سىرتتاي اتىن ەستىگەنى بولماسا, بۇعان دەيىن جۇزدەسپەگەن جۇراعاتتارعا تانىستىرۋدىڭ ءساتى تۇسە قالعاندا: «بالالار ادەبيەتىنىڭ كوكجيەگىن كەڭىتكەن الەم كلاسسيكتەرىنەن اعايىندى گريممدى, اندەرسەندى, ورىس اقىن-جازۋشىلارىنان كاسسيلدى, قازاق قالامگەرلەرىنەن جاقان سماقوۆ پەن بەردىبەك سوقپاقباەۆتى وقىپ پا ەدىڭ؟» دەپ سۇراپ الامىن دا, كوزى قاراقتى, كوكىرەگى وياۋ ازامات ەكەنىن بىلگەن سوڭ: «وندا بۇل – قازاق بالالار ادەبيەتىنىڭ قازىرگى كورنەكتى وكىلى شاكەن كۇمىسباەۆ دەيتىن جازۋشى بولادى», دەپ تانىستىرامىن قالامگەر اعامدى. جەر ورتاسى جاستان الدەقاشان اسسا دا, جابىقتان سىعالاعان جەتى جاسار بالاداي ۇياڭ مىنەزىنەن تانباعان ارىپتەسىم وندايدا قوس قولىن بىردەي سەرمەلەگەن كۇيى: «قويشى-ەي, سەنىڭ-اق قالجىڭىڭ قالمايدى ەكەن», دەپ ازار دا بەزەر كۇيگەلەكتەنە باستايدى. اسىرا ماقتاسام دا اقيقاتتان اتتاماعانىمنىڭ دالەلى رەتىندە ءبىر-جار مىسالدار كەلتىرىپ, تىڭداۋشىنىڭ عانا ەمەس, شاكەن دوسىمنىڭ ءوزىن يلاندىرعانداي بولامىن.
سىرتتاي اتىن ەستىگەنى بولماسا, بۇعان دەيىن جۇزدەسپەگەن جۇراعاتتارعا تانىستىرۋدىڭ ءساتى تۇسە قالعاندا: «بالالار ادەبيەتىنىڭ كوكجيەگىن كەڭىتكەن الەم كلاسسيكتەرىنەن اعايىندى گريممدى, اندەرسەندى, ورىس اقىن-جازۋشىلارىنان كاسسيلدى, قازاق قالامگەرلەرىنەن جاقان سماقوۆ پەن بەردىبەك سوقپاقباەۆتى وقىپ پا ەدىڭ؟» دەپ سۇراپ الامىن دا, كوزى قاراقتى, كوكىرەگى وياۋ ازامات ەكەنىن بىلگەن سوڭ: «وندا بۇل – قازاق بالالار ادەبيەتىنىڭ قازىرگى كورنەكتى وكىلى شاكەن كۇمىسباەۆ دەيتىن جازۋشى بولادى», دەپ تانىستىرامىن قالامگەر اعامدى. جەر ورتاسى جاستان الدەقاشان اسسا دا, جابىقتان سىعالاعان جەتى جاسار بالاداي ۇياڭ مىنەزىنەن تانباعان ارىپتەسىم وندايدا قوس قولىن بىردەي سەرمەلەگەن كۇيى: «قويشى-ەي, سەنىڭ-اق قالجىڭىڭ قالمايدى ەكەن», دەپ ازار دا بەزەر كۇيگەلەكتەنە باستايدى. اسىرا ماقتاسام دا اقيقاتتان اتتاماعانىمنىڭ دالەلى رەتىندە ءبىر-جار مىسالدار كەلتىرىپ, تىڭداۋشىنىڭ عانا ەمەس, شاكەن دوسىمنىڭ ءوزىن يلاندىرعانداي بولامىن.
