دزيۋدوشى قىزداردىڭ قارقىنى نەگە باياۋ؟

بىردەن ايتا كەتەيىك, قازىرگى كەزدە قازاقستان قىزدار قۇرا­ماسىنىڭ جاعدايى وتە مۇشكىل. وعان دالەل – الەمدىك رەيتينگتە «توپ-10» بالۋان­دار قاتارىنا ءبىر عانا بۇرىمدىمىزدىڭ ەنۋى. ول – وتگونتسەتسەگ گالبادراح. بى­راق ول دا قا­زاقستاننىڭ تۋماسى ەمەس. 28 جاستاعى وتگونتسەتسەگ موڭ­عوليانىڭ تۇلەگى ەكەنىن جان­­­­كۇيەرلەر جاقسى بىلەدى. سول ەلدە ءجۇرىپ, دزيۋ­دونىڭ قىر-سىرىنا قانىقتى. ۇلانباتىردا جاتتىعىپ, ءبىراز بيىك بەلەستەردى باعىندىردى.

2015 جىلى قازاقستانعا قو­نىس اۋدارعان گالبادراح ءوزىنىڭ مىقتىلىعىن بىردەن مويىنداتتى. اسا جەڭىل سالماقتا بەلدەسكەن ول ەلىشىلىك جارىستاردا عانا ەمەس, قۇرلىقتىق جانە الەمدىك ارەنالاردا دارالاندى. اتاپ ايتار بولساق, ريو وليمپياداسى, ازيا ويىندارى, دۇنيەجۇزىلىك ۋنيۆەرسيادا جانە الەم چەمپيوناتىنىڭ ەكى دۇركىن قولا جۇلدەگەرى اتاندى. ازيا چەمپيونى جانە سول جارىستىڭ ءفيناليسى دەگەن اتاقتارى تاعى بار. ءبىر سوزبەن ايساق, اسا ءىرى حا­لىق­ارالىق دودالاردىڭ قىز-كەلىنشەكتەر سايىسىندا جۇلدە الىپ جۇرگەن جالعىز سپورتشىمىز سول عانا. بۇگىنگى تاڭدا 3353 ۇپاي جيعان وتگونتسەتسەگ الەمدىك رەيتينگتە 9-ورىندى يەلەنۋدە.

ال قالعان بۇرىمدىلا­رى­مىزدىڭ قازىرگى قارقىنىنا كو­ڭىلىمىز ەش تولمايدى. ەڭ وكى­نىش­تىسى, «توپ-50» تاتامي شە­بەر­لەرىنىڭ قاتارىنا ساناۋلى عانا وتانداسىمىزدىڭ ءوزى ازەر ەنىپ وتىر. وسى جاعداي ءبىز­دى قىنجىلتادى. ماسەلەن, وت­گونتسەتسەگ گالبادراحتان كەيىنگى ءتاۋىر كورسەتكىشتەر مىنا دزيۋ­دوشىلارعا تيەسىلى: سەۆارا نى­شانباەۆ (57 كيلو) – 36-ورىن, زارينا رايفوۆا (78 كيلو) – 44-ورىن, اننا كازيۋلينا (52 كيلو) – 45-ورىن, اقمارال ناۋاتبەك (48 كيلو) – 50-ورىن, يولانتا بەردى­بەكوۆا – (63 كيلو) – 54-ورىن, نازگۇل ماراتوۆا (+78 كيلو) – 57-ورىن جانە ءمولدىر نا­رىنوۆا (70 كيلو) – 65-ورىن. مىنە, بارى وسى! تىپتەن ولاردىڭ جيعان ۇپايلارىن جاريا ەتۋدىڭ ءوزى ىڭعايسىز. ەگەر الداعى جارىستاردا دا جەرلەس­تەرىمىز ناتي­جەلەرىن جاقسارتا الماسا, وندا قازاقستاننىڭ تەك ءبىر عانا بالۋانى وليمپيا ويىندارىندا باق سىنايتىنى انىق.

مىقتىلار جايىندا اڭگىمە­لەيتىن بولساق, قازىرگى كەزدە جا­پو­نيا قۇراماسىنىڭ قارقىنى وتە كۇشتى. كۇنشىعىس ەلىنىڭ 14 وكىلى «توپ-10» دزيۋدوشىنىڭ ساناتىنا قوسىلىپ وتىر. سولاردىڭ ەكەۋى – ۋتا ابە (52 كيلو) مەن سو­ري حامادا (78 كيلو) ۇزدىكتەر تى­زى­­مىندە الدارىنا جان سالار ەمەس.

