بۇگىن ۇكىمەت الاڭىندا وتكەن بريفينگ بارىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ «5-10-20» جاڭا تۇرعىن ءۇي باعدارلاماسىنىڭ شارتتارى تۋرالى ايتىپ بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
بيىلعى 11 مامىر كۇنى مەملەكەتتىك كوميسسيا وتىرىسىندا تۇرعىن ءۇي قۇرىلىسىنداعى ماسەلەلەردى شەشۋگە قاتىستى تاپسىرما بەرىلدى. اتاپ ايتقاندا, ۇلتتىق دامۋ ينستيتۋتىن جانە «تۇرعىن ءۇي قۇرىلىس جيناق بانكى» نەگىزىندە باسپانامەن قامتاماسىز ەتۋ جونىندەگى ورتالىق – «وتباسى بانكىن» قۇرۋ.
«ونىڭ باستى يدەياسى مىنادا: مەنشىگىندە باسپاناسى جوق ءاربىر قازاقستاندىق وسى ورتالىققا حابارلاسىپ, ءوزىنىڭ تابىسىنا قاراي قولجەتىمدى باسپانا الۋعا مۇمكىندىك الادى», — دەدى ب. اتامقۇلوۆ.
ازاماتتار ساناتتارعا بولىنبەي, ناقتى تابىستارىنا قاراي ىرىكتەلەدى.
وتباسىنىڭ ءار مۇشەسىنە ساناعاندا تابىس مولشەرى 1 ەڭ تومەنگى كۇنكورىس كولەمىنە (31,2 مىڭ تگ) دەيىنگى ازاماتتار جالعا بەرىلەتىن تۇرعىن ءۇي الادى.
وتباسىنىڭ ءار مۇشەسىنە ساناعاندا تابىس مولشەرى 2 ەڭ تومەنگى كۇنكورىس كولەمىنە دەيىنگى ازاماتتار «باقىتتى وتباسى», «2-10-20» سەكىلدى باعدارلامالار بويىنشا 2% مولشەرلەمەمەن باسپانا الا الادى.
وتباسىنىڭ ءار مۇشەسىنە ساناعاندا تابىس مولشەرى 3,1 ەڭ تومەنگى كۇنكورىس كولەمىنە دەيىنگى (96,7 مىڭ تەڭگە) تۇرعىندار جاڭا «5-10-20» دى. باعدارلاماسىمەن باسپانا الا
وتباسىنىڭ ءار مۇشەسىنە ساناعاندا تابىس مولشەرى 3,1 ەڭ تومەنگى كۇنكورىس كولەمىنەن جوعارى ازاماتتار ەكىنشى دەڭگەيلى بانكتەردىڭ «7-20-25», نارىقتىق يپوتەكا باعدارلامالارىنا قاتىسا الادى.
سونىمەن قاتار يندۋستريا جانە ينفراقۇرىلىمدىق دامۋ ءمينيسترى جۋرناليستەردىڭ قر يدم-مەن اراداعى كەلىسىمنىڭ بۇزىلۋىنا بايلانىستى وسكەمەندەگى زاۋىتتىڭ جابىلۋى مۇمكىن ەكەنى تۋرالى مالىمدەمەگە قاتىستى سۇراعىنا جاۋاپ بەردى.
2010 جىلعى ماۋسىمدا «ازيا اۆتو» اق-مەن 2017 جىلعى 1 ماۋسىمنان باستاپ شاناعىن بالقىتىپ بىرىكتىرۋ جانە بوياۋ بويىنشا تەحنولوگيالىق وپەراتسيالاردى ۇيىمداستىرۋ مىندەتتەمەسىمەن كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. بىراق اتالعان مىندەتتەمە ورىندالعان جوق.
2012 جىلعى جەلتوقساندا «ازيا اۆتو قازاقستان» اق-مەن 2019 جىلعى 1 جەلتوقساننان باستاپ وسىنداي مىندەتتەمەسىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. بىراق ول مىندەتتەمە دە ورىندالمادى. وندىرۋشىلەردىڭ مىندەتتەمەلەرىنە سايكەس كومپانيالار 7 جىل ىشىندە شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق جابدىقتاردى پايدالانۋعا بەرۋى ءتيىس ەدى.
سونىمەن قاتار, كەيبىر باق پەن الەۋمەتتىك جەلىلەردە حابارلانعانداي, ونەركاسىپتىك قۇراستىرۋ تۋرالى كەلىسىمدى بۇزۋ كاسىپورىن قىزمەتىن توقتاتۋعا اكەپ سوقپايدى.
«ازيا اۆتو» اق جانە «ازيا اۆتو قازاقستان» اق كومپانياسى كولىك قۇرالدارىن ءوندىرۋدى جانە زاۋىت قۇرىلىسىن جالعاستىرا بەرۋگە قۇقىلى, بىراق ولار پرەفەرەنتسيالار المايدى. سونىمەن قاتار, مينيسترلىك كاسىپورىندار مىندەتتەمەلەرىن ورىنداعاننان كەيىن قايتادان كەلىسىم جاساۋعا جانە پرەفەرەنتسيالار بەرۋ مۇمكىندىگىن قايتا قاراۋعا دايىن», — دەدى ۆەدومستۆو باسشىسى.
داعدارىس كەزەڭىندە اۆتوموبيل ونەركاسىبى تۇراقتى ءوسىمىن كورسەتتى, 4 ايدا 173,4 ملرد تەڭگە سوماسىنا 23 703 اۆتوكولىك قۇرالى ءوندىرىلدى.
مەملەكەت ونەركاسىپ قۇراستىرۋ تۋرالى كەلىسىمدەردىڭ نەگىزىندە قوسىمشا قۇنى سالىعىنان (ققس) (12%) جانە كەدەندىك تولەمدەردەن (5%) بوساتادى. سونداي-اق ىنتالاندىرۋ تۇرىندە تولەنگەن كادەگە جاراتۋ الىمىن وتەيدى.
«بۇگىندە ۇكىمەت قابىلداعان شارالار شەڭبەرىندە جەڭىلدەتىلگەن كرەديت بەرۋ مەن تەحنيكانىڭ قارجىلىق ليزينگىنە سوماسى ۇلعايتىلدى, ۇلتتىق رەجيمنەن الىپ قويۋ ەنگىزىلدى. مەن بۇل سالا قازىر مەملەكەتتىك قولداۋدىڭ ەڭ جاقسى مۇمكىندىكتەرى مەن قۇرالدارىن الىپ وتىر دەپ سانايمىن», — دەپ تۇيىندەدى يندۋستريا جانە ينفراقۇرىلىمدىق دامۋ ءمينيسترى.