بۇگىن وڭىرلىك كوممۋنيكاتسيالار قىزمەتىنىڭ الاڭىندا جامبىل وبلىستىق پوليتسيا دەپارتامەنتى جەرگىلىكتى پوليتسيا قىزمەتى باسقارماسى باستىعىنىڭ ورىنباسارى, پوليتسيا پودپولكوۆنيگى جايداربەك قۇتتىباەۆ اعىمداعى جىلدىڭ 4 ايىندا وبلىستىڭ اۆتوجولدارىندا 283 جول-كولىك وقيعاسى تىركەلگەنىن حابارلادى. الايدا, وتكەن جىلدىڭ وسى كەزەڭىمەن سالىستىرعاندا جول-كولىك وقيعالارىنىڭ سانى 23,9 پايىزعا تومەندەگەن بولسا, قازا بولعانداردىڭ سانى 3,7 پايىزعا ارتقان. ال, جارالانعانداردىڭ سانى 37,0 پايىزعا ازايعان.
رەسپۋبليكالىق ماڭىزى بار اۆتوموبيل جولدارىندا جول-كولىك وقيعالار سانى 38,6 پايىزعا تومەندەگەن. قازا بولعانداردىڭ سانى 45,5 پايىزعا جانە جارالانعانداردىڭ سانى 56,0 پايىزعا ازايعان. جەرگىلىكتى ماڭىزى بار اۆتوموبيل جولدارىندا 33 جول-كولىك وقيعاسى تىركەلىپ, ونىڭ تومەندەۋ كورسەتكىشى 47,6 پايىزدى قۇراپ وتىر. سالدارىنان 13 ادام قايتىس بولىپ, 49 ادام جاراقات العان. سول سياقتى, قالالار مەن ەلدىمەكەندەردىڭ كوشە-جول جەلىلەرىندە 196 جول-كولىك وقيعاسى تىركەلگەن. سونىمەن قاتار, جايداربەك قۇتتىباەۆ 2019 جانە 2020 جىلدىڭ 4 ايىنىڭ قورىتىندىسى بويىنشا وبلىستا تىركەلگەن كولىك قۇرالدارىنىڭ سانى 85,3 پايىزعا وسكەنىن اتاپ ءوتتى. كولىك سانىنىڭ ارتۋى جول-كولىك اپاتىنىڭ وسۋىنە ەداۋىر اسەر ەتۋدە ەكەنىن ايتتى. سونداي-اق, پوليتسيا پولپولكوۆنيگىنىڭ ايتۋىنشا, جولدارداعى اپاتتىلىقتى تۋدىراتىن نەگىزگى فاكتورلار جۇرگىزۋشىلەردىڭ تومەن ءتارتىبى مەن ەلدىمەكەندەردەگى جولداردىڭ ناشار جاعدايى. پوليتسيا دەپارتامەنتىمەن اعىمداعى جىلدىڭ 4 ايىندا جول قوزعالىسى قاۋىپسىزدىگىن قامتاماسىز ەتۋ ماقساتىندا وبلىستىڭ 12 مىڭ شاقىرىمنان استام اۆتوجولدارى تەكسەرىلگەن.
«جىل باسىنان بەرى وبلىس ورتالىعىنىڭ اۋماعىندا 98 باعدارشام نىسانى قالپىنا كەلتىرىلىپ, 12 نەگىزگى قيىلىستاردا «اقىلدى باعدارشام» باعدارلامالىق قامتاماسىز ەتۋ قوندىرعىسى ورناتىلدى. ازاماتتاردىڭ قاۋىپسىزدىگىن قامتاماسىز ەتۋ جانە جول-كولىك جاراقاتتىلىعىنىڭ الدىن الۋ ماقساتىندا, جىل باسىنان بەرى جامبىل وبلىسىنىڭ پوليتسيا دەپارتامەنتى جەرگىلىكتى پوليتسيا قىزمەتى باسقارماسىنىڭ قىزمەتكەرلەرى «قاۋىپسىز جول», «اۆتوبۋس» جانە «قۇقىقتىق ءتارتىپ» الدىن الۋ ءىس-شارالارىن ۇيىمداستىردى. سونىمەن قاتار, جاياۋ جۇرگىنشىلەردىڭ, ونىڭ ىشىندە بالالاردىڭ قاۋىپسىزدىگىن قامتاماسىز ەتۋ ءۇشىن مەكتەپتەر مەن مەكتەپكە دەيىنگى مەكەمەلەردىڭ جانىندا, سونداي-اق, قالانىڭ نەگىزگى كوشەلەرىندە «جاياۋ جۇرگىنشىلەر وتكەلى» جول بەلگىلەرى جارىقديودتى شامدارعا اۋىستىرىلدى جانە وقۋشىلاردىڭ ماكەتتەرى ورناتىلدى. پوليتسيا دەپارتامەنتىمەن 2020 جىلدىڭ باسىنان جول- كولىك ەرەجەلەرىن بۇزۋعا قاتىستى 30 599 اكىمشىلىك قۇقىقبۇزۋشىلىق دەرەگى انىقتالدى. پاترۋلدىك پوليتسيا باتالونىنىڭ قىزمەت ينسپەكتورلارى تاراز قالاسى جانە اۋدانداردا 10-نان استام لوكالدى جۇمىستار ۇيىمداستىردى. JAC اۆتوكولىكتەرى نەگىزىندە 10 دانا «ارقان» ءموبيلدى اپپاراتتىق-باعدارلامالىق كەشەنى ساتىپ الىندى», دەدى جايداربەك قۇتتىباەۆ.
جامبىل وبلىسى