فرانتسيا بالۋاندارىنىڭ دا تەگەۋرىنى تاۋ قوپاراتىنداي. ءوز سالماق دارەجەلەرى بويىنشا كلاريسس اگبەنەنۋ (63 كيلو) مەن ماري-يۆ گايە (70 كيلو) الەمدىك رەيتينگتە كوش باس­تاپ تۇر. 27 جاستاعى كلاريسس ريو وليمپياداسىنىڭ كۇمىس جۇلد­ەگەرى, الەم چەمپيوناتىندا ءتورت مارتە دارا شىعىپ, ءۇش رەت كۇمىسپەن كۇپتەلدى. 23 جاستاعى ماري-يۆ دۇنيەجۇزىلىك دودادا ءبىر التىن, ەكى كۇمىس جانە ءبىر قولانى قورجىنعا سالدى. جالپى, فرانتسيانىڭ سەگىز دزيۋدوشىسى ۇزدىك وندىقتىڭ قاتارىندا.

وزگە سالماق دارەجەلەرى بو­يىن­شا ۋكراينا­لىق داريا بي­لوديد (48 كيلو), كانادالىق كريستا دەگۋچي (57 كيلو) جانە كۋبالىق يداليس ورتيس (+78 كيلو) الەمدىك رەيتينگتىڭ جەكە-دارا كوش باسىندا كەلەدى. اري­نە ولاردىڭ بۇل تابى­سىنا ەش تاڭدانۋعا بول­مايدى. ويتكەنى ەسىم­دەرى اتال­عانداردىڭ بارلىعى دا ءبىراز جىلدان بەرى اسقان شە­بەرلىك تانىتىپ, بايراقتى باسە­كەلەردىڭ بيىگىنەن كورىنۋدە.

الەمدىك رەيتينگتە «توپ-10» دزيۋدوشىنىڭ قاتارىنا جاپو­نيانىڭ – 14, ال فرانتسيانىڭ 8 وكىلى ەنگەنى جايىندا جوعارىدا ايت­تىق. ودان بو­لەك, وسى تىزىمدە برازيليانىڭ – 6, گەر­ما­نيا­نىڭ – 5, كوسوۆو, كانادا, كۋبا, يسپا­نيا, ني­دەرلاندتىڭ – 3, رەسەي, سلوۆەنيا, ۇلى­بري­تانيا­نىڭ – 2, ۋكراينا, موڭعوليا, پور­تۋگاليا, قازاقستان, يتاليا, يزرايل, بەلگيا, سول­تۇستىك كو­رەيا, تايپەي, اۋستريا, شۆەي­تساريا, ازەر­بايجان, تۇركيا, چەر­نوگوريا, بەلارۋس جانە ءتۋنيستىڭ 1 بالۋانى بار.

الەمدىك رەيتينگتىڭ ۇزدىك­تەرى

48 كيلو: 1. داريا بيلوديد (ۋكراينا), 2. ديستريا كراسنيكي (كوسوۆو), 3. فۋنا توناكي (جاپو­نيا).

52 كيلو: 1. ۋتا ابە (جاپو­نيا), 2. اماندي بۋشار (فرانتسيا), 3. اي شيشيمە (جاپونيا).

57 كيلو: 1. كريستا دەگۋچي (كانادا), 2. دجەسسيكا كليمكايت (كا­نادا), 3. تسۋكاسا يوشيدا (جاپو­نيا).

63 كيلو: 1. كلاريسس اگ­بەنەنۋ (فرانتسيا), 2. تينا ترەست­­نياك (سلوۆەنيا), 3. ميكۋ تا­شيرو (جاپونيا).

70 كيلو: 1. ماري-يۆ گايە (فران­تسيا), 2. چيزۋرۋ اراي (جا­پو­نيا), 3. ساننە ۆان دەيكە (ني­دەرلاند).

78 كيلو: 1. سوري حامادا (جا­پونيا), 2. مادەلينا مالونگا (فرانتسيا), 3. فانني-ەستەل پوسۆيت (فرانتسيا).

+78 كيلو: 1. يداليس ورتيس (كۋبا), 2. اكيرا سونە (جاپونيا), 3. سارا اساحينا (جاپونيا).