راسى سول, كۇندەلىكتى كۇيبەڭ تىرلىكتە «قولدا وسكەن اتاننىڭ تايلاق اتى قالمايدى» دەيتىن قازاقشىلىقتان اسا المايمىز دا, تالانت يەلەرىنىڭ ءمولدىر دە تازا شىعارمالارىن, قالامگەرلىگىن بىلاي قويعاندا, زامانىنا قاراي قوعامعا, ءوز ورتاسىنا, ادەبيەت پەن مادەنيەت سالالارىنىڭ كوكجيەگىن كەڭەيتۋگە قوسقان ەڭبەكتەرىن باعالاي بەرمەيمىز. وسىندايدا ءابدىجامىل نۇرپەيىسوۆتىڭ: «تالانتتى تانۋ ءۇشىن دە تالانت كەرەك», دەگەن ماعىنالى ءسوزى ەسكە تۇسەدى.
بۇل ويعا ورالىپ وتىرعانىم, وسىدان 10-15 جىل بۇرىن, ياعني بالالار ادەبيەتى عانا ەمەس, جالپى رۋحاني دۇنيەنىڭ جۇتاڭ تارتقان تۇسىندا قاسىنا سۇلتان قاليەۆ پەن اراسانباي ەستەنوۆتى قوسىپ الىپ, بالالار ادەبيەتىنىڭ كوشىن تۇزەتۋ, ۇرپاققا قاجەتتى ءمولدىر شىعارمالاردى قايتا جانداندىرا جازعىزۋ, جاڭعىرتۋ ماقساتىندا كاسىپكەر ءىنىمىز باۋىرجان وسپانوۆتىڭ تابالدىرىعىن شاكەن بارىپ اتتاماسا, تىلەۋىڭدى بەرگىر باۋىرجان دا سىرت اينالىپ كەتپەي, قامقور قولىن سوزۋعا ءازىر ەكەنىن بىلدىرمەسە, ءاي, قايدام, بۇگىنگى ءورىسىمىزدىڭ وزىنەن جاڭىلىپ قالارىمىز حاق ەدى. سەبەبى, مەملەكەتتىك تاپسىرىستى بىلاي قويعاندا, دەمەۋشىلىك كورسەتىپ جۇرگەن بىرقاتار قالتالى ازاماتتاردىڭ ءوزى دە «بالالار ادەبيەتى» دەسە بولعانى, وعان مەنسىنىڭكىرەمەي قارايتىن كۇن تۋعان ەدى. سودان بارىپ جالپى ادەبيەتتىڭ ىنىسىندەي كورىنگەن بالالار ادەبيەتىنىڭ تىزگىنىن ۇستاعان اقىن-جازۋشىلار كىتاپتارىن شىعارۋدى بىلاي قويعاندا, مەرزىمدى ءباسپاسوز بەتتەرىنەن دە سيرەك كورىنە باستاعان بولاتىن. سونى دەر كەزىندە اڭعارعان, بوبەكتەرگە ارنالعان ادەبيەتتى قايتا جاڭعىرتۋعا قاتىستى شارالاردى جان-جاقتى ويلاستىرعان شاكەن كۇمىسباەۆ تىڭنان جول تاپقانداي ايتەۋىر بالالار ادەبيەتىن ناسيحاتتاۋدىڭ, وعان بۇكىل اقىن-جازۋشىلاردى قاتىستىرۋدىڭ, بىرتە-بىرتە ونى حالىقارالىق دەڭگەيگە شىعارۋدىڭ بىردەن ءبىر جولىن تاپقانداي بولدى.
وسىلايشا, «جەر-سۋ» كورپوراتسياسىنىڭ تىكەلەي دەمەۋشىلىگىمەن ءشاكەن باستاعان ازاماتتار بالالار ادەبيەتىنە بايگە جاريالاپ, اقىن-جازۋشىلاردى ايتپاعاندا, قولىنا قالام ۇستاعان بۇكىل قازاق قالامگەرلەرىن الامان جارىسقا قوستى دا جىبەردى. ءۇمىت اقتالدى. جازعان-سىزعاندارىن «بالدىرعان» جۋرنالى مەن «ۇلان» گازەتىندە عانا شىعارۋ مۇمكىندىگىنەن اسپاعان, ءتىپتى, سوعان دا كەيبىرەۋلەرىنىڭ قولدارى جەتە الماي جۇرگەن ۇلكەن-كىشىلى اقىن-جازۋشىلاردىڭ بارشاسى كەيىنىرەك «دارابوز» دەپ اتالعان بايگەگە ءوز شىعا