ۆولونتەر جاستاردى قولداۋ ماقساتىندا «جاس ۇلان» بىرىڭعاي بالالار مەن جاسوسپىرىمدەر ۇيىمى» رقب, اقپارات جانە قوعامدىق دامۋ مينيسترلىگى, «ازاماتتىق باستامالاردى قولداۋ ورتالىعى» كەاق قولداۋىمەن «Birgemiz: Taza Alem», «Birgemiz: Asyl مura» جالپىۇلتتىق جوبالارى شاعىن گرانتتار بايقاۋىن جاريالادى.
ەكولوگياعا جانە تاريحي-مادەني مۇرالارعا قاتىستى جوبالاردى ىسكە اسىرۋعا مۇمكىندىك بەرۋ, جوبالاردى ىسكە اسىرۋعا ازاماتتاردى كوپتەپ قاتىستىرۋعا نەگىزدەلگەن بايقاۋ بىرنەشە باعىت بويىنشا جۇرگىزىلەدى.
ارحەولوگيالىق ىزدەۋ جۇمىستارىن جۇرگىزۋ, قالپىنا كەلتىرۋ (رەستاۆراتسيا) جۇمىستارىن جۇرگىزۋ, تاريحي-مادەني نىسانداردا مونيتورينگ جۇرگىزۋ, تاريحي-مادەني ورىندارعا ۆولونتەر-گيدتەر دايارلاۋ, تاريحي-مادەني ورىنداردى ناسيحاتتاۋعا ۆولونتەرلەردى تارتۋ, ماتەريالدىق ەمەس مادەني مۇرانى ساقتاۋ بويىنشا جوبالارعا ۆولونتەرلەردى تارتۋ بويىنشا جۇمىس جۇرگىزەتىن جاستاردىڭ گرانتتى ۇتىپ الۋعا مۇمكىندىكتەرى بار.
گرانتتى 136 جاسقا بەرۋ جوسپارلانعان. 23 مامىرعا دەيىن جالعاساتىن بايقاۋدا جەكە تۇلعالار, باستاماشىل توپتار, ۇكىمەتتىك ەمەس ۇيىمدار باق سىناي الادى.
بايقاۋعا ۆولونتەرلىك قىزمەت تاجىريبەسىنە ازاماتتاردى تارتۋ ءۇشىن ءتيىمدى مەحانيزم مەن جاعىمدى جاعداي جاساۋ ارقىلى ۆولونتەرلىكتىڭ جۇيەلى دامۋىنا باعىتتالعان «Birgemiz» ۆولونتەر جىلىن وتكىزۋ كونتسەپتسياسىنا ساي جوبالار قابىلدانادى.