بۇگىنگى تاڭدا شىمكەنت قالاسىندا قۇرىلىس جۇمىستارى قارقىن الىپ, قىزۋ ءجۇرىپ جاتىر. اتاپ ايتساق, سولاردىڭ ءبىرى 10 نىسان – 13 شاقىرىم جول, 3 كوپىر, 1 وڭ جاق وتكەل قايتا قۇرىلىمداۋدان وتۋدە.
بۇلاردىڭ قاتارىندا ا-2 اۆتوجولى مەن تەمىرلان تاسجولىنىڭ قيىلىسىنداعى كولىك وتكەلدەرى, ا-2 اۆتوكولىك جولىنىڭ بۇرىنعى قوقىس پوليگونىنان ىنتىماق شاعىناۋدانىنا دەيىنگى بولىگىن جوندەۋ, جىبەك جولى, تورەقۇلوۆ, ادىربەكوۆ, بادام وزەنىندەگى اۆتوكولىك كوپىرلەرى مەن سايرام سۋ وزەنىندەگى لەڭگىر باعىتىنداعى كوپىردى قايتا قۇرىلىمداۋ جۇمىستارى بار. بۇعان قوسا 50 شاقىرىم جول مەن 2 كوپىر تولىق جوندەلىپ, 308 شاقىرىم جول ورتاشا جوندەۋدەن وتپەك.
جالپى, بيىل 223 نىسان پايدالانۋعا بەرىلسە, 2 نىسان 2021 جىلعا وتپەلى. ال وسى جىلدىڭ مامىر ايىنىڭ سوڭىنا دەيىن 136 نىسان, ماۋسىم مەن تامىز ايلارىندا 75 نىسان اشىلادى دەپ كۇتىلۋدە.
وسى ورايدا ەرەكشە توقتالىپ وتسەك, قالاداعى ەڭ ماڭىزدى قۇرىلىس ءجۇرىپ جاتقان كوشەلەردىڭ ءبىرى – رەسپۋبليكا داڭعىلى مەن رىسقۇلوۆ كوشەسى. مۇنداعى رەسپۋبليكا داڭعىلىنىڭ جالپى ۇزىندىعى – 5,3 شاقىرىم, ەنى 2ح14م بولسا, نىساننىڭ جالپى سوماسى 2 394,0 ملن.تەڭگەنى قۇرايدى. ال ت.رىسقۇلوۆ كوشەسىنىڭ جالپى ۇزىندىعى – 4,2 شاقىرىم, ەنى – 2ح7م. بۇل قۇرىلىس جۇمىستارى ا.بايتۇرسىنوۆ پەن ءال-فارابي كوشەسى ارالىعىندا جۇرگىزىلمەك.
سونداي-اق قالاداعى تاعى ءبىر ماڭىزدى جول جوندەۋ جۇمىستارىنىڭ ءبىرى – ا-2 «حورگوس-الماتى-شىمكەنت-وزبەكستان رەسپۋبليكاسىنىڭ شەكاراسى» اۆتوموبيل جولى بادام وزەنى ۇستىنەن وتەتىن كوپىردى قايتا قۇرۋ ۋچاسكەسىنىڭ ءىىى كەزەڭ جۇمىستارى. اتالعان كوپىردىڭ ۇزىندىعى – 144 م., ەنى – 28,2 م. بۇل جوبا 2020 جىلى تولىق اياقتالىپ, قالا تۇرعىندارىنىڭ يگىلىگىنە بەرىلمەك.
شىمكەنت