بۇگىن شىمكەنت قالاسىنىڭ اكىمى م.ايتەنوۆ قالانىڭ اۋىل شارۋاشىلىعى سالاسىنىڭ دامۋىنا ەلەۋلى ۇلەس قوسىپ جاتقان بىرقاتار ءىرى نىساننىڭ جۇمىسىمەن تانىستى.
شاhار باسشىسى بۇل نىسانداردى قالانىڭ اۋىل شارۋاشىلىعى سالاسىنا جاۋاپتى ورىنباسارى م.يساحوۆ جانە اۋىل شارۋاشىلىعى جانە ۆەتەريناريا باسقارماسىنىڭ باسشىسى ا.قانىبەكوۆپەن بىرگە ارالادى.
اتاپ وتسەك, ءبىرىنشى نىسان قاراتاۋ اۋدانى, سايرام ەلدى مەكەنى, يبراگيم اتا كوشەسىندە ورنالاسقان مال بورداقىلاۋ جانە تاۋارلى ءسۇت ءونىمىن وندىرۋمەن اينالىساتىن «بايتەرەك اگرو» اوك-ءى بولدى. اتالعان كەشەننىڭ نەگىزگى ءوندىرىس سالاسى – ءىرى قارا مال بورداقىلاۋ, تاۋارلى ءسۇت فەرماسى, ءسۇت قابىلداۋ مەن قايتا وڭدەۋ جانە مال سويۋ ورنى. مۇندا 1300 باسقا ارنالعان ءىرى قارا مال بورداقىلاۋ الاڭى مەن 200 باس تاۋارلى ساۋىندى سيىر بار. تاۋلىگىنە 4 تونناعا دەيىن ءسۇت قابىلداپ, سايكەسىنشە وسى ۋاقىت ىشىندە 4 تونناعا دەيىن ءسۇت وڭدەلەدى. بۇدان باسقا تاۋلىگىنە 50 باس ءىرى قارا مالدى سويۋعا مۇمكىندىكتەرى تولىقتاي جەتكىلىكتى.
قازىرگى تاڭدا بۇل كەشەندە 60 ادام تۇراقتى, ال اۋىسىم كەزىندە 200 ادام جۇمىس ىستەيدى. ءوندىرىس ورنى جايلى ەرەكشە اتاپ وتەرلىگى, اۋىل شارۋاشىلىعى كووپەراتيۆىندە وندىرىلگەن ونىمدەردى تىكەلەي دەلدالدارسىز قولجەتىمدى باعادا ۇسىنۋ ماقساتىندا قالانىڭ تۇرعىندارى تىعىز شوعىرلانعان جەرلەرىندە 5 دۇكەندە ساتىلۋدا. بۇل ونىمدەر دەر كەزىندە ساتىلىپ, قالا حالقىن ساپالى ازىق-ت ۇلىك ونىمدەرىمەن قامتاماسىز ەتۋدە.
بۇدان ءارى ءىرى كەشەندەردىڭ تىنىسىمەن تانىسۋ جۇمىسى قالانىڭ جىبەك جولى كوشەسى بويىندا ورنالاسقان «راحات-شىمكەنت» جشس كونديتەر ونىمدەرىن وندىرەتىن نىسانمەن جالعاستى.
بۇل كونديتەرلىك فابريكادا 80 ادام تۇراقتى جۇمىسپەن قامتىلعان. ولار جىلىنا 3,5 مىڭ توننا مارمەلاد ءونىمىن شىعارادى. ال ونىمدەرىن قالامىز بەن ەلىمىزدىڭ وزگە وڭىرلەرىنەن باسقا وزبەكستان, قىرعىزستان, رەسەي, تاجىكستان, ازەربايجان جانە قىتاي مەملەكەتتەرىنە جونەلتەدى.
م.دۇيسەنبەك ۇلىنىڭ ءوندىرىس ورىندارىن ارالاۋى اباي اۋدانى, قىزىلجار ەلدى مەكەنىندە ورنالاسقان «شىمكەنت قۇس» جشس تاۋارلى جۇمىرتقا جانە برويلەر ەتىن ءوندىرۋ باعىتىنداعى قۇس فەرماسىمەن اياقتالدى. كەشەننىڭ ورنالاسقان جالپى اۋماعى 57,7 گا قۇرايدى. مۇندا 320 ادام تۇراقتى جۇمىس ىستەيدى.
بۇل فابريكادا 602,7 مىڭ باس قۇس وسىرىلۋدە. ولار – جۇمىرتقالاعىش مەكيەن تاۋىق (286 مىڭ باس), جاس بالاپان (154 مىڭ باس) جانە برويلەر (123مىڭ باس). ال جۇمىرتقالاردى جيناۋ مەن سورتتاۋ پروتسەستەرى جايلى ايتساق, ول اۆتوماتتاندىرىلعان جۇيە تۇرىندە جۇمىس ىستەيدى. ياعني, قۇس فەرماسىنىڭ جىلىنا 105 ملن. دانا جۇمىرتقا جانە 2000 توننا برويلەر قۇس ەتىن وندىرۋگە قاۋقارى بار.
شىمكەنت