەكتەۋلى الاڭعا يە كنيازدىكتەگى قالا قۇرىلىسىن جۇرگىزۋدىڭ ودان ارعى باعىتتارى تۋرالى اقپاراتتار بەردى.
قازاقستان پرەزيدەنتى تۇساۋكەسەردىڭ قاناعاتتانارلىق مازمۇنىن اتاپ كورسەتىپ, وسى ساپارعا شاقىرعانى ءۇشىن تاعى دا العىسىن ءبىلدىردى.
– البەر ءىى-ءنىڭ وتكەن جىلعى ساپارى, گرەيس كنياگينياعا ارنالعان قازاقستانداعى كورمە جانە مەنىڭ وسى جولعى ساپارىم – بۇلار ءبىزدىڭ حالىقتارىمىز بەن مەملەكەتتەرىمىزدىڭ ءوزار