مەملەكەتتىك قىزمەت ىستەرى اگەنتتىگى ءاربىر ازاماتقا مەملەكەتتىك قىزمەتتەردى جەتىلدىرۋگە جانە قولجەتىمدى تسيفرلى مەملەكەتتى قۇرۋعا ءوز ۇلەسىن قوسۋعا مۇمكىندىك بەرەتىن «تىڭداۋ» بىرەگەي جوباسىن ىسكە قوستى.
مەملەكەت باسشىسى ءوزىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسى بارلىق ازاماتتاردىڭ وتىنىشتەرىنە جەدەل جانە ءتيىمدى ارەكەت ەتۋگە باعىتتالۋى ءتيىس ەكەنىن اتاپ ءوتتى. بۇل رەتتە, پرەزيدەنت مەملەكەتتىك اپپارات قىزمەتىندەگى پروبلەمالار كوبىنەسە ازاماتتار مەن جەرگىلىكتى جەرلەردەگى مەملەكەتتىك قىزمەتكەرلەر اراسىنداعى كەرى بايلانىستىڭ بولماۋىنا بايلانىستى ەكەندىگىنە نازار اۋداردى.
«حالىق ۇنىنە قۇلاق اساتىن مەملەكەت» – بۇل بارىنشا اشىق جانە ەسەپتى مەملەكەتتى قالىپتاستىرۋ. سوندىقتان مەملەكەتتىك اپپارات ءار سالا بويىنشا ءبىرىنشى كەزەكتە حالىقتىڭ پىكىرىن ەسكەرۋى ءتيىس.
«تىڭداۋ» جوباسى ەرىكتى-قولدانۋشىلار پىكىرى اياسىندا قۇرىلعان. جوباعا قاتىسۋ ءۇشىن ەلەكتروندى قىزمەتتى الۋ تالاپ ەتىلەدى جانە بارلىعىن tyndau.kz سايتىنداعى ونلاين-انكەتادا بەلگىلەي وتىرىپ, ونىڭ ءاربىر قادامىن باعالاۋ قاجەت. اگەنتتىك تەك مەملەكەتتىك قىزمەتتەرگە شاعىم جينامايدى. ءبىزدىڭ نەگىزگى ماقساتىمىز – پروبلەمالاردى انىقتاپ, ءتيىمدى كەرى بايلانىس ورناتۋ. ءبىز جيناقتالعان ماسەلەلەر بازاسىنا تالداۋ جاساپ جانە مەملەكەتتىك ورگاندارعا قاجەتسىز قادامداردى جويۋ, حالىقتىڭ مەملەكەتتىك قىزمەتتەردى الۋ پروتسەستەرىن جەڭىلدەتۋ بويىنشا ناقتى ۇسىنىستار بەرەتىن بولامىز.
وتكەن اپتادا ءبىز «تىڭداۋ» جوباسىن ىسكە قوسىپ جانە پروباتسيالاۋ ماقساتىندا ەكى قىزمەتتى تاڭداپ الدىق. ولار – پاسپورت پەن جەكە كۋالىكتى الۋ قىزمەتى. قازىرگى ۋاقىتتا وسى باعىت بويىنشا ازاماتتاردان ۇسىنىستار جيناۋ جالعاسۋدا.
بۇگىن وسى جوبا اياسىندا ەرىكتىلەردىڭ ىشىنەن العاشقى فوكۋس-توپ قۇرىلدى جانە ۇسىنىستار جيناۋ جۇرگىزىلۋدە. مىسالى, «ەلەكتروندىق ۇكىمەت» پورتالىندا جۇمىس پروتسەستەرىن جاقسارتۋ بويىنشا اۆتوماتتى تۇردە تەرۋ جانە تەك جسن-نى تەرگەن كەزدە ازاماتتىڭ دەرەكتەرىن (اتى-ءجونى, تۋعان جىلى مەن جەرى) تارتۋعا قول جەتكىزەتىن جاساندى ينتەللەكت نەگىزىندە ارنايى قوسىمشالار, جۇكتەلەتىن سكانەرلەنگەن قۇجاتتار مەن فوتوسۋرەتتەردى (3ح4) جۇيەگە قاجەتتى فورماتتارعا اۆتوماتتى تۇردە كەلتىرۋ ءۇشىن تۇرلەندىرۋگە ارنالعان كومەكشى قوسىمشالار بويىنشا ۇسىنىستار ازىرلەندى.
سونداي-اق اۆتوماتتاندىرىلعان قىزمەتتەردىڭ جۇمىسقا قابىلەتتىلىگىن تەستىلەۋ, ەتسق نەمەسە ءبىر رەت قولدانىلاتىن پارول كومەگىمەن اۆتوريزاتسيالاۋ نەمەسە قول قويۋ كەزىندە تۋىندايتىن اقاۋلاردى انىقتاۋ جۇرگىزىلەدى.
فوكۋس-توپتىڭ قاتىسۋشىلارى ۇسىنىستارىن «ەلەكتروندىق ۇكىمەت» پورتالىنداعى, موبيلدىك نۇسقاسى مەن تەلەگرام-بوتتاعى جۇمىستىڭ بەينەجازبالارى مەن جۇمىس بەتتەرىنىڭ سكريندەرى تۇرىندە ەنگىزىلەدى.
الداعى ۋاقىتتا ەلەكتروندىق قىزمەتتەر بويىنشا ءتيىستى ماتەريالداردىڭ جينالۋىنا قاراي ازاماتتاردىڭ ۇسىنىستارى مۇددەلى ورگاندارمەن بىرلەسىپ, كورسەتىلەتىن قىزمەتتى الۋشىلاردى حاباردار ەتە وتىرىپ, پىسىقتالاتىن بولادى. ءبىز جاقىن ۋاقىتتا «تىڭداۋ» حالىقتىڭ پىكىرىن ەسكەرەتىن ءتيىمدى جوبا بولادى دەپ ۇمىتتەنەمىز.
انار جايىلعانوۆا,
مەملەكەتتىك قىزمەت ىستەرى اگەنتتىگىنىڭ توراعاسى