پرەمەر-ءمينيستردىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا جۇمىس ساپارىمەن جەزقازعان قالاسىنا جانە ۇلىتاۋ اۋدانىنا باردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
ساپار كەزىندە پرەمەر-ءمينيستردىڭ ورىنباسارىمەن مادەنيەت جانە سپورت ءمينيسترى اقتوتى رايىمقۇلوۆا, ءبىلىم جانە عىلىم ۆيتسە-ءمينيسترى ميراس داۋلەنوۆ, قاراعاندى وبلىسىنىڭ اكىمى جەڭىس قاسىمبەك جانە «نازارباەۆ زياتكەرلىك مەكتەپتەرى» اق باسقارما ءتورايىمى كۇلاش شامشيدينوۆا باردى.
قازىرگى ۋاقىتتا جەزقازعان وبلىسىندا «جۇمىسپەن قامتۋدىڭ جول كارتاسى» بويىنشا جالپى سوماسى 3,9 ملرد تەڭگەگە 36 الەۋمەتتىك جانە مادەني-تاريحي جوباسى جۇزەگە اسىرىلۋدا. 2020 جىلعى 1 مامىرداعى جاعداي بويىنشا قاراعاندى وبلىسىنداعى الەۋمەتتىك جۇمىس ورىندارىنا 472 ادام جىبەرىلدى. ونىڭ ىشىندە 113 ادام جاستار پراكتيكاسىنا, 2 694 ادام قوعامدىق قىزمەتكە تارتىلعان. جۇمىسسىزدىق دەڭگەيى 4,4% قۇرايدى (2020 جىلدىڭ 1 توقسانىنى بويىنشا), ءوزىن-ءوزى جۇمىسپەن قامتىعانداردىڭ سانى 56,1 مىڭ ادام.
ساپار كەزىندە پرەمەر-ءمينيستردىڭ ورىنباسارى التىن وردانىڭ نەگىزىن سالعان جوشى حان تاريحي-مادەني ورتالىعىنىڭ قۇرلىسى بارىسىمەن تانىستى. «جۇمىسپەن قامتۋدىڭ جول كارتاسى» باعدارلاماسى اياسىندا جوشى حان كەسەنەسىن رەستاۆراتسيالاۋعا جانە تاريحيا-مادەني ورتالىقتىڭ ينفراقۇرىلىمىن قۇرۋعا رەسپۋبليكالىق بيۋدجەتتەن 800 ملن تەڭگە بولىنگەن. جوبادا جۇمىس ىستەپ جاتقان بارلىق جۇمىسشىلار «ەڭبەك» باعدارلماسى بويىنشا تارتىلعان. تاريحي-مادەني كەشەندى وسى جىلدىڭ تامىز ايىندا پايدالانۋعا بەرۋ جوسپارلانعان.
«جۇمىسپەن قامتۋدىڭ جول كارتاسى» باعدارلاماسى بويىنشا الەۋمەتتىك جوبالاردىڭ جۇزەگە اسىرىلۋىمەن تانىسۋ اياسىندا پرەمەر-ءمينيستردىڭ ورىنباسارى ە. توعجانوۆ جەزقازعان تۇرعىندارىنىڭ تۇرعىن ءۇي جانە الەۋمەتتىك-تۇرمىستىق ماسەلەلەرىنىڭ قالاي شەشىلىپ جاتقانىنا ەرەكشە نازار اۋداردى. 2020 جىلعا دەيىن جۇرگىزىلگەن تەحنيكالىق زەرتتەۋگە سايكەس 26 كوپپاتەرلى تۇرعىن ءۇي اپاتتى جاعدايدا دەپ تانىلعان, ونىڭ ىشىندە 9-ى كۇردەلى جوندەۋدى قاجەت ەتەدى, 17-ءسى بۇزىلۋى ءتيىس. ە. توعجانوۆ اكىمدىكتىڭ 17 اپاتتى ءۇيدىڭ تۇرعىندارىن ءۇش جىلدا باسقا جەرگە كوشىرۋ باعدارلاماسىن جاساعانىن ايتتى. وڭىردە وتكىر تۇرعان ماسەلەنىڭ ءبىرى - حالىقتى سۋمەن قامتاماسىز ەتۋ
تۇرعىنداردى سۋمەن قامتۋ ماسەلەسى دە وزەكتى بولىپ تۇر. ە. توعجانوۆ جەزقازعان مەن ساتپاەۆ قالالارىنىڭ تۇرعىندارىن سۋمەن قامتۋ ماسەلەسىن شەشۋى ءتيىس ەسقۇلا سۋ قۇبىرىنىڭ قۇرىلىسىنىڭ بارىسىنا نازار اۋداردى
«سۋعا بايلانىستى وتكەن جىلى ۇلكەن ماسەلە بولعانىن بىلەمىز. تۇرعىندار 11 كۇن سۋسىز وتىردى. ونداي ماسەلە بولاشاقتا بولماۋى كەرەك. وبلىس اكىمىمەن بۇل تۋرالى اڭگىمەلەستىك. شەشۋ جولى انىقتالدى. وبلىس باسشىلىعى سۋمەن جابدىقتاۋ ماسەلەسىن تۇبەگەيلى شەشۋگە ۋادە بەرىپ وتىر», - دەدى ەرالى توعجانوۆ.
بۇگىنگى تاڭدا ساتپاەۆ قالاسى اۋىز سۋمەن جاڭا سۋ جابدىقتاۋ جۇيەسى ارقىلى قامتاماسىز ەتىلىپ وتىر. 2019 جىلى «قازاقمىس كورپوراتسياسى» جشس-ءنىڭ باس جوبالاۋ ينستيتۋتى جەزقازعاندى سۋمەن قامتاماسىز ەتۋ ماقساتىندا ەسقۇلا سۋ تاراتقىشىن قايتا قالپىنا كەلتىرۋ جوباسىن جاسادى. ۆيتسە-پرەمەر تۇرعىنداردىڭ الەۋمەتتىك ماسەلەسىن شەشۋ ۇكىمەتتىڭ باقىلاۋىندا ەكەنىن باسا ايتتى.
ءوز كەزەگىندە قاراعاندى وبلىسىنىڭ اكىمى جەڭىس قاسىمبەك كەڭگىر سۋ قويماسىنان قوسىمشا سۋمەن جابدىقتاۋ جۇيەسى ەكى ايدىڭ ىشىندە ىسكە قوسىلاتىن حابارلادى.
ە.توعجانوۆ جەزقازعاندا سالىنىپ جاتقان 900 ورىندىق نازارباەۆ زياتكەرلىك مەكتەبىن ارالاپ كوردى. بارلىق جۇمىس كەستەگە سايكەس جۇرگىزىلۋدە. قازىرگى ۋاقىتتا نىساننىڭ قۇرىلىسى اياقتالۋعا جاقىن. حالىقارالىق نورمالارعا سايكەس اۋلانى اباتتاندىرۋ, جيھازبەن جاساقتاۋ بويىنشا تاپسىرمالار بەرىلدى.