- شىمكەنتكە كىرەر جانە شىعار جولداعى بلوك-بەكەتتەردەن كولىك پەن جۇرگىزۋشىلەردىڭ, جاياۋ جۇرگىنشىلەردىڭ ءوتۋ ءتارتىبى قازىرگى تاڭدا قالاي جۇرگىزىلۋدە؟
- ەلىمىزدە 11 مامىردا توتەنشە جاعداي اياقتالعان, دەگەنمەن 25 مامىرعا دەيىن قالا اۋماعىنداعى كارانتين رەجيمى جالعاسادى. وسىعان بايلانىستى شىمكەنت قالاسىنا كىرەتىن جانە شىعاتىن جولداردا جالپى 18 بۇعاتتاۋ بەكەتتەرىندە جۇمىلدىرىلعان قىزمەتكەرلەر قالانىڭ باس سانيتارلىق دارىگەرىنىڭ قاۋلىسىنا سايكەس جۇمىس اتقارۋدا. ولار قىزمەتتىك پلانشەتتەرمەن اۆتوكولىكتەردى جانە ازاماتتاردى تەكسەرۋدە.
- كىمدەرگە رۇقسات بەرىلگەن؟
- «سەرگەك» بلوك-پوست دەرەكتەر قورىندا بار اۆتوكولىكتەر مەن ازاماتتار كەدەرگىسىز وتۋدە, ال بازاعا تىركەلمەگەن اۆتوكولىكتەر مەن ازاماتتار كەرى قايتارىلۋدا. سونداي-اق قالانىڭ تىنىس-تىرشىلىگىن قامتاماسىز ەتەتىن ازىق-ت ۇلىك جانە قاجەتتى زاتتاردى تاسىمالدايتىن جۇك اۆتوكولىكتەرى كەدەرگىسىز وتۋدە.
- توتەنشە جاعداي رەجيمى مەرزىمى اياقتالعان سوڭ قانداي دا ءبىر جەڭىلدىكتەر قاراستىرىلدى ما؟
- اتالعان بۇعاتتاۋ بەكەتتەرىندە ءوتۋ ءتارتىبى, شەكتەۋلەر جانە تالاپتار ساقتالعان. وعان قانداي دا ءبىر وزگەرىستەر ەنگىزىلگەن جوق.
- شىمكەنت اۋماعىنان تىس قالا, اۋدانارالىق باعىتتا جولاۋشىلار تاسىمالىمەن اينالىسىپ جۇرگەن تاكسي جۇرگىزۋشىلەرى مەن جولاۋشىلارعا قانداي تالاپتار قويىلادى؟ ولاردا قانداي قۇجاتتار بولۋى كەرەك؟
- قالادان تىس جانە اۋدانارالىق باعىتتا جولاۋشىلاردى تاسىمالدايتىن اۆتوكولىك جۇرگىزۋشىلەرىنە بۇعاتتاۋ بەكەتتەرىنەن وتۋگە رۇقسات بەرىلمەگەن.
شىمكەنت