ەلىمىزدىڭ باس پروكۋرورى اسحات داۋىلباەۆ قىرعىزستاننىڭ بىشكەك قالاسىندا وتكەن شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ باس پروكۋرورلارىنىڭ 11-ءشى وتىرىسىنا قاتىستى.
ەلىمىزدىڭ باس پروكۋرورى اسحات داۋىلباەۆ قىرعىزستاننىڭ بىشكەك قالاسىندا وتكەن شانحاي ىنتىماقتاستىق ۇيىمىنا (شىۇ) مۇشە مەملەكەتتەردىڭ باس پروكۋرورلارىنىڭ 11-ءشى وتىرىسىنا قاتىستى.
فورۋم جۇمىسىنا قازاقستان, قىتاي, قىرعىز, رەسەي, تاجىكستان جانە وزبەكستاننىڭ جوعارى قاداعالاۋ ورگاندارىنىڭ باسشىلارى, سونىمەن قاتار, شىۇ حاتشىلىعىنىڭ جانە ايماقتىق تەرروريزمگە قارسى قۇرىلىمى اتقارۋ كوميتەتىنىڭ وكىلدەرى قاتىستى.
وتىرىس بارىسىندا كۇن ءتارتىبىنىڭ وزەكتى تاقىرىپتارى تالقىلاندى. اتاپ ايتقاندا, شەكارالاس ەكونوميكالىق قىلمىسقا, سونىڭ ىشىندە زاڭسىز جولمەن كەلگەن كىرىستى جىلىستاتۋ جانە ۇيىمداسقان ترانسۇلتتىق قىلمىسقا قارسى كۇرەستە قۇقىقتىق كومەك كورسەتۋ ماسەلەلەرى قارالدى.
وتىرىس قورىتىندىسىندا حاتتاما قابىلداندى, وندا پروكۋرورلار كەلەشەكتە دە ءىس جۇزىندەگى ىنتىماقتاستىقتى نىعايتۋعا, ترانسۇلتتىق قىلمىسقا قارسى كۇرەستە ءتيىمدى جانە ۇيلەسىمدى ساياساتتى جۇرگىزۋگە دايىن ەكەندىكتەرىن ءبىلدىردى.
وسى فورۋم اياسىندا قازاقستاننىڭ باس پروكۋرورى بەلارۋس, قىرعىز, تاجىكستاننىڭ باس پروكۋرورلارىمەن, سونىمەن قاتار, قىتاي, رەسەي, ازەربايجان جانە ۋكراينانىڭ وكىلدەرىمەن ەكىجاقتى كەزدەسۋلەر وتكىزدى. كەزدەسۋ بارىسىندا قىلمىسقا قارسى كۇرەس سالاسىنداعى ىنتىماقتاستىق تۋرالى ءسوز بولدى, دەپ حابارلادى باس پروكۋراتۋرانىڭ ءباسپاسوز قىزمەتى.