ەلوردا تۇرعىندارى سانيتارلىق نورمالاردى ساقتاماسا, قوعامدىق كولىك قىزمەتى قايتا توقتاۋى مۇمكىن. بۇل تۋرالى City Transportation Systems كومپانياسىنىڭ ءباسپاسوز قىزمەتى حابارلادى.
«قوعامدىق كولىك 12 مامىردان باستاپ قاتىناي باستادى. ازىرگە جەلىدە - قالالىق باعىتتار عانا. اۆتوبۋس جۇرگىزۋشىلەرى قاۋىپسىزدىك شارالارىن ساقتايدى, ياعني ماسكا تاعادى, قولعاپ كيەدى جانە انتيسەپتيك قولدانادى. COVID-19 جۇقتىرۋ قاۋپى ءالى سەيىلمەگەندىكتەن, جولاۋشىلاردى قوعامدىق كولىكتە بەتپەردە تاعىپ جۇرۋگە شاقىرعان ەدىك. وكىنىشكە قاراي, بارلىعى ەرەجەنى ءبىر ادامداي ساقتاي بەرمەيدى. 27 ناۋرىزدان 16 ساۋىرگە دەيىن №1 اۆتوپاركتىڭ ءبىر قىزمەتكەرى اۋىرعان اداممەن بايلانىستا بولعاندىقتان, كارانتينگە جابىلعان. ەگەر دە جاعداي تاعى قايتالانسا, قوعامدىق كولىك تۇگەلىمەن توقتاۋى مۇمكىن. سول سەبەپتى ەلوردا تۇرعىندارىن ءوزىنىڭ جانە اينالاسىنداعى ادامداردىڭ دەنساۋلىعىنا بەي-جاي قاراماي, سانيتارلىق نورمالاردى ساقتاۋعا شاقىرامىز» دەدى وكسانا لوسكۋتوۆا.