وبلىستىق توتەنشە جاعدايلار دەپارتامەنتىنىڭ مالىمەتىنشە, جاز باستالعالى ءورت وقيعالارى كوبەيۋدە. سوندىقتان, دەپارتامەنت باسشىسى ازاماتتىق قورعاۋ پولكوۆنيگى ەرنۇر وتەگەنوۆ پەن ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مم باستىعى سۇلەيمەن بيماعامبەتوۆپەن وبلىس ورتالىعىندا ورنالاسقان ءورت ءسوندىرۋ بولىمدەرىنىڭ دايىندىعىن تەكسەرۋدە.
قالاداعى موسكۆا كوشەسى 56-دا ورنالاسقان № 4, گاگارين كوشەسى 65-تە ورنالاسقان № 3 ءورت ءسوندىرۋ بولىمدەرىندەگى ء ورت ءسوندىرۋ تەحنيكاسىنىڭ جاي-كۇيىن, قاجەتتى قۇرالدارمەن جابدىقتالۋىن جانە ءورت ءسوندىرۋ ءبولىمىنىڭ جەكە قۇرامىنىڭ ارنايى كيىممەن جابدىقتالۋىن تەكسەردى.
№ 4 ءورت ءسوندىرۋ ءبولىمىنىڭ باستىعى داستان ابۋقۇماروۆتىڭ ايتۋىنشا, ءورت ءسوندىرۋ بولىمىندە 4 اۆتوتسيستەرنا, 1 ءورت ءسوندىرۋ ستانساسى, 1 ءورت سوندىرگىش قۇبىرى بار كولىك, 1 موتوپومپا, 1 سورعى قۇبىرىمەن جابدىقتالعان اۆتوموبيل, باسقا دا ارنايى كولىكتەر بار.
ال ءورتتى ءسوندىرۋ سىناق زەرتحاناسىندا ءورت جانە جانۋ سەبەپتەرىنىڭ شىعۋى ءۇشىن ساراپتاما جۇرگىزۋگە ارنالعان اسپاپتار, جابدىقتار جەتكىلىكتى. بۇل زەرتحانادا 3 قىزمەتكەر جۇمىس ىستەيدى. سىناقتارعا شىعۋعا ارنالعان ءبىر كولىك بار.
سونداي-اق, سىناق وتكىزۋگە ارنالعان ءتورت قوندىرعى, 2 ميكروسكوپ, فوتو-بەينە فيكساتسيا قۇرالدارى دايىن.
ەرنۇر وتەگەنوۆ ءورت ءسوندىرۋ بولىمدەرى مەن ءورت سىناق زەرتحانالارىنىڭ باسشىلارىنا انىقتالعان ەسكەرتۋلەردى جويۋ بويىنشا بىرقاتار تاپسىرمالار بەردى.