قارجى رىنوگىن رەتتەۋ جانە دامىتۋ اگەنتتىگى, ۇلتتىق بانك جانە «استانا» حالىقارالىق قارجى ورتالىعىنىڭ قارجىلىق قىزمەتتەردى رەتتەۋ جونىندەگى قىزمەتى ءوز فۋنكتسيالارىن ءتيىمدى ورىنداۋ جانە ەلدىڭ قارجى نارىعىنىڭ سەنىمدىلىگى مەن تۇراقتىلىعىن نىعايتۋ ماقساتىندا اقپاراتپەن, ونىڭ ىشىندە قۇپيا اقپاراتپەن الماسۋ تۋرالى كەلىسىمگە كەلدى.
بۇل تۋرالى قارجى رىنوگىن رەتتەۋ جانە دامىتۋ اگەنتتىگى بۇگىن تاڭەرتەڭ وتكەن ونلاين فورماتتاعى جيىندا حابارلادى.
«كەلىسىم ۇسىنىستاردى ەسكەرە وتىرىپ ازىرلەندى. بانكتىك قاداعالاۋ جونىندەگى بازەل كوميتەتى, ساقتاندىرۋدى قاداعالاۋ ورگاندارىنىڭ حالىقارالىق قاۋىمداستىعى, باعالى قاعازدار جونىندەگى كوميسسيانىڭ حالىقارالىق ۇيىمى جانە كەلىسىمنىڭ تاراپتارىنا باقىلاناتىن ۇيىمداردىڭ قىزمەتى, ولاردىڭ قازىرگى قارجىلىق جاعدايى تۋرالى اقپارات الماسۋعا نەگىز جاسايدى», دەيدى وسى جيىندى وتكىزگەن قارجى رىنوگىن رەتتەۋ جانە دامىتۋ اگەنتتىگى وكىلدەرى.
سونداي-اق, بۇل قۇجات باقىلاناتىن ۇيىمداردىڭ قارجى نارىعىنداعى ادىلەتسىز ارەكەتتەرى جانە ولاردىڭ زاڭدى بۇزۋى تۋرالى اقپارات الماسۋ ءتارتىبىن رەتتەيدى.
كەلىسىمدى ىسكە اسىرۋ رەتتەۋشى ورگانداردىڭ ءوزارا ءىس-قيمىلىن جانداندىرۋعا مۇمكىندىك بەرەدى, باقىلاۋ مەن قاداعالاۋدىڭ تيىمدىلىگىن ارتتىرۋعا, قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جونىندەگى شارالاردى كۇشەيتۋگە ىقپال ەتەدى جانە ناتيجەسىندە قازاقستاننىڭ قارجى نارىعىندا اشىقتىق پەن تۇراقتىلىقتى ارتتىرۋعا كومەكتەسەدى.