وسكەمەندە «نۇر وتان» حدپ شىعىس قازاقستان وبلىستىق فيليالىنىڭ كەزەكتەن تىس ءحىV كونفەرەنتسياسى بولىپ ءوتتى. وندا «قازاقستان-2050» ستراتەگياسىن جۇزەگە اسىرۋداعى «نۇر وتان» پارتياسىنىڭ جاڭا مىندەتتەرى, «نۇر وتان. نۇرلى بولاشاق جولىندا!» جاڭا ساياسي دوكتريناسى تالقىلاندى.
وسكەمەندە «نۇر وتان» حدپ شىعىس قازاقستان وبلىستىق فيليالىنىڭ كەزەكتەن تىس ءحىV كونفەرەنتسياسى بولىپ ءوتتى. وندا «قازاقستان-2050» ستراتەگياسىن جۇزەگە اسىرۋداعى «نۇر وتان» پارتياسىنىڭ جاڭا مىندەتتەرى, «نۇر وتان. نۇرلى بولاشاق جولىندا!» جاڭا ساياسي دوكتريناسى تالقىلاندى.
كونفەرەنتسيا جۇمىسىنا ءوڭىر باسشىسى, «نۇر وتان» حدپ وبلىستىق فيليالىنىڭ توراعاسى بەردىبەك ساپارباەۆ, پارلامەنت ءماجىلىسىنىڭ دەپۋتاتى ايگۇل سولوۆەۆا, قالالىق جانە اۋداندىق پارتيا ۇيىمدارىنىڭ جەتەكشىلەرى, «جاس وتاننىڭ» بەلسەندىلەرى قاتىستى.
– بۇگىن ءبىز بارلىق جوسپار مەن ءمىندەتتەردى ەلدى 2050 جىلعا دەيىن دامىتۋدىڭ ستراتەگيالىق جوسپارىنىڭ باستى قاعيدالارىمەن سايكەستەندىرۋىمىز قاجەت. بۇگىنگى كەزەكتەن تىس كونفەرەنتسيادا وتكەنگە كوز جۇگىرتىپ, بولاشاققا جوسپار جاساۋىمىز كەرەك. پارتيانىڭ حV سەزىندە جاڭا دوكترينا قابىلداناتىن بولادى, – دەدى ب.ساپارباەۆ.
ءوڭىر باسشىسىنىڭ ايتۋىنشا, شىعىستا قازىر «نۇر وتاننىڭ» 70 مىڭنان استام مۇشەسى, 540 باستاۋىش ۇيىم بار. ساننان گورى ساپاعا نازار اۋدارۋ كەرەك, سوندا عانا العا قويعان ماقساتقا جەتە الامىز. ۇسىنىپ وتىرعان دوكترينادا 7 باسىمدىق بەلگىلەنگەن. بىرلىك پەن كەلىسىم, ءتول مادەنيەت جانە رۋحانيات. مىقتى ەكونوميكا, ءادىل الەۋمەتتىك ساياسات, زيالى ۇلت, ءتيىمدى مەملەكەتتىك باسقارۋ, الەمگە اشىق قازاقستان, مىنە, وسىلاردا پارتيانىڭ نەگىزگى وڭ جەتىستىكتەرىنىڭ جولدارى كورسەتىلگەن, دەدى وڭىرلىك پارتيا جەتەكشىسى.
پارلامەنت ءماجىلىسىنىڭ دەپۋتاتى ا.سولوۆەۆا دوكتريناعا بايلانىستى ويلارىن ورتاعا سالدى. پارتيانىڭ ستراتەگيالىق قۇجاتى وسكەلەڭ جاس ۇرپاقتىڭ بويىندا وتانعا دەگەن ءسۇيىسپەنشىلىك, ادال بەرىلگەندىك, بارىنشا جان-تانىمەن جۇمىس ىستەۋ سەزىمىن قالىپتاستىرۋعا باعىتتالعان, دەدى حالىق قالاۋلىسى. ال سەمەيدەن كەلگەن «جاس وتاننىڭ» بەلسەندىسى مۇحتار بايماعۇلوۆ «قازاقستاننىڭ بولاشاعى – جاستاردىڭ قولىندا», دەي وتىرىپ, بۇگىنگى كۇنى كەندى التايدا 18758 جاسوتاندىق 136 باستاۋىش ۇيىمىن قۇرىپ وتىرعانىن, ولاردىڭ بارلىعىندا دوكترينانىڭ قىزۋ تالقىلانعانىن, جاستاردىڭ مەملەكەتتىڭ ءوسىپ-وركەندەۋى مەن العا قارىشتاپ دامۋىنا لايىقتى ۇلەس قوساتىنىن ايتتى. بۇدان كەيىن ءسوز العان كونفەرەنتسيا دەلەگاتتارى دوكترينانىڭ بەيبىتشىلىك پەن تاتۋلىق كەپىلى ەكەنىنە سەنىم ءبىلدىردى.
كونفەرەنتسياعا قاتىسۋشىلار الداعى «نۇر وتاننىڭ» حV سەزىنە دەلەگاتتار سايلادى.
وڭداسىن ەلۋباي,
«ەگەمەن قازاقستان».
وسكەمەن.